Gálatas 5:3 - Nuevo Testamento Tzeltal de Amatenango

³ Ya jkꞌan jchaꞌalonbeyex xan: Machꞌauk winikil a te ya yichꞌ sirkunsisione, puersa ya xchꞌuun spasel spisil te tut ya yal te mantaliletik yuꞌun te jMoisese.

Bible in Tzeltal Bachajón

³ Yan buelta ya cal, spisil winiquetic te ya yac' sbahic ta a'beyel circuncisión, ya sc'an ya spas spisil bin ya yal te Ley.

Bible in Tzeltal de Oxchuc y Tenejapa

³ Te mach'a ya xch'uun yich'el te circuncisione, ya calbey xan yaiyic te puersa me ya xch'uun spasel spisil te bila ya yal te mandalile.

Gálatas 5:3 ပူးပေါင်းရင်းမြစ်များ

San Mateo 23:16

“Ay pe jal jaꞌex, te chok jtsobawexe te tutꞌil te jich ya awalike: “Teme ay tut ya kaltik te ya jpastike teme jaꞌ a kakꞌtik ta testigo te temploe, ma puersauk te ya jpastike. Yan teme jaꞌ a kakꞌtik ta testigo te oro yuꞌun te temploe, puersa me ya jpastik stukel te tuti kaltike”, xchaex.

San Mateo 23:18

Sok jich ya awalik euk te jaꞌexe: “Teme ay tut ya kaltik te ya jpastike, teme jaꞌ ya kakꞌtik ta testigo te xchikꞌojibal smajtan Diose, ma puersauk te ya jpastike. Yan teme jaꞌ a kakꞌtik ta testigo te smajtan Dios te kajaj ay te ba xchikꞌojibale, puersa me ya jpastik stukel”, xchaex.

San Lucas 16:28

Yuꞌun ay to joꞌtul kijtsꞌinab teꞌa. Aꞌ ba skꞌoponbon yuꞌun makꞌ xlaj talix a liꞌ ba ay kastigoe”, xchi.

Hechos 15:1

Ay machꞌatik a laj talik ta estado Judea lijk snojpesik te hermanoetike te puersa me ya yichꞌ sirkunsision ta stiꞌbalulik, jich tutꞌil te ya yal te mantaliletik yuꞌun te jMoisese, teme ya skꞌan xkolik sbajtel kꞌinale.

Hechos 2:40

Te jPedroe la to xan yalbe lek te skꞌop Diose y la stsits te jaꞌ lek te yauk xchꞌuunike. Y la yaltalanbe: —Pita abaik tal lokꞌel te ba genteetik te ma tsaꞌamuk yoꞌtanike —xchi.

Hechos 20:21

Jamal a kalbe te juriyoetike sok te machꞌatik maꞌ juriyouke te ya skꞌan ya sujtes yoꞌtanik yuꞌun smulik ta stojol Dios, sok te ya xchꞌuunik te Kajwaltik Jesucristoe.

Romanos 2:25

Batsꞌi jich te machꞌatik ya xchꞌuun te mantaliletik yuꞌun te jMoisese, ya xtuun yuꞌunik chꞌinuk te sirkunsisione. Pero teme ma xchꞌuun te mantaliletike, jich kꞌoem te tutꞌil ma yichꞌojuk sirkunsisione.

Gálatas 3:10

Yan te machꞌatik yaꞌtelinejik xchꞌuunel te mandaliletik yuꞌun jMoisese aylan ta skuenta chꞌayel. Porke te Sjun Dios jich ya yal: “Chꞌayel me ya xbajt machꞌauk a te ma spisiluk ya xchꞌuun spasel te tut tsꞌibabil ta sjunal yuꞌun te mantaliletike”, xchi me.

Gálatas 5:2

Aꞌibikon awaꞌi, joꞌon jPabloon ya kalbeyex: Teme jaꞌex ya awakꞌ abaik ta yichꞌel te sirkunsisione, te Cristo ma baleukix ya xkꞌot awuꞌunik a.

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

Efesios 4:17

Jich yuꞌun ya kalbeyex y ya jpasex ta mantal ta skuenta te Kajwaltike: Te ma me jichukix ya xꞌanex te tutꞌil yanetik genteetike te ma xchꞌuunejikuk te Diose, te jaꞌ nax ya spasik te tut ya snop ta jowil nax spensarike,

1 Tesalonicenses 4:6

Ma me ayuk machꞌa ay tut ya spasbe te ya sloꞌlay a te yermanoe. Porke te Kajwaltike tulan me ya yaꞌbe kastigo yuꞌun spisil to, jich tutꞌil la kalbeyexix.

1 Juan 4:14

Te joꞌotike kilojtik te Jesucristoe, y ya kaltik ta jamal te Tatile la stikon tal te Xnichꞌan yuꞌun tal skoltay te machꞌatik ayik ta balmilale.