Gálatas 2:3 - Nuevo Testamento Tzeltal de Amatenango

³ Pero te jTito te sjoyinejone, te jaꞌ griego stukele, maꞌ sujot ta yichꞌel te sirkunsisione.

Bible in Tzeltal Bachajón

³ Te Tito te sjoquinejon, te ha griego, ma ba la sujic te ya yich' circuncisión,

Bible in Tzeltal de Oxchuc y Tenejapa

³ Manchuc me griego-winic te Tito te sjoinejone, ma la sujic ta yich'el te circuncisione.

Gálatas 2:3 ပူးပေါင်းရင်းမြစ်များ

Hechos 15:24

“La kaꞌibetik sluwar te ay chaꞌoxtul te liꞌ lijkemik baele te ma jtikonejtikuke te la yaꞌbeyex yajtal awoꞌtanik yuꞌun te tuti yalike sok te la yakꞌ aꞌbiyanuk awoꞌtanike. Jaꞌ te la yalbeyex te puersa ya skꞌan ya awichꞌik sirkunsision sok te ya achꞌuunik te mantaliletik yuꞌun te jMoisese.

Hechos 16:3

Te jPabloe la skꞌan te ya sjoyin te jTimoteoe, pero nail a yaꞌbe yichꞌ sirkunsision yuꞌun jich makꞌ xlijk ta kꞌop a te juriyoetik te teꞌ kuxajtik ae. Porke snaꞌojik ta spisilik te stat jTimoteoe griego-winik stukel.

2 Corintios 2:13

Pero ma junuk koꞌtan teꞌa porke ma teyuk a kꞌoj jta a te kermano jTitoe. Jaꞌ yuꞌun jich la jileslan y boon ta Macedonia.

Gálatas 2:1

Ta patil kꞌaxix katorse jaꞌbil a boon xan ta Jerusalen sok te jBernabee, y la kikꞌ sjoyinon bael te jTitoe.

2 Timoteo 4:10

Yuꞌun te jDemase, jaꞌ bikꞌtajix yoꞌtan yuꞌun te tutik skuenta te balmilal to. La sjilesonix y bajtix ta Tesalónica. Te Crescentee bajtix ta estado yuꞌun Galacia, y te jTitoe bajt ta Dalmacia.

Tito 1:4

Ya jtsꞌibabeyat te karta to, Tito, te batsꞌi jnichꞌanat kꞌoeme, sok te jun nax te xchꞌuunel koꞌtantik ta jchebaltike. A me yaꞌbeyat slekil yoꞌtan te Jtatik Dios y sok te Kajwaltik Jesucristo te jKoltawanej kuꞌuntike y sok te bujtsꞌan kꞌinal ta atojole.