Gálatas 4:5 - Nuevo Testamento Tzeltal de Amatenango

⁵ Yuꞌun tal yakꞌ ta libre te machꞌatik ayotik to ta skuenta te mantaliletike, yuꞌun te Diose jich me ya yikꞌotik ta yal-xnichꞌan.

Bible in Tzeltal Bachajón

⁵ scuenta yu'un ya yac' ta libre te mach'atic cuentahimbilic yu'un te Ley, scuenta yu'un ya x'ic'ototic ta al-nich'anil.

Bible in Tzeltal de Oxchuc y Tenejapa

⁵ Swenta yu'un tal yac'otic ta libre te bit'il wentainbilotic yu'un te mandalile, swenta yu'un jich me ya yic'otic ta yal-snich'an te Diose.

Gálatas 4:5 ပူးပေါင်းရင်းမြစ်များ

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Lucas 1:68

Ben tsaꞌam slekil te Kajwaltik Dios yuꞌun te Israele. Yuꞌun tal slebotik jkoleltik joꞌotik te jtejklumotik yuꞌune.

San Juan 1:12

Pero te machꞌatik la yakꞌik ta jkuentae Y la xchꞌuunik te tikonbil tal yuꞌun te Diose, akꞌtalanbot ta skuentaik te yal xnichꞌan Dios ya xlaj kꞌotike.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Romanos 10:4

Porke te mantaliletike kꞌo lajuk skꞌoplal ta skuenta Cristo, yuꞌun jaꞌ ya skoltay yuꞌun smul spisil te machꞌatik ay xchꞌuunel yoꞌtanike.

Romanos 8:14

Spisil te machꞌatik uꞌuninbil yuꞌun te Espíritu yuꞌun te Diose, jaꞌ yal-xnichꞌan Dios abi.

Romanos 8:15

Yuꞌun te jaꞌexe ma jaꞌuk awikꞌojik te Espíritu yuꞌun mosoil te ya yaꞌbeyex xan xiꞌele. Jaꞌix te Espíritu te ya yakꞌex ta yal-xnichꞌan Diose. Jaꞌ te Espíritu te ya yalbotik te ya xjuꞌ ya kaltik ta stojol Dios: “jTat”, xchootik.

Romanos 8:19

Sok te tutik spasoj te Diose jun yoꞌtan yipal ta smaliyel te tut ora ya xchiknatesot te machꞌatik yal-xnichꞌan te Diose.

Romanos 8:23

Y ma jaꞌuk nax ay swokol te tut spasoj te Diose; jich euk te joꞌotike ayotik ta wokol, aunke kikꞌojtikix te Espiritue te ja seña te jayeb to ya yaꞌbotik te Diose. Lom ayotik ta wokol ta smaliyel te tut ora yal-xnichꞌanotik Dios ya xkꞌootike. Jich me ya xkolotik sok a te jtiꞌbalultike.

Romanos 9:4

Jaꞌ stsꞌumbalik te Israele, y Dios la yikꞌtalan jich tutꞌil xnichꞌnab. Dios ay ta yolilik sok stsaꞌamul slekilal, y la yakꞌtalanbe te trateetike sok te mantaliletik yuꞌun te jMoisese. Sok la yalbe te tutꞌil ya skꞌan ya yichꞌ chꞌuunel te Diose sok te tutꞌil ya yichꞌik koltayel yuꞌune.

Gálatas 3:13

Te Cristoe jaꞌ a yakꞌotik ta libre yuꞌun te kastigo yuꞌun te mantaliletike. Yuꞌun stukel a slajinbe jilel skꞌoplal te chꞌayel ya xbootike. Porke te Sjun Diose ya yal: “Chꞌayel ya xbajt spisil te machꞌa jokꞌol ya xcham ta teꞌe”, xchi me.

Gálatas 3:26

Yuꞌun te xchꞌuunel awoꞌtanik ta skuenta te Cristo Jesuse, ta apisilik te jaꞌexe yal xnichꞌanexix te Diose.

Gálatas 4:21

Albikon te jaꞌex ya akꞌan ya awakꞌ abaik ta japuyel yuꞌun te mantaliletik yuꞌun te jMoisese. ¿Meꞌn maꞌ awaꞌiyejikuk te tut ya yal te mantaliletike?

Gálatas 4:7

Jich yuꞌun te jaꞌate maꞌyukatix ta mosoil. Jaꞌ yal-xnichꞌanatix te Diose. Y te tutꞌil yal xnichꞌanexix te Diose, yuꞌun jich ya skꞌan yoꞌtan te ya awichꞌik euk te majtanile.

Efesios 1:5

Ta skuenta skꞌuxul yoꞌtan jich chapal yuꞌun te nail toe te jich ya yikꞌotik ta yal-xnichꞌan ta skuenta te Jesucristoe, jich tutꞌil te yaloje te jich ya skꞌan yoꞌtane.

Efesios 1:7

Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 1:3

Stukel yichꞌojbey stsaꞌamul slekil te Diose, sok jaꞌ mismo ya yakꞌ ta naꞌel tut yilel te Diose. Ta skuenta skꞌop te bayal spodere, jaꞌ te yipajtesej spisil te tutik aye. Ta patil te la spokotik yuꞌun te jmultike, la snajkan sba ta chꞌulchan ta sbatsꞌil te ba nakal te Diose.

Hebreos 9:12

Te Cristo ochemix bael te ba ay te Batsꞌi Chꞌul Luware. Y ma jaꞌukix ya yakꞌ te xchꞌichꞌel chiboetike y sok te beseroetike, sino ke stukel te xchꞌichꞌele. Jun nax buelta a och bael ta sbajtel kꞌinal, jich a jtatikix ta skuenta te jkoleltik sbajtel kꞌinal.

Hebreos 9:15

Jaꞌ yuꞌun, te Jesucristoe jaꞌ tejkꞌanbil ta kꞌop yuꞌun te yachꞌil tratee, yuꞌun tal yakꞌ sba ta lajel yuꞌun la staik perdon yuꞌun smulik te machꞌatik mulawike te ayik ta skuenta te nail tratee. Y yuꞌun te machꞌatik ikꞌbilik yuꞌun te Diose ya me yichꞌ smajtanik sbajtel kꞌinal te stukel yaloj jilele.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.

Apocalipsis 14:3

Y ya skꞌayojinik jun achꞌ kꞌayoj ta stojol te mukꞌul naktajibale y ta stojol te chaneb te tutik kuxajtike y sok te machꞌatik lom mamalikixe. Ni jtuluk machꞌa ya xjuꞌ yuꞌun snopel te kꞌayoj abi sino ke jaꞌ nax te siento kuarenta y kuatro mil ta jtul te machꞌatik kolemikix lokꞌel ta yolil te machꞌatik aylan ta skuenta balmilale.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.