Gálatas 5:1 - Nuevo Testamento Tzeltal de Amatenango

¹ Te Cristoe la yakꞌotik ta libre, yuꞌun jich me libre ayotik a. Y ma me awakꞌ abaikix ta chukel yuꞌun te mosoile.

Bible in Tzeltal Bachajón

¹ Te Cristo la yac'otiquix ta libre scuenta yu'un libre ayotic, ha yu'un jc'axel ayinanic ta libre, ma me xawac' abahic xan ta chuquel ta yugo yu'un mosohinel.

Bible in Tzeltal de Oxchuc y Tenejapa

¹ Te Cristo la yac'otic ta libre swenta yu'un jc'axel libre ayotic ta melel. Jich yu'un ma me xawac' abaic xan ta yugo yu'un te mosoile.

Gálatas 5:1 ပူးပေါင်းရင်းမြစ်များ

San Mateo 23:4

Jaꞌ pajal kꞌoemik sok te machꞌatik ya stsꞌalik ijkatsil te lom al ta kuchele, te jaꞌ ya yaꞌbe skuch te genteetike. Yan te stukelike ni ma skꞌan slik chꞌinuk ta yal skꞌabik.

San Lucas 5:38

Por eso ya skꞌan te achꞌ nujkul ya yichꞌ pulel a te achꞌ binoe. Jich me ya xtuun ta xchebal a.

Hechos 15:10

Jaꞌ yuꞌun, ¿tut yes ya awilbeyik yoꞌtan te ora to te Diose, te ya awaꞌbeyik yijkꞌats te hermanoetik te tut maꞌ juꞌ kuꞌuntik xchꞌuunel sok euk te antibo jmeꞌ-jtatike?

Romanos 6:14

Jich te mulile maꞌyukix spoder ta atojolik. Yuꞌun ma kuxulukex ta skuenta te mantaliletike. Jaꞌ xanix me kuxulex ta skuenta slekil yoꞌtan te Diose.

Romanos 6:18

Jmel nax kolemexix ta mosoil yuꞌun te mulile, te jaꞌexe ochemexix ta tuunel yuꞌun te kuxlejal te toj aye.

Romanos 7:3

Yan teme kuxul to a te smamlale teme la sta sba sok yan winike, kremiwejel me ya xkꞌot sbiil abi. Pero teme cham te winikulile, kolem ya xjil te ants yuꞌun te mantalile, y ya spas ya xnujpun sok yan. Ma kremiwejelukix abi.

Romanos 7:6

Pero te ora to chamenotikix yuꞌun te mantaliletike te sjapuyejotik ta spodere. Jich kolemotikix yuꞌun ya xtuunotik ta stojol Dios sok te achꞌ jkuxlejaltik ta skuenta te Espiritue, y ma jaꞌukix ta skuenta te antibo mantaliletik tsꞌibabile.

Romanos 8:15

Yuꞌun te jaꞌexe ma jaꞌuk awikꞌojik te Espíritu yuꞌun mosoil te ya yaꞌbeyex xan xiꞌele. Jaꞌix te Espíritu te ya yakꞌex ta yal-xnichꞌan Diose. Jaꞌ te Espíritu te ya yalbotik te ya xjuꞌ ya kaltik ta stojol Dios: “jTat”, xchootik.

Romanos 8:2

Porke kꞌalal la kakꞌ jbatik ta skuenta te Espiritue, te ya yakꞌ kuxlejal ta skuenta te Cristo Jesuse, jaꞌ la skoltayotik ta skꞌab te mulile sok te lajele.

1 Corintios 15:58

Jich yuꞌun, kermanotak, te ben kꞌuxex ta koꞌtane, sigue junuk awoꞌtanik y ma me xtal-xbajtuk awoꞌtanik. Aꞌtejanik sil tiempo ta mas y ta mas ta yaꞌtel te Kajwaltike. Porke te jaꞌexe ya anaꞌik te ma jowilik te aꞌtel ya apasik te jun nax sok te Kajwaltike.

1 Corintios 16:13

Kuxa me awoꞌtanik y junuk me awoꞌtanik ta xchꞌuunel te Cristoe. Pasaik me winikil, y ayuk me spuersa awoꞌtanik.

1 Corintios 7:22

Yuꞌun teme ay machꞌa ay ta mosoil a te kꞌalal ikꞌot ta xchꞌuunel te Kajwaltike, te ora to libre ayix ta winikil te ya xtuuntesot yuꞌun te Kajwaltike. Y jaꞌ nax jich te machꞌa libre ay ta winikil a te kꞌalal ikꞌote, te ora to jaꞌ mosoix yuꞌun te Cristoe.

2 Corintios 11:20

sok kujchem awuꞌunik te machꞌatik ya sujex ta mantaltesele, sok te machꞌa ya slajinbeyex te tut ay awuꞌunike, sok te ya sloꞌlayexe, sok te machꞌa mukꞌ ya yakꞌ sba ta atojolike, o sok te machꞌa ya smajbeyex awelawike.

2 Corintios 3:17

Porke te Kajwaltike, Espíritu stukel. Y te machꞌa ay ta skuenta te Espíritu yuꞌun te Kajwaltike, ayix ta libre yuꞌun.

Gálatas 2:4

Pero ay jtul cheb palso hermanoetik te ochik tal liꞌ ba ayotik, te mukul nax aylane, yuꞌun talemik ta ilawane te tutꞌil libre ayotikix ta skuenta te Cristo Jesuse. Yuꞌun ya skꞌan yakꞌotik xan ta mosoil yuꞌun te mantaliletike.

Gálatas 3:25

Pero te ora to julemix te tutꞌil ay te xchꞌuunel-oꞌtanile. Maꞌyukotikix ta skuenta te mosoile, jaꞌ bi jaꞌ te mantaliletike.

Gálatas 4:26

Pero te Jerusalen te ay ta chꞌulchan libre ay stukel, y joꞌotik yuntikilotikix.

Gálatas 4:31

Jaꞌ yuꞌun kermanotak, ma jaꞌuk yuntikilotik te kriadaile. Ja yuntikilotik te machꞌa libre aye.

Gálatas 4:9

Pero ta ora to ya anaꞌbeyikix sba te Diose, o jaꞌ mas lek ta alel te Dios ya snaꞌ abaik te jaꞌexe. ¿Tut yuꞌun te ya sujtex xan ta skuenta te tutꞌil maꞌyuk yip y te maꞌyuk spoderike, y te ya awakꞌ abaik ta mosoinel yuꞌune?

Gálatas 5:13

Te jaꞌexe, kermanotak, Dios la yikꞌex yuꞌun te libre ya xkꞌoexe. Pero ma me jaꞌuk libre ayex yuꞌun te ya aleik xan amulike. Jaꞌ lek abatin abaik ta juju-tul sok slekil awoꞌtanik.

Efesios 6:14

Jich yuꞌun, tulan me xꞌawakꞌ abaik. Jaꞌuk xchujkil achꞌujtik te tut batsꞌi jiche, y jaꞌuk me smajkil awoꞌtanik te tut stojile.

Filipenses 1:27

Jaꞌ nax tulan skꞌoplal te ya xkuxuyinex jich tutꞌil ya yal te lek achꞌ kꞌop yuꞌun te Cristoe. Jich mismo teme tal kilex o teme maꞌ talone ya jkꞌan ya kaꞌiy te jaꞌex te sigue jun awoꞌtanik y te jun nax ayexe. Ya me apasik puersa ta apisilik te ya awakꞌik ta chꞌuunel te skꞌoplal kolele.

1 Tesalonicenses 3:8

Kꞌalal la kaꞌitik te jun awoꞌtanik ta skuenta te Kajwaltike, jich kuxuyinotik xan te joꞌotike.

2 Tesalonicenses 2:15

Jich yuꞌun, kermanotak, junuk me awoꞌtanik sil tiempo. Y ma me achꞌay ta awoꞌtanik te nojpesel te la kaꞌbetikex ta jteklejaltike o ta kartae.

Hebreos 10:23

Junuk me koꞌtantik, ma me tut xyal koꞌtantik. Ya me jnaꞌtik te tut yipalotik ta smaliyel, sok te xchꞌuunel koꞌtantik te ya kaltik ta jtiꞌtike. Porke te Diose ya skꞌoes ta pasel te tut yalojbotik te ya spasbotike.

Hebreos 3:14

Porke yuꞌun te ya xjuꞌ te jun nax ya xkꞌootik sok te Cristoe, jaꞌ ya skꞌan te jun koꞌtantik kꞌalal ta slajibal kꞌaal jich tutꞌil te smukꞌul koꞌtantik ay kuꞌuntik ta slijkꞌibale.

Hebreos 3:6

Yan te Cristo te Xnichꞌan Diose, jun yoꞌtan skuentainej spisil te sna Diose, jaꞌ te joꞌotike, teme jmel nax jun koꞌtantik kꞌalal ta slajibal kꞌaale, te ben tsaꞌam yipalotik ta smaliyele.

Hebreos 4:14

Te Jesuse, te Xnichꞌan Diose, jaꞌ mukꞌul saserdote kuꞌuntik te ochemix bael ta chꞌulchane. Jaꞌ yuꞌun ya skꞌan sigue jun koꞌtantik ya jchꞌuuntik te tut ya kal ta jtiꞌtike.

1 Pedro 2:16

Te tutꞌil libre ayexe, pasaik me te tut leke. Ma me yuꞌunuk jaꞌ libre ayex ta spasel te tut ma lekuke. Jachikukex me te tutꞌil yaj-aꞌtelex te Diose.

2 Pedro 2:19

Ya yalik te libre ayike, pero stukelik mismo ayik ta mosoinel yuꞌun te tut skuenta lajel. Porke spisil gente jaꞌ mosoinbil yuꞌun te tut ya stsalot yuꞌune.

Judas 1:3

Kermanotak te kꞌuxex ta koꞌtane, ben jun koꞌtan a jkꞌan a jtsꞌibabeyex te tutꞌil ay te kolele te pajal ayix kuꞌuntike. Pero te ora to ya kil te tut puersa ya skꞌan pasel te kartae, yuꞌun ya kalbeyex te ya apasik puersa sok te xchꞌuunel awoꞌtanike te jmel nax aꞌbilotikix sok te machꞌatik ayix ta skuenta te Diose.

Apocalipsis 2:25

Pero ma me wakꞌ chꞌayuk te tut ay awuꞌunike asta jaꞌ to teme talone.

Apocalipsis 3:3

Naꞌa me te pꞌijutesel la awichꞌe y te la awaꞌiye. Jaꞌ me xꞌapas, y sujtesa awoꞌtan ta stojol Dios. Teme ma la akux awoꞌtane, ya xtalon ta atojol jachik tutꞌil jꞌelekꞌ te kꞌalal ma yipalukat ta smaliyele.