Gálatas 4:3 - Nuevo Testamento Tzeltal de Amatenango

³ Jich mismo ya xkꞌot ta jkuentatik ekꞌa. Te kꞌalal chꞌinotik to aye jich ayotik ta skuenta te machꞌatik ay spoderik te ya spasawanik ta mantal liꞌ ba balmilale.

Bible in Tzeltal Bachajón

³ Ha nix hichotic, te c'alal alalotic to a, ayotic ta mosohil yu'un te bintic scuenta te bahlumilale.

Bible in Tzeltal de Oxchuc y Tenejapa

³ Jich jc'oplaltic uuc te jo'otique. Te c'alal alalotic to ae, ayotic ta mosoil yu'un te mandal te ay ta alel ta balumilale.

Gálatas 4:3 ပူးပေါင်းရင်းမြစ်များ

San Mateo 11:28

Laꞌik me ta jtojol ta apisilik jaꞌex te lubenex yuꞌun te tulan aꞌtele sok te ijkatsejele. Joꞌon ya kaꞌbeyex akux awoꞌtanik.

San Juan 8:31

Te Jesuse la yaltalanbe te juriyoetike te xchꞌuunejikixe: —Te jaꞌexe teme jun awoꞌtanik yuꞌun te jkꞌope, batsꞌi jich te jnopojelex kuꞌun abi.

Hechos 15:10

Jaꞌ yuꞌun, ¿tut yes ya awilbeyik yoꞌtan te ora to te Diose, te ya awaꞌbeyik yijkꞌats te hermanoetik te tut maꞌ juꞌ kuꞌuntik xchꞌuunel sok euk te antibo jmeꞌ-jtatike?

Romanos 7:14

Jnaꞌojtik te skuenta Dios te mantaliletike. Pero joꞌon sok te jtiꞌbalule chonbilon kꞌoem jich tutꞌil mosoil yuꞌun te mulile.

Romanos 8:15

Yuꞌun te jaꞌexe ma jaꞌuk awikꞌojik te Espíritu yuꞌun mosoil te ya yaꞌbeyex xan xiꞌele. Jaꞌix te Espíritu te ya yakꞌex ta yal-xnichꞌan Diose. Jaꞌ te Espíritu te ya yalbotik te ya xjuꞌ ya kaltik ta stojol Dios: “jTat”, xchootik.

2 Corintios 11:20

sok kujchem awuꞌunik te machꞌatik ya sujex ta mantaltesele, sok te machꞌa ya slajinbeyex te tut ay awuꞌunike, sok te ya sloꞌlayexe, sok te machꞌa mukꞌ ya yakꞌ sba ta atojolike, o sok te machꞌa ya smajbeyex awelawike.

Gálatas 2:4

Pero ay jtul cheb palso hermanoetik te ochik tal liꞌ ba ayotik, te mukul nax aylane, yuꞌun talemik ta ilawane te tutꞌil libre ayotikix ta skuenta te Cristo Jesuse. Yuꞌun ya skꞌan yakꞌotik xan ta mosoil yuꞌun te mantaliletike.

Gálatas 3:19

Jich yuꞌun, ¿tut xan yes a te mantaliletik te? La yichꞌ akꞌel ta patil yuꞌun ya xchiknates a te ma xchꞌuunikix a te mantal te winiketike, jaꞌ to te tal te stsꞌumbal te Abrahame, te sjapoje te Diose te ya xtale. Te mantaliletike jaꞌ albil ta skuenta te chꞌul angeletike, y te jMoisese jaꞌ a tuun ta skꞌasesel.

Gálatas 4:2

Ay genteetik te skanantayeje y ya xchapbe te tutik ya skꞌan chapele jaꞌ to teme la sta stiempoil yaloj jilel te state.

Gálatas 4:24

Te tutꞌil jich aye, ay mukꞌ sluwaril. Te chaꞌtul antstike jich a laj kꞌot te ay cheb tratee. Te june te chiknaj ta wits Sinai, jaꞌ pajal kꞌoem sok te xꞌAgare. Te machꞌatik ay ta skuenta te trate to, ya xꞌayinik yuꞌun mosoil ya xlaj kꞌot.

Gálatas 4:25

Yuꞌun te xꞌAgare pajal sok te wits Sinai te ay ta Arabiae. Sok jaꞌ pajal kꞌoem sok te ora to te mukꞌul jtejklum Jerusalen, te jun nax ayik ta mosoil sok te yuntikile.

Gálatas 4:31

Jaꞌ yuꞌun kermanotak, ma jaꞌuk yuntikilotik te kriadaile. Ja yuntikilotik te machꞌa libre aye.

Gálatas 4:8

Te nail toe, kꞌalal ma to xꞌanaꞌbeyik sba Dios te jaꞌexe, ayex to ta mosoinel yuꞌun te lotil diosetike.

Gálatas 4:9

Pero ta ora to ya anaꞌbeyikix sba te Diose, o jaꞌ mas lek ta alel te Dios ya snaꞌ abaik te jaꞌexe. ¿Tut yuꞌun te ya sujtex xan ta skuenta te tutꞌil maꞌyuk yip y te maꞌyuk spoderike, y te ya awakꞌ abaik ta mosoinel yuꞌune?

Colosenses 2:20

Te jaꞌexe chamenex sok te Cristoe, y ma jaꞌukix ya achꞌuunik te jowil pꞌijutesel yuꞌun te balmilale. ¿Tut yuꞌun te jich to ya xꞌanex tutꞌil te machꞌatik ayik to ta skuenta te balmilale? ¿Tut yuꞌun te ya to achꞌuunik te mantalil yuꞌunike,

Colosenses 2:8

Ila me abaik yuꞌun te machꞌatik ya skꞌan sloꞌlayex yuꞌun te tut snopoj te jowil naxe. Yuꞌun te stukelike ma yakꞌojuk ta jkuenta te Cristoe. Jaꞌ nax yakꞌojik ta jkuenta te skostumbre gentee y sok te jowil pꞌijutesel yuꞌun te balmilale te ma jaꞌuk ta skuenta Cristoe.

Hebreos 5:12

Te tutꞌil jalix kꞌaal achꞌuunejik te jaꞌexe, ya skꞌan te jaꞌukexix ya snojpeswanexe. Pero puersa ya to akꞌanik albeyel ta achꞌ te tutik ma tulanuk te nojpesel yuꞌun Diose. Yuꞌun jich ayexix te maꞌyuk a puersaike, ma xjuꞌix awuꞌunik sweꞌel te tulan weꞌelile. Ya to skꞌan ya awuchꞌik te leche.

Hebreos 7:16

Yuꞌun ma jaꞌuk a yichꞌ yaꞌtel ta saserdoteil yuꞌun te tutꞌil tsꞌibabil skꞌoplal sok stsꞌumbal ta mantaliletike. Jaꞌ a yichꞌ yaꞌtel yuꞌun te ay spoder stukel te stalel kuxul te ma xlaje.