Gálatas 5:4 - Nuevo Testamento Tzeltal de Amatenango

⁴ Jaꞌex te ya aleik te tutꞌil libre ya xjilex yuꞌun amulik ta skuenta spasel te mantaliletike, jich la apit abaikix ta stojol Cristo yuꞌun a, sok jich la apit abaikix ta slekil yoꞌtan te Diose.

Bible in Tzeltal Bachajón

⁴ Te jayebex te yac acuyic te ha toj ya xc'ohex ta scuenta te Ley, la aloq'ues abahic ta stojol te Cristo; yahlemex ta stojol te yutsil-o'tanil.

Bible in Tzeltal de Oxchuc y Tenejapa

⁴ Ma'yuquex ta stojol Cristo, teme ya awalic te ja' toj ya xc'oex ta swenta xch'uunel te mandalile. Jich ch'ayix sc'oplal awu'unic te bit'il ay yutsil yo'tan awu'unic te Diose.

Gálatas 5:4 ပူးပေါင်းရင်းမြစ်များ

Romanos 11:6

Teme jaꞌ ta skuenta nax te slekil yoꞌtan te Diose, ma jaꞌukix ta skuenta te tut juꞌem yuꞌunik spasele. Porke te jaꞌuk ta skuenta te ay tut juꞌem yuꞌunik spasele, ma jaꞌuk kꞌuxutaybilik yuꞌun ta slekil yoꞌtan Dios te jichuke.

Romanos 3:20

Porke te Diose maꞌyuk machꞌa ya yalbe te jaꞌ libre ya xkꞌot yuꞌun te xchꞌuunej te tut ya yal te mantaliletike. Yuꞌun te mantaliletike jaꞌ nax ya xtuꞌun te ya yaꞌbotik jnaꞌtik te jmulawilotike.

Gálatas 2:21

Ma jkꞌan ya jpꞌaj te slekil yoꞌtan te Diose. Yuꞌun yauk xjuꞌ te ya yakꞌotik ta libre yuꞌun jmultik te xchꞌuunel te mantaliletike, jich lom nax a cham te Cristo te jichuke.

Gálatas 5:2

Aꞌibikon awaꞌi, joꞌon jPabloon ya kalbeyex: Teme jaꞌex ya awakꞌ abaik ta yichꞌel te sirkunsisione, te Cristo ma baleukix ya xkꞌot awuꞌunik a.

Hebreos 12:15

Oꞌtaninaik te ma me machꞌa ma staik te lekilal yuꞌun te Diose. Ma me ayuk machꞌa jich kꞌoem te tutꞌil jwol wamal te ay yisim te ma lekuk te ya yixlan te gentee.

Hebreos 4:1

Jaꞌ yuꞌun, kuidado me ya skꞌan xꞌanotik te tutꞌil ay to ta jkuentatik te sjapoj Dios te ya xjuꞌ xꞌochotik te ba luwar te kuxo-oꞌtane. Jaꞌ me ma lek teme ay jtuluk te jaꞌex te ma xkꞌo ataike.

Apocalipsis 2:5

Jaꞌ yuꞌun, naꞌame te ba ay te chꞌayemate. Sujtesa awoꞌtan ta stojol Dios, y pasa me xan jich tutꞌil te la apas ta nail toe. Teme maꞌuke, ya xtalon ta ora ta atojol y ya jpojbeyat te yawil akꞌajkꞌ te ba ay awuꞌune, teme max asujtes awoꞌtan ta stojol Diose.