Gálatas 1:23 - Nuevo Testamento Tzeltal de Amatenango

²³ Jaꞌ nax te la yaꞌiyik te ya xꞌalote: “Jaꞌ te machꞌa la stenotik ta nail toe, te ora to yipalix ta yalel te tutꞌil ay skꞌoplal ta chꞌuunel te Cristoe, te nail to kꞌan stupꞌbe skꞌoplale”, xchi te jkꞌoplale.

Bible in Tzeltal Bachajón

²³ ha nax hich ya'iyejic: Te mach'a la yuts'inotic ta nahil to, yo'tic yaquix ta yalel te bin ay ta ch'uhunel te c'an slajin ta nahil to, xchi.

Bible in Tzeltal de Oxchuc y Tenejapa

²³ Ja' nax la yaiybonic stojol te jc'oplale: “Te mach'a la yuts'inotic ta neelal, yo'tic yaquix ta beel ta xcholel te bit'il ya cac' xch'uunjel co'tantic ta stojol te Jesucristoe, te c'an stup' ta ch'uunel ta neelal”, te xi' jc'oplal yu'unique.

Gálatas 1:23 ပူးပေါင်းရင်းမြစ်များ

Hechos 19:13

Pero ay chaꞌoxtul juriyoetik te ya xbeenik ta kayailtik te ya slokꞌes pukujetik ta stojol te gentee. Kꞌan skꞌan yoꞌtanik te ya slokꞌesik pukujetik ta sbiil te Kajwaltik Jesuse. Jicha lijk yalbe te pukujetike: —Ta sbiil te Jesus te ya yalbe skꞌoplal te jPabloe, ya kalbeyex mantal te ya xlokꞌexe —xchiik.

Hechos 6:7

Te skꞌop Dios pujk bael, y te hermanoetike lom bayal yipal ta pꞌolel te ba Jerusalene. Asta bayal saserdoteetik yuꞌun juriyo la xchꞌuunik euk.

Hechos 9:13

Kꞌalal la yaꞌi te jicha albote, te jꞌAnaniase la yal: —Kajwal, bayal machꞌa yalojbon tutꞌil ay te winik abi, y spisil te tut ma tsaꞌamuk spasojbe te machꞌatik xchꞌuunejat te ba Jerusalene.

Hechos 9:20

Te nax a te Sauloe lijk ta yalel te ba sinagogaetik te jaꞌ Xnichꞌan Dios te Jesuse.

Hechos 9:21

Spisil te machꞌatik la yaꞌiyike lom cham a yaꞌiyik y la yalik: —¿Me ma jaꞌuk tsꞌin to te ya yilbajinlan te machꞌatik ya staik ta alel te stsaꞌamul te sbiil te Jesus te aylan ta Jerusalene? ¿Me ma wan jaꞌuk mismo talem yuꞌun liye te ya xchuktalan bael te hermanoetik sok te ya xba yakꞌ entregal ta stojol te stataletik yuꞌun te saserdoteetike? —xchiik.

Hechos 9:26

Te kꞌalal kꞌot ta Jerusalen te Sauloe, kꞌan stsob sba sok te hermanoetike, pero spisilik ya xlaj xiꞌik yuꞌun, yuꞌun ma xchꞌuunik teme jnopojelix yuꞌun te Jesuse.

Gálatas 6:10

Jaꞌ yuꞌun, siluk me tiempo te ya xjuꞌ kuꞌuntike, aꞌ jpastik te tut lek ta spisile. Y mas jaꞌ ta stojol te kermanotaktik te jun nax jchꞌuunejtik sok Diose.