Gálatas 3:1 - Nuevo Testamento Tzeltal de Amatenango

¹ Jaꞌex Galataetik, te ma pꞌijukexixe, ¿Machꞌa a yaꞌbeyex chamel? Te tut la kalbetikexe, la kakꞌtik ta ilel ta asitik te Jesucristo te jojkꞌanot ta kruse.

Bible in Tzeltal Bachajón

¹ ¡Galaciahetic, ma xana'ic q'uinal! ¿Mach'a la smombeyex awo'tanic scuenta yu'un ma ba yac ach'uhuniquix te smelelil c'op, te ha'ex te jamal a'botex awil ta asitic bin ut'il laj ta cruz te Jesucristo?

Bible in Tzeltal de Oxchuc y Tenejapa

¹ Te ja'ex galaciaetic, ¿bi la apas te ma x'ana'iquix q'uinale? ¿Mach'a la sboltesbeyex awo'tanic te ma ba ya ac'an ya ach'uuniquix te smelelil c'ope? Melel jamal la jcholbeyex awaiyic ta melel. Jich la cac'beyex awilic ta asitic ta comon c'oem te bit'il la yich' jijp'anel ta cruz ta jwentatic te Jesucristoe.

Gálatas 3:1 ပူးပေါင်းရင်းမြစ်များ

San Mateo 24:24

Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

San Mateo 7:26

Yan te machꞌa ya yaꞌiybon sluwaril te jkꞌope sok teme ma jichuk ya spas te tut kaloje, jich kꞌoem te tutꞌil jtul winik te ma pꞌijuke la spas sna ta jiꞌileltike.

San Lucas 24:25

Jicha altalanbot yuꞌun te Jesuse: —Wokol ya xkꞌot ta awoꞌtanik te jaꞌexe. ¿Tut to ora ya xchꞌuun awoꞌtanik spisil te tut yaloj jilel te jꞌalwanejetik yuꞌun te Diose?

Hechos 16:6

Beenik kꞌaxel ta estado Frigia sok ta estado Galacia, porke komot yuꞌun te Chꞌul Espíritu te ya xkꞌa yal skꞌop Dios te ba estado Asiae.

Hechos 6:7

Te skꞌop Dios pujk bael, y te hermanoetike lom bayal yipal ta pꞌolel te ba Jerusalene. Asta bayal saserdoteetik yuꞌun juriyo la xchꞌuunik euk.

Romanos 10:16

Pero ma spisiluk ya yakꞌik ta jkuenta te skꞌoplal te kolele. Jich tutꞌil la yal te jꞌIsaiase: “Kajwal, ¿machꞌa xchꞌuunejix te skꞌop Dios la kaltike?” xchi me.

Romanos 2:8

Pero ya yaꞌbe kastigo sok yiliꞌba te machꞌatik ma xchꞌuun mantale, jaꞌ te machꞌatik skontrainej te tut batsꞌi jiche, y jaꞌ ya spas te tut ma lekuke.

Romanos 6:17

Pero kola yal Dios, te jaꞌex te nail to moso ayex yuꞌun te mulile, achꞌuunejikix ta awoꞌtanik jich tutꞌil te nojpesel te la awichꞌike.

1 Corintios 11:26

Jich yuꞌun ta juju-chꞌoj te ya aweꞌik te waj to sok te ya awuchꞌik te tut ay ta basoe, jaꞌ ya awalik ta jamal a te tutꞌil a cham te Kajwaltike, jaꞌ to te kꞌalal ya xchꞌatal xane.

1 Corintios 2:2

Te kꞌalal la joyinexe, la jnop ta koꞌtan te jaꞌ nax ya kalbeyex skꞌoplal te Jesucristoe, sok te tutꞌil a cham ta kruse.

2 Corintios 10:5

Y spisil toybajel ya smak te tutꞌil ya xnaꞌbot sba a te Diose. Spisil te tut ya snop te skuenta nax tiꞌbale ya kakꞌtik ta skuenta Cristo, yuꞌun jich me ya xchꞌuunik a.

2 Corintios 11:3

Pero ya xiꞌon yuꞌun, te jich tutꞌil te chan te ben maño la sloꞌlay te xꞌEvae, teme jich ya sloꞌlayex ekꞌa te jaꞌexe. Y teme te ya xchꞌay ta apensarik te tut lek anopojik ta stojol te Cristoe.

Gálatas 1:2

Joꞌon sok spisil te hermanoetik te joyinej jbaj soke, ya jtsꞌibay te karta to, te jaꞌ yuꞌun te jayebex te achꞌuunejik Dios te ayex ta estado Galaciae.

Gálatas 1:6

Lom ayon ta ajtal-oꞌtan awuꞌunik te tutꞌil ora nax ya xjakalex bael ta stojol Diose, te la yikꞌex ta skuenta slekil yoꞌtan te Cristoe. Yuꞌun jaꞌ ya apasik seguir te yan kꞌop te kuybil te ya xkolotik yuꞌun.

Gálatas 2:14

Jaꞌ yuꞌun te kꞌalal la kil te ma jichuk toj ya spasik te tutꞌil ay skꞌoplal te lek achꞌ kꞌope, la kalbey ta sitil komon te jPedroe: “Jaꞌat te juriyoate, jich ya xkuxuyinat te tutꞌil ma juriyoukate. ¿Tut yuꞌun te ya akꞌan ya asuj te machꞌatik ma juriyouk ta spasel jich tutꞌil te juriyoetike?

Gálatas 3:3

jmel ma pꞌijukexix te jaꞌexe. Te tutꞌil a lijkex ta spasel ta skuenta te Espiritue, te ora to ya akꞌan ya ajuꞌutesik ta puersa sok atiꞌbalulik.

Gálatas 4:9

Pero ta ora to ya anaꞌbeyikix sba te Diose, o jaꞌ mas lek ta alel te Dios ya snaꞌ abaik te jaꞌexe. ¿Tut yuꞌun te ya sujtex xan ta skuenta te tutꞌil maꞌyuk yip y te maꞌyuk spoderike, y te ya awakꞌ abaik ta mosoinel yuꞌune?

Gálatas 5:11

Te joꞌone, kermanotak, te jaꞌuk to ya kakꞌ ta pasel te ya xchꞌuunik yichꞌel te sirkunsisione, maꞌyukon ta tenel yuꞌun te juriyoetik te jichuke. Sok ma kolauk ya yaꞌiyik te skꞌoplal te laj ta krus te Cristoe.

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

Efesios 4:14

Ma me jichukotikix tutꞌil untik te jtsꞌin nax ya xyanej sok te bayuk nax ya xꞌikꞌot bael jich tutꞌil ikꞌ ta xchꞌuunel achꞌ nojpesele. Asta ya xloꞌlayot bael yuꞌun gente te ya xloꞌlaywan te ya xbeenik te ba sbelel te chꞌayele.

Efesios 5:15

Jaꞌ yuꞌun, ila me abaik ta lek te tutꞌ ayexe. Ma me jichuk nax xꞌanex tutꞌil machꞌatik maꞌyuk tut snaꞌik. Pꞌijanik me.

2 Tesalonicenses 1:8

Yuꞌun ya xtal yaꞌbe kastigo te machꞌatik maꞌ snaꞌbeyik sba Dios ni maꞌ xyakꞌik ta jkuenta te skꞌoplal kolel yuꞌun te Kajwaltik Jesuse.

1 Timoteo 6:4

jaꞌ jun toybajel te maꞌyuk tut ya snaꞌe. Jaꞌ nax baem ta yoꞌtanik puru kꞌopetik skuenta tsalawe jich tutꞌil jun chamel, y tey ya xtal a te il-oꞌtantawaneje sok pleto y toybael y te ma junuk yoꞌtanike.

Hebreos 11:8

Ta skuenta xchꞌuunel yoꞌtan, te jꞌAbraham la xchꞌuun te ikꞌel yuꞌun te Diose. Lokꞌ bael yuꞌun teꞌ bajt te ba luwar te Dios ya yalbe te jaꞌ smajtan ya xkꞌote. Lokꞌ bael te ba slumale ni ma snaꞌ te ba ya xbajte.

Hebreos 5:9

Te tutꞌil lek a juꞌ yuꞌun spasele, chiknaj ta skuenta te kolel sbajtel kꞌinal yuꞌun spisil te machꞌatik ya xchꞌuunike.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

1 Pedro 4:17

Yuꞌun la staix yorail te ya xlijkix ta chapel te machꞌatik batsꞌi yuꞌun te Diose. Y teme nail ya xlijk te ba ayotik te joꞌotike, ¿tutꞌil ay slajibal te machꞌatik maꞌ xchꞌuunik te achꞌ kꞌop yuꞌun Diose?

2 Pedro 2:18

Jaꞌ nax ya yalik te toyba-kꞌopetike y te tut lom naxe. Y kꞌayemik a te ya xloꞌlawanik yuꞌun te tut ya skꞌan spas te stiꞌbalulike. Jaꞌ ya sloꞌlayik te machꞌatik lokꞌelik to tal ta tulan wokol te ba ay te machꞌatik chꞌayemike.

Apocalipsis 18:3

Yuꞌun spisil te nasionetike yakubik yuꞌun te sbino yuꞌun te tut ma tsaꞌamuke sok yuꞌun te antsiwejele. Te reyetik ta balmilale la yantsinlanikix, y te jchonbajeletik ta balmilale laj kꞌulejibix sok te tut ya skꞌupin sok te stiꞌbalul te tulan ya yakꞌ ta pasele —xchi.

Apocalipsis 2:20

Pero ay tutiꞌ amulinej ta jtojol te maꞌyuk tut ya awalbey te ants Jezabele, te ya yal te jꞌalwanej yuꞌun Dios ta skꞌope, pero ya sloꞌlay te jꞌaꞌteletik kuꞌun yuꞌun te tut ya yakꞌ ta nopele. Sok te ya yakꞌtalanbe spas antsiwejel, y ta sweꞌel weꞌeliletik te milbil smajtanin te lotil diosetike.