Gálatas 2:6 - Nuevo Testamento Tzeltal de Amatenango

⁶ Pero te machꞌatik ay yaꞌtelik tey ae maꞌyuk tut achꞌ a yalbon. Aunke te joꞌone ma kocheluk te tut aꞌtel yichꞌojike, jich mismo te Diose ma jaꞌuk ya yichꞌ jkuenta te tut yilelike.

Bible in Tzeltal Bachajón

⁶ Pero te mach'atic hich ya'iyel te ay sc'oblalic (ma yu'unuc ay sc'oblal ta co'tan bin ut'il ayic; Dios ma tsahbiluc nax mach'a ay sc'oblal yu'un), te mach'atic ay sc'oblalic mayuc bin yach'il la ya'bonic jna'.

Bible in Tzeltal de Oxchuc y Tenejapa

⁶ Yan te mach'atic ich'bilic ta muq'ue, xujt' ma'yuc bi yach'il la yalbonic te ya sc'an ya jchole. (Ma yu'unuc ay sc'oplal ta co'tan te bila at'el yich'ojique, melel ma ja'uc ay sc'oplal ta yo'tan Dios te bi yilelique.)

Gálatas 2:6 ပူးပေါင်းရင်းမြစ်များ

San Mateo 22:16

Jich a stikonik chaꞌoxtul te jnopojeletik yuꞌun te fariseoetik sok chaꞌoxtul te machꞌa jun yoꞌtan sba sok te Herodese. Jicha tal yalbeyik te Jesuse: —Maestro, ya jnaꞌtik te puru batsꞌi jich te tut ya awale, sok te sluwaril ya snojpeswanat te tut ya skꞌan te Diose. Maꞌyuk machꞌa ya xiꞌat ta kꞌop yuꞌun te genteetike. Porke ma tsabiluk nax awuꞌun te machꞌa ya awakꞌ ta jkuentae.

San Marcos 12:14

Jich a tal yalbeyik: —Maestro, ya jnaꞌtik te puru batsꞌi jich te tut ya awale. Maꞌyuk machꞌa ya xiꞌat ta kꞌop yuꞌun, porke ma tsabiluk nax awuꞌun te machꞌa ya awakꞌ ta jkuentae. Te jaꞌate sluwaril ya snojpeswanat te tut ya skꞌan te Diose. Albotik kaꞌiytik: ¿Me lek te ya jtojtik stojemal yuꞌun te ajwalil Cesare? ¿Me lek ya jtojtik o ma xjuꞌ jtojtik? —xchiik.

San Lucas 20:21

Jaꞌ a sjojkꞌobeyik to te Jesuse: —Maestro, jnaꞌojtik te toj te tut ya awale y te ya snojpeswanate. Ma tꞌujbiluk nax awuꞌun te machꞌa ya awakꞌ ta jkuentae. Jich ya snojpeswanat te tut ya yal ta mantal te Diose.

Hechos 10:34

Te jPedroe jicha lijk yal: —Te ora to kꞌotix ta koꞌtan te batsꞌi jich te Dios pajal ya yil spisil te genteetike.

Hechos 5:36

Naꞌaik me te ay jich kꞌot ta pasel te nameye, te ay jtul winik Teudas sbiil te la yal te ay tulan yichꞌoj yaꞌtele. Y ay wan kuatro sien ta jtul winketik a stsꞌakliyik. Pero te winik abi milot. Y te machꞌatik stsꞌakliyeje laj pujke bael y teꞌ kꞌo chꞌayuk spisil a.

Romanos 2:11

Porke te Diose ma yauk nax ya stsa ta jtul ta cheb.

2 Corintios 11:5

Te ya kale, te joꞌone maꞌyuk ba chꞌin kꞌoemon yuꞌun te mukꞌul apostoletik awuꞌunik te jaꞌex a tsꞌakliyejike.

2 Corintios 12:11

Jicha jpasix jich tutꞌil jtul jowiyel. Pero jaꞌex la asujikon ta spasel. Porke jaꞌex ya skꞌan la awalbikon lek jkꞌoplal. Aunke ma tuton a te joꞌone, maꞌyuk machꞌa pekꞌ ayon yuꞌun ke te mukꞌul apostoletik awuꞌunik te jaꞌ atsꞌakliyejike.

2 Corintios 5:16

Jaꞌ yuꞌun, te joꞌotike ma yajtaluk koꞌtantik te tut yilel te gente liꞌ ba balmilale. Te nail toe ya jkuytik te Cristoe pajal sok te tutꞌil ay te gentee. Yan te ora to ma jichukix jkuyojtik te jich aye.

Gálatas 2:2

Boon porke Dios la yaꞌbonix jnaꞌ te puersa ya xboone. Y teyix ta Jerusalen ay jun junta te ba kalbe yaꞌiyik te stataletik te ayik ta jkuentae. La kaltalanbe te skꞌoplal kolel te la kal te ba ay te machꞌatik ma juriyouke. Te tutꞌil jich a jpase, yuꞌun ma jkꞌan teme maꞌyuk sluwaril ya xjil te tut jpasojixe sok te ya to jpas xane.

Gálatas 6:3

Teme ay machꞌa skuyoj sbaix te lek aye kꞌalal maꞌyuk tut ya xjuꞌ yuꞌune, stukel nax mismo sloꞌlayej sba.

Hebreos 13:17

Chꞌuunbeyaik me smantal te machꞌatik ya xꞌaꞌtejik ta atojolike y akꞌaik me ta jkuenta. Porke te stukelike jaꞌ ya skanantaybeyex te achꞌulelike, sok snaꞌojik te puersa ya xkꞌo yakꞌik jkuenta ta stojol te Diose. Aꞌbeya sbujtsꞌ yoꞌtanik ta spasel te aꞌtele, y ma me awaꞌbeyik yajtal yoꞌtanik. Yuꞌun teme ya awaꞌbe yajtal yoꞌtanike, ni maꞌyuk tut ya xlokꞌ awuꞌunik a.

Hebreos 13:7

Naꞌaik me te machꞌatik a aꞌtejik ta atojolik sok te la yalbeyex te skꞌop Diose. Naꞌaik te tutꞌil juꞌ yuꞌunik sok te xkuxlejalike, sok jich me xꞌanopik te tutꞌil la yakꞌ xchꞌuunel yoꞌtanike.

1 Pedro 1:17

Teme ya awalik te jaꞌexe: “Jaꞌ Jtatik te Diose”, te ya awutike, sok teme ya anaꞌik te jaꞌ ya yichꞌ jkuenta ta juju-tul chikan te tut spasoje, y ma yauk nax ya stsa te genteetike, ya skꞌan ya awakꞌik ta ilel te ya awakꞌik ta jkuenta te Diose sil tiempo te jayeb kꞌaal kuxulex liꞌ ba balmilal to.