Gálatas 2:4 - Nuevo Testamento Tzeltal de Amatenango

⁴ Pero ay jtul cheb palso hermanoetik te ochik tal liꞌ ba ayotik, te mukul nax aylane, yuꞌun talemik ta ilawane te tutꞌil libre ayotikix ta skuenta te Cristo Jesuse. Yuꞌun ya skꞌan yakꞌotik xan ta mosoil yuꞌun te mantaliletike.

Bible in Tzeltal Bachajón

⁴ aunque muquen ochic ta cohlilcotic yu'un ya yotsesotic ta mosohil te mach'atic sp'isoj sbahic te ha quermanotactic yu'un ya stsahtayic bin ut'il ay te libre ayotic ta scuenta Cristo Jesús.

Bible in Tzeltal de Oxchuc y Tenejapa

⁴ Ay lotil quermanotactic te jich nax ochic tel ta coliltic te banti ayotique, yu'un talemic ta tsajtaywanej tey a ta banti jtsoboj jbajtic. Yo'tanuc te yacuc yac'otic xan ta mosoil te bit'il libre colemotic ta swenta bit'il jun ayotic soc te Cristo Jesuse.

Gálatas 2:4 ပူးပေါင်းရင်းမြစ်များ

San Lucas 5:38

Por eso ya skꞌan te achꞌ nujkul ya yichꞌ pulel a te achꞌ binoe. Jich me ya xtuun ta xchebal a.

Hechos 15:1

Ay machꞌatik a laj talik ta estado Judea lijk snojpesik te hermanoetike te puersa me ya yichꞌ sirkunsision ta stiꞌbalulik, jich tutꞌil te ya yal te mantaliletik yuꞌun te jMoisese, teme ya skꞌan xkolik sbajtel kꞌinale.

Hechos 15:24

“La kaꞌibetik sluwar te ay chaꞌoxtul te liꞌ lijkemik baele te ma jtikonejtikuke te la yaꞌbeyex yajtal awoꞌtanik yuꞌun te tuti yalike sok te la yakꞌ aꞌbiyanuk awoꞌtanike. Jaꞌ te la yalbeyex te puersa ya skꞌan ya awichꞌik sirkunsision sok te ya achꞌuunik te mantaliletik yuꞌun te jMoisese.

Hechos 20:30

Y ta awolilik ya xlijk te machꞌatik ya yakꞌik ta nopel lotil kꞌop yuꞌun jich me ya stsꞌakliyot bael yuꞌun te hermanoetike.

Romanos 8:15

Yuꞌun te jaꞌexe ma jaꞌuk awikꞌojik te Espíritu yuꞌun mosoil te ya yaꞌbeyex xan xiꞌele. Jaꞌix te Espíritu te ya yakꞌex ta yal-xnichꞌan Diose. Jaꞌ te Espíritu te ya yalbotik te ya xjuꞌ ya kaltik ta stojol Dios: “jTat”, xchootik.

2 Corintios 11:13

Porke najka palso apostoletik ske me to y jloꞌlawanejetik yuꞌun skuyoj sbaik te jaꞌ apostoletik yuꞌun te Cristoe.

2 Corintios 11:17

Te toybajel to, ma jaꞌuk yipalon ta yalel te jich ay smantal te Kajwaltike, yuꞌun jachikon nax tutꞌil jtul jowiyel.

2 Corintios 11:20

sok kujchem awuꞌunik te machꞌatik ya sujex ta mantaltesele, sok te machꞌa ya slajinbeyex te tut ay awuꞌunike, sok te ya sloꞌlayexe, sok te machꞌa mukꞌ ya yakꞌ sba ta atojolike, o sok te machꞌa ya smajbeyex awelawike.

2 Corintios 11:26

Ben bayal beenemon y kiloj te peligroetik ta jaꞌe, y peligroetik yuꞌun te jꞌelekꞌetike, y peligroetik yuꞌun te jlumale, y sok te jyanlumetike. Kiloj peligroetik ta mukꞌul jtejklum, sok ta jojchol luwar, sok ta mar, y peligroetik yuꞌun te palso hermanoetike.

2 Corintios 3:17

Porke te Kajwaltike, Espíritu stukel. Y te machꞌa ay ta skuenta te Espíritu yuꞌun te Kajwaltike, ayix ta libre yuꞌun.

Gálatas 1:7

Ma yuꞌunuk ay yan skꞌoplal te kolele. Jaꞌ nax te ay machꞌatik ya xchebentesbeyex awoꞌtanik te jaꞌexe. Ya skꞌan ya syanutesik te tutꞌil ay skꞌoplal te kolel yuꞌun te Cristoe.

Gálatas 4:25

Yuꞌun te xꞌAgare pajal sok te wits Sinai te ay ta Arabiae. Sok jaꞌ pajal kꞌoem sok te ora to te mukꞌul jtejklum Jerusalen, te jun nax ayik ta mosoil sok te yuntikile.

Gálatas 4:3

Jich mismo ya xkꞌot ta jkuentatik ekꞌa. Te kꞌalal chꞌinotik to aye jich ayotik ta skuenta te machꞌatik ay spoderik te ya spasawanik ta mantal liꞌ ba balmilale.

Gálatas 5:1

Te Cristoe la yakꞌotik ta libre, yuꞌun jich me libre ayotik a. Y ma me awakꞌ abaikix ta chukel yuꞌun te mosoile.

Gálatas 5:10

Y te joꞌone jich ay ta koꞌtan ta skuenta te Kajwaltike te ma me tut yan ya anopik te jaꞌexe. Pero Dios ya me yaꞌbe kastigo te machꞌatik ya xchebentesbeyex awoꞌtanike, ma yocheluk machꞌauk a.

2 Timoteo 3:6

Porke te stukelike jaꞌ ya xꞌochik ta nantike, y ya sloꞌlayik te bol antstik te nojelik ta mulil te jaꞌ ya xꞌikꞌot bael ta spasel spisil te tut ya skꞌan yoꞌtanike.

Santiago 1:25

Pero te machꞌa ma xchꞌay ta yoꞌtan te tut ya yaꞌiye, sino ke jaꞌ ya yakꞌ ta yoꞌtan te mantal te toje sok te ya yakꞌotik ta libree, y teme jun yoꞌtan ya xchꞌuun te tut ya yale, ben tsaꞌam slekil yuꞌun te tut ya spase.

1 Pedro 2:16

Te tutꞌil libre ayexe, pasaik me te tut leke. Ma me yuꞌunuk jaꞌ libre ayex ta spasel te tut ma lekuke. Jachikukex me te tutꞌil yaj-aꞌtelex te Diose.

2 Pedro 2:19

Ya yalik te libre ayike, pero stukelik mismo ayik ta mosoinel yuꞌun te tut skuenta lajel. Porke spisil gente jaꞌ mosoinbil yuꞌun te tut ya stsalot yuꞌune.

1 Juan 4:1

Kermanotak te kꞌuxex ta koꞌtane, ma me achꞌuunik ta spisil te machꞌatik ya yalik te yikꞌojik te Espíritu yuꞌun te Diose. Aꞌiya awaꞌiyik nailuk teme jaꞌ te Espíritu yuꞌun Dios te ay ta stojolike o ma jaꞌuk. Porke nojel te balmilale te jloꞌlawanejetik te ya yalik te jaꞌ ta skuenta Dios te tut ya yalike.

Judas 1:4

Yuꞌun ay mukul la yochintayex jtul cheb genteetik te ya sloꞌlayexe. Jaꞌ te machꞌatik namey ay jilel skꞌoplal ta Sjun Dios yuꞌun te chꞌayel ya xlaj bajte. Jaꞌ genteetik te ma lekikuke. Syanutesejik te tutꞌil ay slekil yoꞌtan te Kajwaltik Dios, yuꞌun ya yalik te jich ay ta pasel spisil te tut ma tsaꞌamuke. Sok ma xyakꞌik ta jkuenta te úniko Ajwalil kuꞌuntik, ja te Kajwaltik Jesucristoe.