Gálatas 4:2 - Nuevo Testamento Tzeltal de Amatenango

² Ay genteetik te skanantayeje y ya xchapbe te tutik ya skꞌan chapele jaꞌ to teme la sta stiempoil yaloj jilel te state.

Bible in Tzeltal Bachajón

² ay ta cuentahinel yu'un jcanantaywanejetic soc jcuentahinwanejetic ha to c'alal ya sta yorahil te chapal yu'un te state.

Bible in Tzeltal de Oxchuc y Tenejapa

² Ja'uc me to, ay ta wentainel yu'un te yantique, ja' to teme la sta yorail te bi ora yaloj jilel te state.

Gálatas 4:2 ပူးပေါင်းရင်းမြစ်များ

San Juan 15:7

“Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

1 Corintios 4:15

Yuꞌun te jaꞌexe manchuk me ay dies mil ta jtul maestro awuꞌunik te ya yaꞌbeyex anopik skꞌoplal te Cristoe, pero ma bayaluk te atatike. Atatonik kꞌoem te jaꞌexe te tutꞌil lijk achꞌuunik te Cristo Jesuse, yuꞌun joꞌon a kalbeyex te lek achꞌ kꞌop yuꞌune.

Gálatas 3:24

Te mantaliletike jich kꞌoem tutꞌ mosoil te ya xꞌikot bael yuꞌun untik, te ya stojutesotik bael ta stojol te Cristoe. Yuꞌun teme la jchꞌuuntik te Jesucristoe, ya xjuꞌ te libre ya xkꞌootik yuꞌun te jmultike.

Gálatas 4:1

Te tut ya jkꞌan kalbeyexe jaꞌ to: Mientras chꞌin to te machꞌa ya yichꞌ jilel te majtanile, jaꞌ pajal sok jtul moso te ay ta skanantayel te sna state, manchuk me jaꞌ yuꞌun ta spisil.

Gálatas 4:3

Jich mismo ya xkꞌot ta jkuentatik ekꞌa. Te kꞌalal chꞌinotik to aye jich ayotik ta skuenta te machꞌatik ay spoderik te ya spasawanik ta mantal liꞌ ba balmilale.