Gálatas 5:11 - Nuevo Testamento Tzeltal de Amatenango

¹¹ Te joꞌone, kermanotak, te jaꞌuk to ya kakꞌ ta pasel te ya xchꞌuunik yichꞌel te sirkunsisione, maꞌyukon ta tenel yuꞌun te juriyoetik te jichuke. Sok ma kolauk ya yaꞌiyik te skꞌoplal te laj ta krus te Cristoe.

Bible in Tzeltal Bachajón

¹¹ Quermanotac, teme yacon to ta yalel te ya sc'an circuncisión, ¿bin yu'unix a hiche te yacon ta uts'inel? Te hichuque, la yich'ix loq'uesel te bin chopol ya ya'iyic sc'oblal te cruz.

Bible in Tzeltal de Oxchuc y Tenejapa

¹¹ Jich yu'un, quermanotac, te yu'unuc ya to cac' ta ch'uunel te circuncisione, ma'yucon ta uts'inel yu'un judioetic te jichuque. Soc ma swentauc cojchinjibal ta stojolic te bit'il ay ta alel ta bayuc te laj ta cruz te Cristo te jichuque.

Gálatas 5:11 ပူးပေါင်းရင်းမြစ်များ

Hechos 16:3

Te jPabloe la skꞌan te ya sjoyin te jTimoteoe, pero nail a yaꞌbe yichꞌ sirkunsision yuꞌun jich makꞌ xlijk ta kꞌop a te juriyoetik te teꞌ kuxajtik ae. Porke snaꞌojik ta spisilik te stat jTimoteoe griego-winik stukel.

Hechos 21:21

Sok yaꞌiyojbeyik sluwar spisil te juriyoetik te aylan ta yanetik luware te ya anojpes te ma puersauk ya xchꞌuunik te tut yaloj te jMoisese, y ya awaltalanbe te makꞌ yaꞌbeyik sirkunsision te yuntikilike, sok te ma puersauk ya xchꞌuunik te kostumbre kuꞌuntike.

Hechos 21:28

Lijk awunikuk: —Israeletik, laꞌ koltayaotik. Te winik to jaꞌ te ya xbeen ta bayuk ta snojpesel te gente te maꞌyuk ta akꞌel ta jkuenta te jlumaltike, sok te mantaliletik yuꞌun te jMoisese, y sok te templo kuꞌuntike. Sok ta ora to la yikꞌix ochel ta templo te jyanlumetik te ma spas ya xꞌochik bael teꞌae. Jich a ixtaꞌajix te chꞌul templo kuꞌuntike —xchiik ta kꞌop.

1 Corintios 1:18

Lom nax kꞌoem ta yoꞌtanik te machꞌatik chꞌayel ya xlaj bajtike te tutꞌ ay skꞌoplal te cham ta krus te Cristoe. Pero te skꞌoplal to jich kꞌoem ta koꞌtantik te jaꞌ spoder Dios yuꞌun te machꞌatik ya xkolotike.

1 Corintios 1:23

Pero te joꞌotike jaꞌ ya kaltik te tutꞌil a milot ta krus te Cristoe. Jaꞌ to jaꞌ nax xcheꞌbantesel yoꞌtanik yuꞌun te juriyoetike, y te machꞌatik ma juriyouke, jowil nax kꞌoem ta yoꞌtanik.

1 Corintios 15:30

¿Y tuꞌun te ayotik ta peligro joꞌotik sil tiempo teme jichte?

Gálatas 2:3

Pero te jTito te sjoyinejone, te jaꞌ griego stukele, maꞌ sujot ta yichꞌel te sirkunsisione.

Gálatas 3:1

Jaꞌex Galataetik, te ma pꞌijukexixe, ¿Machꞌa a yaꞌbeyex chamel? Te tut la kalbetikexe, la kakꞌtik ta ilel ta asitik te Jesucristo te jojkꞌanot ta kruse.

Gálatas 4:29

Pero jich tutꞌil te nameye te nichꞌanil te ayin ta smantal te tiꞌbalulile la sten te nichꞌanil te ayin ta yaꞌtel te Espiritue, jich ya xkꞌot ta pasel ekꞌa te ora to.

Gálatas 6:12

Te machꞌatik ya skꞌan ya sujex ta yichꞌel te sirkunsisione, jaꞌ nax ya spasik yuꞌun te lek ya xꞌilot yuꞌun a te gentee, skuenta yuꞌun maꞌyukik ta ilbajinej yuꞌun te xchꞌuunejik te laj ta krus kuꞌuntik te Cristoe.

Gálatas 6:17

Te ora to y ta patil bael ma jkꞌan te ay machꞌa mas ya yaꞌbon jwokole. Yuꞌun te señaetik te kichꞌoj ta jtiꞌbalule, jaꞌ ya xchiknaj a te joꞌon jtul yaj-aꞌtelon te Jesuse.