Gálatas 4:9 - Nuevo Testamento Tzeltal de Amatenango

⁹ Pero ta ora to ya anaꞌbeyikix sba te Diose, o jaꞌ mas lek ta alel te Dios ya snaꞌ abaik te jaꞌexe. ¿Tut yuꞌun te ya sujtex xan ta skuenta te tutꞌil maꞌyuk yip y te maꞌyuk spoderike, y te ya awakꞌ abaik ta mosoinel yuꞌune?

Bible in Tzeltal Bachajón

⁹ Pero yo'tic, te bin ut'il yac ana'beyiquix sba te Diose, o lec xan ya caltic te na'bilexix abahic yu'un Dios, ¿bin yu'un te ya xcha'suhtex xan ta apatic ta stojol te bintic mayuc yip soc te bintic scuenta bahlumilal, te c'an awac' xan abahic ta mosohil yu'un?

Bible in Tzeltal de Oxchuc y Tenejapa

⁹ Ja'uc me to, te bit'il la ana'beyiquix sba te Diose, soc te ja' la sna'beyex abaic stuquele, ¿bi la spas te awo'tanique, te ya sujt'ex xan ta mosoil yu'un te bila ma'yuc yip soc ma'yuc sc'oplal ta ch'uunele?

Gálatas 4:9 ပူးပေါင်းရင်းမြစ်များ

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

San Lucas 5:38

Por eso ya skꞌan te achꞌ nujkul ya yichꞌ pulel a te achꞌ binoe. Jich me ya xtuun ta xchebal a.

San Juan 10:14

“Joꞌon te lekil jkananone. Jich tutꞌil te ya snaꞌbon jba te jTate y te joꞌone ya jnaꞌbe sba euk te jTate, jich euk te jkarnerae ya jnaꞌbe sba y ya snaꞌbikon jba euk te joꞌone. Te joꞌone ya kakꞌ jba ta milel yuꞌun te karneraetike.

San Juan 10:27

Te jkarnera ya snaꞌbonik sba te jkꞌope, y te joꞌone ya jnaꞌbe sba, y ya stsꞌakliyikon.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

Romanos 8:29

Jaꞌ te machꞌatik tsabilik ta nail to yuꞌun te Diose, te la snop Dios ta slijkibal to te jich ya xkꞌotik te tutꞌil Xnichꞌane. Yuꞌun jich ya xkꞌot te Xnichꞌan te jaꞌ bankilal yuꞌun te bayal yijtsꞌinabe.

Romanos 8:3

Porke Dios a spasix te tut maꞌ juꞌ yuꞌun spasel te mantaliletik yuꞌun te jMoisese. Yuꞌun maꞌ juꞌ yuꞌun te mantaliletike, ta skaj te maꞌyuk spuersa te stiꞌbalul te mulawil winike. Dios a stikon tal te batsꞌil Xnichꞌan te batsꞌi jachik yilel te tutꞌil jmulawil winike, y la yakꞌ ta milbil majtanil skuenta yuꞌun mulil, yuꞌun jich a yakꞌ ta lajel te mulil te ay ta jtibalultike.

1 Corintios 13:12

Te ora to jich to nax ya kil tutꞌil ta jun espejo te ma to chikanuk lek ta ilele. Pero ya xtal jun kꞌaal te ya kiltik spisil te tut a te jamale. Te tut jnaꞌoj te ora to, olil to nax. Pero ya xtal jun kꞌaal te ya me kil spisil jich tutꞌil te Dios ya snaꞌbon jbae.

1 Corintios 15:34

Ilme abaik, ma me ale amulik. Yuꞌun ay jtul-cheb te jaꞌexe te ma xꞌanaꞌbeyik sba te Diose. Jich ya kalbeyex to yuꞌun ya xkꞌexawex a.

1 Corintios 8:3

Pero teme ay machꞌa kꞌux ya yaꞌiy ta yoꞌtan te Diose, Dios ya xnaꞌbot sba yuꞌun.

2 Corintios 11:20

sok kujchem awuꞌunik te machꞌatik ya sujex ta mantaltesele, sok te machꞌa ya slajinbeyex te tut ay awuꞌunike, sok te ya sloꞌlayexe, sok te machꞌa mukꞌ ya yakꞌ sba ta atojolike, o sok te machꞌa ya smajbeyex awelawike.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

Gálatas 3:3

jmel ma pꞌijukexix te jaꞌexe. Te tutꞌil a lijkex ta spasel ta skuenta te Espiritue, te ora to ya akꞌan ya ajuꞌutesik ta puersa sok atiꞌbalulik.

Gálatas 4:3

Jich mismo ya xkꞌot ta jkuentatik ekꞌa. Te kꞌalal chꞌinotik to aye jich ayotik ta skuenta te machꞌatik ay spoderik te ya spasawanik ta mantal liꞌ ba balmilale.

Efesios 1:17

Ya jkꞌanbe te Diose yuꞌun te Kajwaltik Jesucristoe, te Tatil te lom bayal slekilale, aꞌ yaꞌbeyex te pꞌijilil ta skuenta te Espiritue, skuenta yuꞌun jich ya anaꞌik a te tut ya yakꞌ ta naꞌele, y ya me anaꞌbeyik sba ta lek.

2 Timoteo 2:19

Pero jun nax te kiptajibtik te yakꞌoj Dios te makꞌ xnijk stukele. Jaꞌ tsꞌibabil teꞌa: “Te Kajwaltike yiloj te machꞌatik ay ta skuentae”, xchi me. Sok “A me sjilesik mulil spisil te machꞌatik yajwalinejik te Cristoe”, xchi me.

Hebreos 7:18

Jich yuꞌun te mantaliletik te nameyixe, lajix jil skꞌoplal porke maꞌyuk yip y maꞌ tuun.

2 Pedro 2:20

Yuꞌun te machꞌatik la snaꞌbeyix sba te Kajwaltik Jesucristo te jKoltawanej kuꞌuntike, y kolikix tal lokꞌel te ba ay te tut ma lekuk ta skuenta te balmilale, y teme la yakꞌ sbaik xan ta tsalel yuꞌun te tutik a jilix yuꞌun te nail toe, y teme ya stsalot xan yuꞌune, mas pewor ya sujt ke te nail toe.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.