Gálatas 3:8 - Nuevo Testamento Tzeltal de Amatenango

⁸ Ta nail to chiknaj ta Sjun Dios te libre xkꞌotik yuꞌun smulik te machꞌatik ma juriyouke yuꞌun te xchꞌuunel yoꞌtanike. Jich Dios la yal ta stojol jꞌAbraham te lekil achꞌ kꞌop to: “Ta spisil nasionetik ya yichꞌ bendision ta akuenta”, xchi me.

Bible in Tzeltal Bachajón

⁸ Te Shun Dios, te bin ut'il nahil yiloj te toj ya x'ilotic yu'un Dios te jyanlumetic ta scuenta sch'uhunel yo'tanic, nahil la yalbe te Abraham te lec yach'il c'op, te hich la yal: Ya me x'a'bot bendición spisil nacionetic ta acuenta, te xchi sc'oblale.

Bible in Tzeltal de Oxchuc y Tenejapa

⁸ Melel namey chicnaj ta Sjun Dios te bit'il toj ya x'ilot yu'un Dios te jyanlumetic ta swenta bit'il ya yac' xch'uunjel yo'tanique. Dios la yal ta neelal to ta stojol Abraham te lec yach'il c'ope, ja' bi: “Ya me staic bendición spisil nacionetic ta awenta”, te xie.

Gálatas 3:8 ပူးပေါင်းရင်းမြစ်များ

San Juan 19:37

Sok ay xan yan te jich tsꞌibabil jilel ta Sjun te Diose te jich ya yale: “Ya me yil ta sitik te machꞌa la slowike”, xchi me.

San Juan 7:38

Jich tut ya yal te Sjun Diose, te machꞌa ya xchꞌuunone ya me xlokꞌ kuxul jaꞌ ta yoꞌtan —xchi te Jesuse.

San Juan 7:42

Te Sjun Diose ya yal te Cristoe puersa ta stsꞌumbal te rey jDavid ya xtal, y ta jtejklum Belen ya xtal, te jaꞌ slumal te jDavide —xchiik yuꞌun.

Hechos 2:35

jaꞌto teme la kaꞌbeyat apuchꞌ ta tekꞌel te akontrae’”, xchi me.

Romanos 9:17

Yuꞌun tsꞌibabil ta Sjun Dios te jicha albot yuꞌun Dios te rey yuꞌun Egiptoe: “La kakꞌat ta rey skuenta yuꞌun jich ya kakꞌ ta ilel te jpodere y yuꞌun jich me ya snaꞌonik a spisil te balmilale”, xchi me.

Romanos 9:30

¿Tut ya kaltik yuꞌun to? Te machꞌatik ma juriyouke te makꞌ sleik te machꞌa ya yakꞌ kolele, te Diose yalojix te kolemikix yuꞌun te smule ta skuenta nax xchꞌuunel yoꞌtanik.

Gálatas 3:16

Jaꞌ nax jich, Dios la sjapbey ta skuenta jꞌAbraham y sok te stsꞌumbale. Te Sjun Diose ma jaꞌuk ya yalbe: “spisil te atsꞌumbale”. Jaꞌ ya yal: “te atsꞌumbale”, y “te atsꞌumbale”, te xchie, jaꞌ te Cristoe.

Gálatas 3:22

Pero jaꞌ chikan te tut ya yal te Sjun Diose te spisil chukajtik yuꞌun te mulile, yuꞌun te machꞌatik ya xchꞌuun te Jesucristoe, jich ya xjuꞌ ya yichꞌik te tut yaloj te Diose.

Gálatas 4:30

¿Pero tut ya yal te Sjun Diose? Jich ya yal: “Tikona lokꞌel te akriada sok te yale. Porke te yal kriadaile ma spas te pajal ya yichꞌ te majtanil sok te yal te machꞌa libre aye”, xchi me.

Hebreos 4:2

Porke jich euk te joꞌotike la yalbelotik te skꞌoplal te kolele, jich tutꞌil albilik te antibo jmeꞌ-jtatike. Pero te stukelike maꞌ tuun yuꞌunik te la yaꞌiyike, porke maꞌ xchꞌuunik te tutꞌ ay skꞌoplale.

Apocalipsis 11:15

Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.