Gálatas 2:20 - Nuevo Testamento Tzeltal de Amatenango

²⁰ Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Bible in Tzeltal Bachajón

²⁰ Pajal lajon ta cruz soc Cristo, hich ma ba cuxulonix te ho'one, ha cuxulix Cristo ta co'tan; soc te jcuxlejal ta ora ini ta scuenta ch'ich'-baq'uet, ha ya xcuxajon ta scuenta sch'uhunel co'tan ta stojol te Snich'an Dios, te c'uxon ta yo'tan soc te la yac' sba ta jcuenta.

Bible in Tzeltal de Oxchuc y Tenejapa

²⁰ Jich pajal lajemon soc ta cruz te Cristoe. Cuxulon ts'iin, ja'uc me to, ma jo'oconix te cuxulone. Ja' cuxulix ta co'tan te Cristoe. In te bit'il cuxulon to ta q'uinal soc te jbaq'uetale, ja' cuxulon yu'un te xch'uunjel co'tan ta swenta te Snich'an Diose, ja' te mach'a c'ux la yaiyon ta yo'tan soc te la yac' sba ta lajel ta jwentae.

Gálatas 2:20 ပူးပေါင်းရင်းမြစ်များ

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Mateo 4:3

Jaꞌ yuꞌun te pukuje tal yilbe yoꞌtan te Jesuse. Jich a yal: —Teme jich awal te Xnichꞌanat te Diose, albeya i tonetik to te ya xkꞌajtaj ta waje —xchi te pukuje.

San Juan 1:49

Te jNatanaele la yalbe: —Maestro, jaꞌat te xNichꞌanat te Diose, sok jaꞌat Reyat yuꞌun te Israele —xchi.

San Juan 10:11

“Joꞌon te lekil jkananone. Te lekil jkanane ya yakꞌ sba ta milel yuꞌun te skarnerae.

San Juan 15:13

Maꞌyuk machꞌa mas mukꞌ slekil yoꞌtan ke te machꞌa ya yakꞌ sba ta milel yuꞌun te yamigotake.

San Juan 17:21

JTat, ya jkꞌambeyat te junuk nax ayik ta spisilike, sok te junuk nax ayotik soke, jich tutꞌil te jun nax ayotik te joꞌotike, jich benuk jun yoꞌtanik euk. Para ke jich te machꞌatik ayik ta skuenta te balmilale ya me xchꞌuunik te jaꞌat la atikonon tale.

San Juan 3:16

Porke te Diose bayal a xpichꞌin yoꞌtan te genteetike. Jaꞌ yuꞌun la stikon tal te úniko jtul Xnichꞌane, para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal.

San Juan 3:35

Te Tatile kꞌux ta yoꞌtan te xNichꞌane; jaꞌ yakꞌojbe ta skꞌab spisil te tutik aye.

San Juan 6:57

Te Tatil, te la stikonon tale, ay kuxlejal yuꞌun, y jaꞌ kuxulon ta stojol. Jich mismo ekꞌa te machꞌa ya sweꞌbon jtiꞌbalul ya xkuxuyin ta jtojol.

San Juan 6:69

Te joꞌotike la jchꞌuuntikix, y jnaꞌojtik te jaꞌat Cristoat te xNichꞌanat Chꞌul Diose —xchi.

Hechos 8:36

Te kꞌalal yipalik kꞌael ta beel ae, ay jaꞌ a staik te tiꞌbe. Te etiope-winike la yal: —Ay jaꞌ liye. ¿Me ma spas te ya kichꞌ jaꞌe? —xchi.

Hechos 9:20

Te nax a te Sauloe lijk ta yalel te ba sinagogaetik te jaꞌ Xnichꞌan Dios te Jesuse.

Romanos 1:17

Yuꞌun ta skuenta te lek achꞌ kꞌope ya jnaꞌtik te tutꞌil toj ya yilelotik te Diose ta skuenta nax te xchꞌuunel koꞌtantike. Jich ya yal te tutꞌil tsꞌibabil jilele: “Jaꞌ me ya xkuxuyin te machꞌa ya xꞌilot yuꞌun Dios te tutꞌil toj aye ta skuenta te xchꞌuunel yoꞌtane”, xchi me.

Romanos 14:7

Ni ma joꞌukotik ta jkuentatik te tutꞌil kuxulotike sok ma jkuentatikuk te ya xchamotike.

Romanos 3:22

Dios ya yakꞌotik ta libre yuꞌun jmultik teme la jchꞌuuntik te Jesucristoe. Y jich pajal skꞌoplal ta spisilik te machꞌatik ya xchꞌuune,

Romanos 4:25

te akꞌot entregal ta lajel yuꞌun te jmultike y chaꞌkux tal yuꞌun ya yakꞌotik ta libre yuꞌun te jmultike.

Romanos 5:2

Yuꞌun ta skuenta Cristo te kꞌot ta jkuentatik te slekil yoꞌtan Dios, ta skuenta nax te xchꞌuunel koꞌtantike. Y jich jun koꞌtantik ayotik sok ben butsꞌan kꞌinal ya jmalitik ya kichꞌtik te slekilal Diose.

Romanos 5:6

Yuꞌun te kꞌalal maꞌyuk jpuersatik te ya jkoltay jbajtike, la sta yorail te cham te Cristoe ta skaj te machꞌatik ma lekikuke.

Romanos 5:8

Pero te Diose la yakꞌix ta ilel te ben skꞌanojotik ta yoꞌtane, te tutꞌil cham Cristo ta jkajtik te kꞌalal ayotik to ta mulil aye.

Romanos 6:13

Maꞌ awakꞌik entregal te atiꞌbalulik yuꞌun te mulile yuꞌun ta spasel te tut ma lekuke. Jaꞌ lek akꞌa abaik entregal ta stojol Dios, jich tutꞌil jtul gente te chame y te chaꞌkuxe. Sok akꞌaik entregal te atiꞌbalulik te ya xtuun yuꞌun ta spasel te tut leke.

Romanos 6:8

Te joꞌotik teme chamenotikix sok te Cristoe, ya xchꞌuun koꞌtantik te ya xkuxuyinotik sok euke.

Romanos 8:10

Pero teme ay ta awoꞌtanik te Cristoe, aunke chamen te atiꞌbalulik ta skaj te mulile, kuxul me achꞌulelik ta skuenta te libreix ayex ta stojol te Diose.

Romanos 8:37

Pero ta spisil to ya me jtsaltik jilel ta skuenta te machꞌa kꞌuxotik ta yoꞌtane.

1 Corintios 6:17

Pero te kꞌalal ay machꞌa jun nax ya yakꞌ sba ta skuenta te Kajwaltike, jich jun nax ya xkꞌot ta skuenta te Espiritue.

2 Corintios 1:24

Ma yuꞌunuk jaꞌ ya jkꞌantik te ya sujtikex ta xchꞌuunele, yuꞌun ben jun awoꞌtanik sok ayix xchꞌuunel awoꞌtanike. Te tut ya jkꞌantike jaꞌ te ya xꞌaꞌtejotik ta akuentaik, yuꞌun jich me ben jun awoꞌtanik a.

2 Corintios 10:3

Batsꞌi jich te tiꞌbal to ayotike. Pero ma jichuk ya kut jbajtik tutꞌil gente liꞌ ba balmilale.

2 Corintios 11:10

Batsꞌi seguro ayon te jnaꞌoj te tut batsꞌi jich yuꞌun te Cristoe, yuꞌun jich maꞌyuk machꞌa ta spisil estado yuꞌun Acaya te ya spojbon te tut ben jun koꞌtan yuꞌun.

2 Corintios 13:3

Yuꞌun te jaꞌexe yipalex ta skꞌanel seña ya awilik teme jaꞌ Cristo te ya xkꞌopoj ta jkuentae. Y te Cristoe ma yuꞌunuk maꞌyuk spuersa te tut ya xchap ta akuentaike. Ya me yakꞌ awilik te bayal spoder ta atojolike.

2 Corintios 13:5

Aꞌiya me abaik jaꞌex mismo, yuꞌun jich me ya xchiknaj a teme batsꞌi ay te xchꞌuunel awoꞌtanike. Pasa abaik ta prewa. ¿Me ma anaꞌojikuk te ayix ta awoꞌtanik te Jesucristoe?, teme ma lomuk nax awaloj te achꞌuunejike.

2 Corintios 5:14

Jaꞌ ya spasotik ta mantal te xkꞌuxul yoꞌtan kuꞌuntik te Cristoe. Te tutꞌil jnaꞌojtik te jtul a cham yuꞌun ta spisilike, jicha a chamik ta spisilik kꞌoem euk.

2 Corintios 5:15

Te tutꞌil a cham Cristo yuꞌun spisil te genteetike, yuꞌun te machꞌatik kuxajtike ma jichuk xanix kuxajtik ta stukelik nax. Yuꞌun jaꞌix kuxajtik ta skuenta te Cristo, te cham y chaꞌkux tal ta skuentaike.

2 Corintios 5:7

Te ora to ma to ya kiltik, pero jun koꞌtantik jchꞌuunejtik.

Gálatas 1:4

Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Gálatas 2:16

Pero jnaꞌojtik te maꞌyuk machꞌa libre ya xkꞌot yuꞌun smul ta skuenta te ya spas te tut ya yal te mantaliletik yuꞌun te jMoisese. Jaꞌ nax libre ya xkꞌootik yuꞌun jmultik ta skuenta xchꞌuunel te Jesucristoe. Jaꞌ yuꞌun, te joꞌotike jchꞌuunejtikix te Jesucristoe yuꞌun ya skoltayotik yuꞌun jmultik ta skuenta nax te xchꞌuunel-oꞌtanile, y ma jaꞌuk ta skuenta spasel te tut ya yal te mantaliletike. Porke maꞌyuk machꞌa ya xjuꞌ te libre ya xkꞌot yuꞌun smul ta skuenta spasel te tut ya yal te mantaliletike.

Gálatas 3:11

Jaꞌ yuꞌun chikan ta jamal te maꞌyuk machꞌa libre ya xkꞌot yuꞌun smul yuꞌun jaꞌ ya spas te tut ya yal te mantaliletike. Yuꞌun te Sjun Diose ya yal: “Te machꞌa lek ya xꞌilot yuꞌun Dios ta skuenta te xchꞌuunel yoꞌtane, jaꞌ me ya xkuxuyin”, xchi me.

Gálatas 5:24

Y te machꞌatik ayix ta skuenta te Jesucristoe yakꞌojikix ta lajel ta krus kꞌoem te stiꞌbalulike. Lajix ta pasel yuꞌunik te tut ma tsaꞌamuk ya skꞌupin spasel te stiꞌbalulike y sok te sbikꞌtal yoꞌtanike.

Gálatas 6:14

Yan te joꞌone, ni ma xjuꞌ ya jtoy jba yuꞌun. Jaꞌ nax mukꞌ ya kaꞌiy jba yuꞌun te cham ta krus te Kajwaltik Jesucristoe. Yuꞌun ta skuenta nax te cham ta krus te Cristoe, te tutik ay ta balmilale chamenix jilel kuꞌun, y te joꞌone chamenonix yuꞌun te tutik skuenta balmilale.

Efesios 3:17

Y te ya xꞌanin ta awoꞌtanik te Cristo ta skuenta te xchꞌuunel awoꞌtanike. Jich te jaꞌexe junuk awoꞌtanik y toyoluk tsunulex ta skuenta te skꞌuxul awoꞌtanike.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

Efesios 5:25

Mamlaliletik, kꞌuxutayaik me lek te awinamike jich tutꞌil Cristo te lek xkuxutayej te hermanoetik y te la yakꞌ xkuxlejal yuꞌunike.

Filipenses 1:21

Porke te tutꞌil kuxulone, jaꞌ ta skuenta te Cristoe; y teme chamone, jich la jpas ganar a.

Filipenses 4:13

Ta spisil ya xjuꞌ kuꞌun ta skuenta Cristo te jaꞌ ya skoltayone.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

1 Tesalonicenses 1:10

Sok ya yalik xan te tutꞌil yipalex ta smaliyel te ya sujt tal ta chꞌulchan te Jesus te Xnichꞌan Diose. Jaꞌ te Jesus te la yichꞌ xchaꞌkusesel yuꞌun Dios te ba ay animaetike, sok te stukel ya skoltayotik yuꞌun te tulan kastigo ya xtale.

1 Tesalonicenses 5:10

Te Jesucristoe cham ta jkajtik yuꞌun teme kuxulotike o ya xchamotik. Jun nax me ya xkuxuyinotik sok stukel.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 8:3

Spisil te statal saserdotee jaꞌ aꞌbil yaꞌtel yuꞌun ta yakꞌel te smajtan Dios y te milbil smajtane. Y jaꞌ yuꞌun te puersa te ay tut ya yaꞌbe smajtanin Dios euk te Jesucristoe.

1 Pedro 1:8

Te jaꞌexe kꞌux ya awaꞌiyik ta awoꞌtanik te Jesucristoe aunke ma to awilojikuk; y te ora to, achꞌuunejik te Jesucristoe aunke ma to awilojikuk. Lom kontento ayex sok sbujtsꞌ awoꞌtanik te lom mukꞌe, y te ben tsaꞌam slekil te ma xjuꞌ xlaj ta alel skꞌoplale,

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.

1 Juan 4:14

Te joꞌotike kilojtik te Jesucristoe, y ya kaltik ta jamal te Tatile la stikon tal te Xnichꞌan yuꞌun tal skoltay te machꞌatik ayik ta balmilale.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Apocalipsis 3:20

Ila awil, joꞌon ayon ta kꞌop ta tiꞌ puerta. Teme ay machꞌa ya yaꞌibon te jkꞌope y ya sjeꞌ te tiꞌpuertae, ya xꞌochon ta sna y jun nax ya xweꞌon sok.