Gálatas 4:4 - Nuevo Testamento Tzeltal de Amatenango

⁴ Pero te kꞌalal la sta stiempoile, Dios a stikon tal te Xnichꞌane te alatayot yuꞌun jtul antse, sok te ay ta skuenta te mantaliletik yuꞌun te Moisese.

Bible in Tzeltal Bachajón

⁴ Pero te c'alal la sta yorahil, Dios la sticon tal te Snich'an, te alatayot yu'un ants soc cuentahinot yu'un te Ley,

Bible in Tzeltal de Oxchuc y Tenejapa

⁴ Ja'uc me to, te c'alal la sta yorail yu'un te Diose, la sticun tel ta balumilal te Snich'ane. Alatayot yu'un jtul ants soc swentainot yu'un te mandalile.

Gálatas 4:4 ပူးပေါင်းရင်းမြစ်များ

San Mateo 1:23

“Ay jtul soltera achꞌix ay me tut ya sta, ya me xꞌayin chꞌin yal. Te sbiil ya xkꞌot awuꞌunike: Emanuel”, xchi me. Te tutꞌil Emanuel xchi te sbiile, “Sjoyinejotik te Diose”, xchi kꞌoem.

San Mateo 3:15

La yal te Jesuse: —Jich me wakꞌ yichꞌ pasel, yuꞌun ya skꞌan jpastik spisil te tut ya skꞌan yoꞌtan te Diose —xchi. Jich a yaꞌbe ichꞌ jaꞌ te Juane.

San Mateo 5:17

“Ma me xꞌakuyik te tal jchꞌaybe skꞌoplal te mantaliletik yaloj jilel te jMoisese sok te tut tsꞌibabil jilel yuꞌun te jꞌalwanejetik yuꞌun te Diose. Ma yuꞌunuk tal jchꞌaybe skꞌoplal; yuꞌun tal kakꞌ chiknajuk ta lek te tut sluwarile.

San Marcos 1:15

La yal: —Skꞌaalelix te ya xlijkix ta pasaw ta mantal te Diose. Jaꞌ yuꞌun sujtesa me awoꞌtanik yuꞌun te amulike. Chꞌuunaik sok awoꞌtanik te lekil kꞌope —xchi te Jesuse.

San Lucas 1:31

Ora to ay me tut ya ata. Ya me xꞌayin achꞌin kerem. Jesus me sbiil ya awaꞌbe.

San Lucas 1:35

Te chꞌul ángele la sjakꞌ: —Ya me xjul ta akuenta te Chꞌul Espiritue. Ya me yaxintesat ta spoder te Chꞌul Dios te ay ta chꞌulchane. Jich te alal te ya xꞌayin awuꞌune, yuꞌun Dios stukel sok Xnichꞌan Dios ya xkꞌot te sbiile.

San Lucas 2:7

Teꞌ ayin a te xchꞌin ba-yale. La sbetsꞌ ta pakꞌ y la swayan ta yawil sweꞌel wakax, yuꞌun ma staikix ta majanel te lekil nae te ba ya xwaye.

San Lucas 20:44

¿Tutꞌil ay te jaꞌ stsꞌumbal jDavid te Cristoe? Yuꞌun mismo te jDavide la yalbe: “Kajwal”, xchi —xyut te Jesuse.

San Juan 1:14

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

San Juan 10:36

Teme Dios a stꞌujon sok teme la stikonon ta balmilale, ¿Tut yuꞌun te ya awalbikon te ya jtoyba-kꞌoptay te Dios te la kal te xNichꞌanon Diose?

San Juan 3:16

Porke te Diose bayal a xpichꞌin yoꞌtan te genteetike. Jaꞌ yuꞌun la stikon tal te úniko jtul Xnichꞌane, para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal.

San Juan 6:38

Porke ma jaꞌuk koemon tal ta chꞌulchan yuꞌun te ya jpas te tut ya skꞌan koꞌtane; jaꞌ ya jpasbe sboluntar te jTat te la stikonon tale.

San Juan 8:42

Te Jesuse la sjakꞌtalanbe: —Te batsꞌi jaꞌuk aTatik te Dios te jaꞌexe, kꞌuxon ta awoꞌtanik te jichuke. Porke te joꞌone talemon ta stojol Dios y liꞌ ayon to. Ma joꞌukon a jnop tal te talone. Jaꞌ a stikonon tal te Diose.

Hechos 1:7

Te Jesuse la sjakꞌtalanbe: —Te jaꞌexe maꞌyuk ta akuentaik te tut ora sok te tut kꞌaalile. Jaꞌ ay ta skuenta stukel te Tatile te tut ya yakꞌ ta pasele.

Romanos 1:3

Jaꞌ skꞌoplal te xnichꞌane te Kajwaltik Jesucristoe, te jachik tut winik a kꞌot, te stsꞌumbal rey Davide.

Romanos 15:8

Ya kalbeyex ito: Te Cristoe xtaluk yakꞌ sba ta mantaltesel ta skuenta te juriyoetik yuꞌun jich ya xkꞌot ta pasel te tutik albil ta skuenta te antibo jmeꞌ-jtatike. Yuꞌun jich me ya yakꞌ ta ilel te Diose te jun yoꞌtan te ya yakꞌ kꞌotuk ta pasel te tut ya yale.

Romanos 5:6

Yuꞌun te kꞌalal maꞌyuk jpuersatik te ya jkoltay jbajtike, la sta yorail te cham te Cristoe ta skaj te machꞌatik ma lekikuke.

Romanos 8:3

Porke Dios a spasix te tut maꞌ juꞌ yuꞌun spasel te mantaliletik yuꞌun te jMoisese. Yuꞌun maꞌ juꞌ yuꞌun te mantaliletike, ta skaj te maꞌyuk spuersa te stiꞌbalul te mulawil winike. Dios a stikon tal te batsꞌil Xnichꞌan te batsꞌi jachik yilel te tutꞌil jmulawil winike, y la yakꞌ ta milbil majtanil skuenta yuꞌun mulil, yuꞌun jich a yakꞌ ta lajel te mulil te ay ta jtibalultike.

Romanos 9:5

Jaꞌ stsꞌumbalik te antibo jmeꞌ-jtatike, sok jaꞌ stsꞌumbal yuꞌunik te Cristo te tal ta balmilal jich tutꞌil winik, te jaꞌ Dios stukel, te toyol ay yuꞌun spisil te tutik aye. Jaꞌ nax ay ta akꞌel ta jkuenta stukel ta sbajtel kꞌinal. Jichuk.

Efesios 1:10

Te tut xchapoje ya me xkꞌot ta pasel te ya sta stiempoil yuꞌune. Dios ya me yakꞌ ta skuenta Cristo spisil te tutik ay ta chꞌulchan sok ta balmilal.

Colosenses 2:14

Dios la stupꞌbotikix ta jun te jayeb buelta la jkꞌaxintaybetik te smantale te kechel ta jkuentatik stojele. La slajinbe skꞌoplal a te la yichꞌ kꞌojel ta lawux ta kruse.

1 Timoteo 2:6

Porke te Jesucristoe la yakꞌ sba entregal ta milel yuꞌun la stojbe stojol skolel ta spisil, jich tutꞌil te albil skꞌoplal te kꞌalal la sta skꞌaalele.

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.

Hebreos 2:14

Jich tutꞌil jun nax stiꞌbalul te yuntikil te jwol nae, jich euk te Jesuse la yichꞌ stiꞌbalul y xchꞌichꞌel jich tutꞌi gente, yuꞌun ta skuenta te ya xchame jich ya slajinbey spoder te machꞌa ya xmilawane, jaꞌ bi, jaꞌ te pukuje.

Hebreos 9:10

Skuenta nax xkuxlejalik ta balmilal te tut ya spasike, jich tutꞌil te tut ya sweꞌike, sok te ya yuchꞌike, y te tutik ya spok skꞌabik te skuenta nax slekuteselike. Yuꞌun jaꞌ nax tulan ay skꞌoplal ta pasel jaꞌ to te Dios ya sjelontes te tutꞌil aye.

1 Juan 4:14

Te joꞌotike kilojtik te Jesucristoe, y ya kaltik ta jamal te Tatile la stikon tal te Xnichꞌan yuꞌun tal skoltay te machꞌatik ayik ta balmilale.

1 Juan 4:2

Jich ya xjuꞌ ya anaꞌik a te machꞌa yikꞌoj te Espíritu yuꞌun te Diose: Spisil te machꞌa ya yal ta jamal te la yichꞌ stiꞌbalul te Jesucristo jich tutꞌil winik, jaꞌ yikꞌoj te Espíritu yuꞌun te Diose.