Gálatas 2:9 - Nuevo Testamento Tzeltal de Amatenango

⁹ Jaꞌ yuꞌun te Jacobe, te jPedroe sok te Juane, te jaꞌlan yiptajib te hermanoetike, la snaꞌik te Dios a yaꞌbon ta jkuenta te aꞌtel to. Jaꞌ yuꞌun la xchechbotik jkꞌabtik joꞌon sok te jBernabe, jaꞌ seña te joyinej jbajtik ta aꞌtel. Sok la yalik te joꞌotik ya jkuentaintik te aꞌtel te ba ma juriyouke, y te stukelik ya me xba aꞌtejikuk te ba ay te juriyoetike.

Bible in Tzeltal Bachajón

⁹ Te Jacobo, Cefas soc te Juan, te ich'bilic ta cuenta te ha yoyal te iglesia, c'alal la yilic te a'tel te a'bibilon, la ya'botcotic swa'el-c'abic ho'on soc te Bernabé scuenta seña te jmohlol jbahtic ta a'tel, scuenta yu'un ho'otcotic ya xbohotcotic ta stojol te jyanlumetic, yan stuquelic ya xbahtic ta stojol te mach'atic yich'ojic circuncisión.

Bible in Tzeltal de Oxchuc y Tenejapa

⁹ Te bit'il la sna'iquix stojol te bit'il Dios la yac'bonix ta jwenta in at'el to, jich la stsacbon jc'ab soc te Bernabé ta swa'el sc'abic te ja'ic te yiptajibic c'oem te jch'uunjeletique. Jich la spasic swenta seña te bit'il joy jbajtic ta at'el soque, swenta yu'un ya me xba at'ejucotic ta bay te jyanlumetique. Yan stuquelic, ya me xba at'ejuquic ta bay te mach'a yich'ojic te circuncisione.

Gálatas 2:9 ပူးပေါင်းရင်းမြစ်များ

San Mateo 16:18

Joꞌon ya kal te jaꞌat jPedroat, te pꞌej ton kꞌoemat te ya kakꞌ ipajuk a te jchꞌuuneletik kuꞌune. Te jchꞌuuneletik kuꞌune ma xjuꞌ te ya stsalot yuꞌun yip te lajele.

San Lucas 22:8

Te Jesuse la stikon bael te jPedroe sok te Juane. La yalbe: —Baanik, ban chapaik te weꞌelil yuꞌun te kꞌin Pascuae —xchi.

San Juan 1:42

Te nax a te jꞌAndrese la yikꞌ bael te Simon te ba ay te Jesuse. Kꞌalal la yil te Jesuse, la yalbe: —Jaꞌat te Simon te xnichꞌanat Jonase. Pero Cefas abiil ya xkꞌoat —xyut. Te Cefas, “Pedro”, xchi kꞌoem abi.

Hechos 12:17

Pero te jPedroe la yaꞌbe seña ta skꞌab te yauk xchꞌenlinike, y la yaltalanbe te tutꞌil a lokꞌesot tal ta prexo yuꞌun te Kajwaltike. Sok la yalbe xan: —Albeyaik te Jacobo y sok te hermanoetike te tuti kꞌot ta pasele —xchi. Te nax a lokꞌ bael y bajt ta yan luwar.

Hechos 15:13

Te kꞌalal lajix yoꞌtanik ta kꞌop ae, te Jacoboe la yal: —Kermanotak, aꞌiyaik awaꞌiy te tut ya kalbeyexe.

Hechos 15:7

Te jalajikix ta kꞌop ae, te jPedroe la stejkꞌan sba jajchel, y la yaltalanbe: —Hermanoetik, te jaꞌexe anaꞌojik te ayix kꞌaal stꞌujojon Dios ta awolilike te ya kalbey te lek achꞌ kꞌop yuꞌun te kolel te machꞌatik ma juriyouke, yuꞌun jich me ya xchꞌuunik euk.

Hechos 4:36

Jich tutꞌil te jtul levita winik te Jose sbiil, te ay slumal ta Chipre te joybil ta mare, jaꞌ te machꞌa aꞌbot sbiilin Bernabe yuꞌun te apostoletike (ja te “ya sjunutesbotik koꞌtantik” xchi kꞌoem te sbiile).

Romanos 1:5

Ta skuenta te Jesucristoe, Dios la yaꞌbonix ta majtanil te ya xꞌochon ta apostol yuꞌune, yuꞌun ta spꞌejel balmilal ayuk machꞌa ya xchꞌuun te Jesucristoe.

Romanos 12:3

Jich tutꞌil yakꞌojbon kichꞌ kaꞌtel ta skuenta slekil yoꞌtan te Diose, ya kalbeyex ta apisilik te maꞌyuk machꞌa ya snop ta spensar te mukꞌ ya yakꞌ sbae. Jaꞌ lek nail ta juju-tul aꞌ snop te tut yaꞌiyel ya yaꞌi sbae, chikan te jayeb te xchꞌuunel-oꞌtanil aꞌbot yuꞌun te Diose.

Romanos 15:15

Pero te karta to, ay tulan skꞌoplal ta koꞌtan te la jtsꞌibabeyex tale, yuꞌun ma jkꞌan teme ya xchꞌay ta awoꞌtanike. Jich a jtsꞌibabeyex awaꞌiyik yuꞌun te kichꞌoj kaꞌtel ta skuenta slekil yoꞌtan te Diose.

1 Corintios 15:10

Pero ta slekil yoꞌtan Dios te jich ayon te tutꞌil ayone, y te slekil yoꞌtan kuꞌune ma lomuk nax, yuꞌun atꞌejemonix bayal ke ta spisil te yanetike. Aunke ma joꞌukon kaꞌtel jtukel, yuꞌun jaꞌ aꞌtej ta jkuenta te Diose ta skuenta slekil yoꞌtan te la skoltayone.

2 Corintios 11:5

Te ya kale, te joꞌone maꞌyuk ba chꞌin kꞌoemon yuꞌun te mukꞌul apostoletik awuꞌunik te jaꞌex a tsꞌakliyejike.

2 Corintios 12:11

Jicha jpasix jich tutꞌil jtul jowiyel. Pero jaꞌex la asujikon ta spasel. Porke jaꞌex ya skꞌan la awalbikon lek jkꞌoplal. Aunke ma tuton a te joꞌone, maꞌyuk machꞌa pekꞌ ayon yuꞌun ke te mukꞌul apostoletik awuꞌunik te jaꞌ atsꞌakliyejike.

2 Corintios 8:4

La skꞌanbotik bayal pawor te ya kalbetik te yauk yakꞌik ekꞌa te koltayel yuꞌun te hermanoetik ta skuenta Diose.

Gálatas 1:16

Te kꞌalal jich a skꞌan yoꞌtane, la yaꞌbon jnaꞌbe sba te Xnichꞌane, yuꞌun jich me ya kalbe skꞌoplal te kolel te ba ay machꞌatik ma juriyouke. Ma jaꞌuk a ba jojkꞌobey te yanetik genteetike,

Gálatas 1:18

Oxeb jaꞌbil ta patil boon ta Jerusalen, yuꞌun ba kil te jPedroe, y teꞌeyon kinse dia a.

Gálatas 2:1

Ta patil kꞌaxix katorse jaꞌbil a boon xan ta Jerusalen sok te jBernabee, y la kikꞌ sjoyinon bael te jTitoe.

Gálatas 2:2

Boon porke Dios la yaꞌbonix jnaꞌ te puersa ya xboone. Y teyix ta Jerusalen ay jun junta te ba kalbe yaꞌiyik te stataletik te ayik ta jkuentae. La kaltalanbe te skꞌoplal kolel te la kal te ba ay te machꞌatik ma juriyouke. Te tutꞌil jich a jpase, yuꞌun ma jkꞌan teme maꞌyuk sluwaril ya xjil te tut jpasojixe sok te ya to jpas xane.

Gálatas 6:3

Teme ay machꞌa skuyoj sbaix te lek aye kꞌalal maꞌyuk tut ya xjuꞌ yuꞌune, stukel nax mismo sloꞌlayej sba.

Efesios 2:20

Te jaꞌexe jich kꞌoemex tutꞌil jun mukꞌul na te lijkesbil yiptajib yuꞌun, jaꞌ te apostoletike y sok te jꞌalwanejetike. Y te Jesucristoe ja stonil te xchikin nae.

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

Colosenses 1:29

Jaꞌ yuꞌun te yipalon ta aꞌtel sok spisil te jpuersa ya yaꞌbon te Cristoe.

1 Timoteo 3:15

yuꞌun teme maꞌ talon ta orae, jich me ya anaꞌ tutꞌ ya skꞌan xꞌaꞌtejat ta stojol te yuntikil te Diose, ja te hermanoetik yuꞌun te kuxul Diose, te jaꞌ ipajem a sok jaꞌ ya skoltay a te tut batsꞌi jiche.

1 Juan 1:3

Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

Apocalipsis 3:12

“Te machꞌatik ya xjuꞌ yuꞌunik tsalawe ya me kakꞌtalan ta yiptajib te ba templo yuꞌun te Dios kuꞌune. Y ni maꞌyuk tut ora te ya xlokꞌik xan teꞌa. Y ya me jtsꞌibabey ta stojolik te sbiil te Dios kuꞌune y sok te sbiil te mukꞌul jtejklum yuꞌun te Diose kuꞌune. Jaꞌ te achꞌ Jerusalen te ya xkoj tal ta chꞌulchan ta ba ay te Dios kuꞌune. Y jich me ya jtsꞌibabey ta stojolik te yachꞌil jbiile.