Gálatas 5:2 - Nuevo Testamento Tzeltal de Amatenango

² Aꞌibikon awaꞌi, joꞌon jPabloon ya kalbeyex: Teme jaꞌex ya awakꞌ abaik ta yichꞌel te sirkunsisione, te Cristo ma baleukix ya xkꞌot awuꞌunik a.

Bible in Tzeltal Bachajón

² Ho'on Pablohon ya calbeyex, teme yac awac' abahic ta a'beyel circuncisión, mayuc sc'oblal ya xc'oht awu'unic a te Cristo.

Bible in Tzeltal de Oxchuc y Tenejapa

² Jo'on Pabloon ya calbeyex awaiyic, teme ya ach'uunic yich'el te circuncisione, xujt' ma'yuquix stuul ya xc'ot awu'unic a te Cristoe.

Gálatas 5:2 ပူးပေါင်းရင်းမြစ်များ

Hechos 15:1

Ay machꞌatik a laj talik ta estado Judea lijk snojpesik te hermanoetike te puersa me ya yichꞌ sirkunsision ta stiꞌbalulik, jich tutꞌil te ya yal te mantaliletik yuꞌun te jMoisese, teme ya skꞌan xkolik sbajtel kꞌinale.

Hechos 15:24

“La kaꞌibetik sluwar te ay chaꞌoxtul te liꞌ lijkemik baele te ma jtikonejtikuke te la yaꞌbeyex yajtal awoꞌtanik yuꞌun te tuti yalike sok te la yakꞌ aꞌbiyanuk awoꞌtanike. Jaꞌ te la yalbeyex te puersa ya skꞌan ya awichꞌik sirkunsision sok te ya achꞌuunik te mantaliletik yuꞌun te jMoisese.

Hechos 15:5

Pero ay chaꞌoxtul fariseoetik te xchꞌuunejikix te Jesuse la stejkꞌan sbaik jajchel, y la yalik: —Puersa me ya kaꞌbeytik yichꞌ sirkunsision te hermanoetik te ma juriyouke, y ya me kalbetik te ya xchꞌuunik te mantaliletik yuꞌun te jMoisese —xchiik.

1 Corintios 16:21

Joꞌon jPabloon, te ya jtsꞌibabeyex te spajtil awoꞌtanik te la jpas ta jkꞌab te letra to.

2 Corintios 10:1

Joꞌon jPabloon, ya kalbeyex awokolikuk ta skuenta slekil yoꞌtan sok skꞌuxul yoꞌtan te Cristoe. Yuꞌun ya awalik te kꞌalal ayon ta awolilike lom mansoo kakꞌoj jba. Y te kꞌalal jakal ayone ya awalik: “Ya stoy sba ta kꞌop”, xchaex.

Gálatas 5:11

Te joꞌone, kermanotak, te jaꞌuk to ya kakꞌ ta pasel te ya xchꞌuunik yichꞌel te sirkunsisione, maꞌyukon ta tenel yuꞌun te juriyoetik te jichuke. Sok ma kolauk ya yaꞌiyik te skꞌoplal te laj ta krus te Cristoe.

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

1 Tesalonicenses 2:18

Kꞌan talukotik, joꞌon te jPabloone, bayal buelta a kꞌan jpas te ya xtalone, pero te pukuje la skomotik.

Filemón 1:19

Joꞌon jPabloon, ya jtsꞌibabeyat ta jkꞌab te letra to: Joꞌon ya jtojbey te sbete. Aunke ya me kaꞌbeyat anaꞌ te jaꞌat ay abet kuꞌune, jaꞌ te akuxlejale.

Filemón 1:9

Pero jaꞌ ya kalbeyat awokoluk ta skuenta te skꞌuxul awoꞌtane. Joꞌon jPabloon, te mamalonix, y te ora to ayon ta prexo ta skaj te Cristo Jesuse,

Hebreos 4:2

Porke jich euk te joꞌotike la yalbelotik te skꞌoplal te kolele, jich tutꞌil albilik te antibo jmeꞌ-jtatike. Pero te stukelike maꞌ tuun yuꞌunik te la yaꞌiyike, porke maꞌ xchꞌuunik te tutꞌ ay skꞌoplale.