Gálatas 5:10 - Nuevo Testamento Tzeltal de Amatenango

¹⁰ Y te joꞌone jich ay ta koꞌtan ta skuenta te Kajwaltike te ma me tut yan ya anopik te jaꞌexe. Pero Dios ya me yaꞌbe kastigo te machꞌatik ya xchebentesbeyex awoꞌtanike, ma yocheluk machꞌauk a.

Bible in Tzeltal Bachajón

¹⁰ Ta scuenta te Cajwaltic sch'uhunej co'tan te ma ba yan bin yac anopique; pero te mach'a yac schebalc'optaybelex ya me x'a'bot castigo, mach'ayuc a.

Bible in Tzeltal de Oxchuc y Tenejapa

¹⁰ Xch'uunej co'tan te ma'yuc yan te bila ya anopic ta swenta te Cajwaltique. Ja'uc me to, Dios me ya yac'bey castigo te mach'a ya xchebantesbeyex awo'tanique. Chican mach'a a.

Gálatas 5:10 ပူးပေါင်းရင်းမြစ်များ

Hechos 15:24

“La kaꞌibetik sluwar te ay chaꞌoxtul te liꞌ lijkemik baele te ma jtikonejtikuke te la yaꞌbeyex yajtal awoꞌtanik yuꞌun te tuti yalike sok te la yakꞌ aꞌbiyanuk awoꞌtanike. Jaꞌ te la yalbeyex te puersa ya skꞌan ya awichꞌik sirkunsision sok te ya achꞌuunik te mantaliletik yuꞌun te jMoisese.

1 Corintios 5:5

Jich te winik me to ya me awakꞌik entregal ta skꞌab pukuj, yuꞌun te stiꞌbalule ya me xlaj y te xchꞌulele ya me xkol te kꞌalal ya xtal te Kajwaltik Jesuse.

2 Corintios 1:15

Te tutꞌil jich ay te koꞌtane, jich jnopoj te nail ya xtal kilex te jaꞌexe, yuꞌun jich me ya awichꞌik chaꞌmel bendision a.

2 Corintios 10:2

Awokolikuk, te kꞌalal ya xtal kilexe, ma me awakꞌikon te tulan ya jkꞌoponex te jayebex ya awalik te skꞌanojel nax jtiꞌbalul spisil te tut ya jpase. Yuꞌun jich ay ta koꞌtan te ya jkꞌopon jbaj sok ta site.

2 Corintios 10:6

Y jich ayix ta koꞌtantik te ya xtal kaꞌbeytik kastigo spisil te machꞌa ma xchꞌuunik mantale yuꞌun jich me jmel nax ya xtojobex ta xchꞌuunel a.

2 Corintios 13:10

La jtsꞌibabeyex te karta to antes te ya xtal kilexe, yuꞌun te kꞌalal ya xtalone ma puersauk te tulan ya jkꞌoponex te tutꞌil ay kaꞌtel te yakꞌojbon te Kajwaltike. Ma yuꞌunuk ya jimex a, jaꞌ ya kaꞌbeyex spuersa awoꞌtanik.

2 Corintios 2:3

Jaꞌ yuꞌun te la jtsꞌibabeyex te kartae, porke ma jkꞌan te ya xtalon yuꞌun te ya awaꞌbikon yajtal koꞌtan te jaꞌexe. Yuꞌun jaꞌ mas lek te ya ajunutesbikon koꞌtane. Yuꞌun seguro ayon te ya xjunub awoꞌtanik ta apisilik te jaꞌexe teme jun koꞌtan ekꞌae.

2 Corintios 2:6

Teyix a te la akomik ta kastigo te machꞌa la achapbeyik te smule.

2 Corintios 5:16

Jaꞌ yuꞌun, te joꞌotike ma yajtaluk koꞌtantik te tut yilel te gente liꞌ ba balmilale. Te nail toe ya jkuytik te Cristoe pajal sok te tutꞌil ay te gentee. Yan te ora to ma jichukix jkuyojtik te jich aye.

2 Corintios 7:16

Ben kontentoonix awuꞌunik, jun koꞌtan ta akuentaik.

2 Corintios 8:22

Sok ay jtul xan kermanotik ya jtikontikix sok, te bayal buelta kilojtikix te ben jun yoꞌtan aye. Y mas xan a te ora to snaꞌoj ta yoꞌtan te tutꞌil ayexe.

Gálatas 1:7

Ma yuꞌunuk ay yan skꞌoplal te kolele. Jaꞌ nax te ay machꞌatik ya xchebentesbeyex awoꞌtanik te jaꞌexe. Ya skꞌan ya syanutesik te tutꞌil ay skꞌoplal te kolel yuꞌun te Cristoe.

Gálatas 2:4

Pero ay jtul cheb palso hermanoetik te ochik tal liꞌ ba ayotik, te mukul nax aylane, yuꞌun talemik ta ilawane te tutꞌil libre ayotikix ta skuenta te Cristo Jesuse. Yuꞌun ya skꞌan yakꞌotik xan ta mosoil yuꞌun te mantaliletike.

Gálatas 2:6

Pero te machꞌatik ay yaꞌtelik tey ae maꞌyuk tut achꞌ a yalbon. Aunke te joꞌone ma kocheluk te tut aꞌtel yichꞌojike, jich mismo te Diose ma jaꞌuk ya yichꞌ jkuenta te tut yilelike.

Gálatas 3:1

Jaꞌex Galataetik, te ma pꞌijukexixe, ¿Machꞌa a yaꞌbeyex chamel? Te tut la kalbetikexe, la kakꞌtik ta ilel ta asitik te Jesucristo te jojkꞌanot ta kruse.

Gálatas 4:11

Bayal ya xiꞌon awuꞌunik te lom nax ni ma tuunemuk awuꞌunik te aꞌtel jpasoje.

Gálatas 4:17

Te yanetike ben jun yoꞌtanik ta atojolik te jaꞌexe, pero ma slekilikuk te tut snopoje. Te tut ya skꞌanike jaꞌ te ya slokꞌesex ta jtojol, yuꞌun ben jun awoꞌtanik ya xkꞌoex ta stojolik.

Gálatas 4:20

Ya jkꞌan te ayukonix te ba ayex mismo ora to, yuꞌun ay tut tulan ya kalbeyex. Yuꞌun ma jnaꞌ te tut ayexe.

Gálatas 5:12

Pero te machꞌatik yipalik ta xchebentesel awoꞌtanik te jaꞌexe, lek te jaꞌuk ya yichꞌik ejchentesel ta jmel nax stukelike.

Gálatas 5:7

Te jaꞌexe lek ayex ta nail. ¿Machꞌa la xchebantesbeyex awoꞌtanik te ya ajilesik ta chꞌuunel te tut batsꞌi jiche?

Gálatas 6:17

Te ora to y ta patil bael ma jkꞌan te ay machꞌa mas ya yaꞌbon jwokole. Yuꞌun te señaetik te kichꞌoj ta jtiꞌbalule, jaꞌ ya xchiknaj a te joꞌon jtul yaj-aꞌtelon te Jesuse.

Filipenses 3:15

Ta jpisiltik te machꞌatik te jtaojtikix lek xchꞌuunel koꞌtantike ya me skꞌan ya jnaꞌtik te jich aye. Teme ay tut yan anopojik te jaꞌexe, Dios me ya yakꞌ anaꞌik.

2 Tesalonicenses 3:4

Ta skuenta te Kajwaltike, seguro ayotik te sil tiempo ya apasik te tut kalojbetikexe.

1 Timoteo 1:20

Jich a kꞌotix ta pasel ta skuenta te jHimeneo sok te jꞌAlejandroe, jaꞌ te machꞌatik la kakꞌix entregal ta skꞌab Satanas yuꞌun jich me ya xpꞌijubik a. Jich makꞌ yalikix te tutik ya stoyba-kꞌoptay a te Diose.

Filemón 1:21

Ya jtsꞌibabeyat porke seguro ayon te ya achꞌuune, y ya jnaꞌ te kꞌaxem ya apas te tut ya jkꞌanbeyate.