Filipenses 4:3 - Nuevo Testamento Tzeltal de Amatenango

³ Y jaꞌat te jun awoꞌtan te joy jbajtik ta aꞌtele, ya jkꞌan ya akoltayik te hermanaetik to te la spasik puersa te la skoltayon ta yalel te skꞌoplal kolele, sok euk te jClementee y sok te yanetik te jun nax a aꞌtejon soke. Te sbiilike tsꞌibalanbilix te ba sjunal te kuxlejale.

Bible in Tzeltal Bachajón

³ Ha nix hich ya calbat wocol, ha'at te jmohlol jbahtic te jun awo'tan, te yacuc acoltaybon te cheb antsetic ini, ha'ic te la sjoquinlanonic ta a'tel ta scuenta te lec yach'il c'op, soc nix te Clemente soc te yantic jmohloltac ta a'tel te ay sbihilic ta libro yu'un cuxlejal.

Bible in Tzeltal de Oxchuc y Tenejapa

³ Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.

Filipenses 4:3 ပူးပေါင်းရင်းမြစ်များ

San Lucas 10:20

Pero ma me jaꞌuk nax ben jun awoꞌtanik yuꞌun te tutꞌil ya xchꞌuumbeyex amantalik te pukujetike. Jaꞌuk me ben jun awoꞌtanik yuꞌun te tutꞌil tsꞌibabilix abiilik te ba chꞌulchane —xchi te Jesuse.

Romanos 12:1

Jich yuꞌun, kermanotak, ya kalbeyex ta skuenta slekil yoꞌtan Dios, jich me ya skꞌan ya awakꞌ abaik ta stojol Dios tutꞌil kuxul smajtan Dios te lek ya yilex te Diose. Jich ya skꞌan ya kakꞌ jbatik ta stojol te batsꞌi ya jchꞌuuntike.

Romanos 16:12

Albikon xkoltanuk euk te Trifenae y sok te Trifosae te ya xꞌaꞌtejik ta yaꞌtel te Kajwaltike, y jich euk te kermanatik Persidae te ben kꞌux ta koꞌtantike, te bayal aꞌtejemix ta yaꞌtel te Kajwaltike.

Romanos 16:9

Albikon xkoltanuk euk te jꞌUrbanoe te joyba sok ta aꞌtel ta skuenta te Cristoe. Y sok euk te Estaquis te ben kꞌux ta koꞌtane.

Filipenses 1:12

Kermanotak ya jkꞌan ya anaꞌik te tutik kꞌaxemix kuꞌune. Jaꞌa tal yuꞌun te ya xpujk xan ta mas a te skꞌoplal kolele.

Filipenses 1:16

Te machꞌatik sok skꞌuxul yoꞌtanik ya yalbeyik skꞌoplal te Cristoe, yuꞌun snaꞌojbeyik sluwar te Dios la yakꞌon liye yuꞌun ya kal ta jamal te skꞌoplal kolele.

Filipenses 1:27

Jaꞌ nax tulan skꞌoplal te ya xkuxuyinex jich tutꞌil ya yal te lek achꞌ kꞌop yuꞌun te Cristoe. Jich mismo teme tal kilex o teme maꞌ talone ya jkꞌan ya kaꞌiy te jaꞌex te sigue jun awoꞌtanik y te jun nax ayexe. Ya me apasik puersa ta apisilik te ya awakꞌik ta chꞌuunel te skꞌoplal kolele.

Filipenses 1:5

Yuꞌun jun nax jchꞌuunejtik te lekil achꞌ kꞌope ta slijkibal to tal asta te ora to.

Filipenses 1:7

Ben lek ya kaꞌiy te jich ayex ta koꞌtan ta apisilik te jaꞌexe, porke ben jkꞌanojex ta koꞌtan. Porke pajal kichꞌojtik mismo bendisionetik, aunke liꞌ ayonix ta prexo to, o manchuk me ya kichꞌ ikꞌel ta stojol te jꞌuꞌeletike yuꞌun jich me ya jkoltay jba y ya kal te skꞌoplal te kolele.

Filipenses 4:2

Swokoluk te xꞌEvodiae y jich euk te Sintikee, te junuk nax me ayik, jich tutꞌil hermanaetik ta skuenta te Kajwaltike.

Colosenses 1:7

Jaꞌ to jaꞌ la yaꞌbeyex anopik te kermanotik Epafras, jaꞌ te machꞌa aꞌtejemon soke, te jun yoꞌtan yakꞌoj sba ta abatinel ta skuenta Cristo ta akuentaike.

Apocalipsis 13:8

Te chanbalam to te xiꞌbentik sbae ichꞌot ta jkuenta yuꞌun spisil te machꞌatik ayik ta balmilale. Jaꞌ te machꞌatik ma tsꞌibabiluk sbiilik ta sjunal kuxlejal yuꞌun te Chꞌin Karnera te la yichꞌ milele. Te sjunal kuxlejale, jaꞌ te jun te la yichꞌ tsꞌibayel desde pas te balmilale.

Apocalipsis 17:8

Te chanbalam te lom yan la awile, jaꞌ te kuxul ta nail toe, pero ma chikanukix. Pero ya xba lokꞌuk tal ta chꞌen antes te ya xba yichꞌ lajinel ta spisile. Te genteetik ta balmilale te ma nakaluk sbiilik te ba slibroal yuꞌun te kuxlejal desde pas te balmilale, lom cham me ya yaꞌiyik te kꞌalal ya yilik te chanbalam te lom yane, te kuxul ta nail toe, y ma chikanukix, pero ya me chiknaj xan.

Apocalipsis 20:12

Y la kil te animaetike, chꞌin ta mukꞌ, tekꞌajtik ta sit te mukꞌul naktajibale. Y la yichꞌ jamel te libroetike, y sok te jun xan libro jaꞌ te slibroil te kuxlejale. Te animaetike ichꞌtalanot jkuenta chikan te tut spasojike y sok te tut tsꞌibabil te ba libroetike.

Apocalipsis 20:15

Y teꞌ chꞌojtalanot ochel a te machꞌatik ma tsꞌibalanbiluk sbiilik te ba libro yuꞌun kuxlejale.

Apocalipsis 21:27

Pero ma xjuꞌ ya xꞌoch teꞌa te tut ma lekuke, ni ma xjuꞌ ya xꞌoch teꞌa te machꞌatik ya spasik te tut ma tsaꞌamuke sok te jloꞌlawanejetike. Jaꞌ nax ya xꞌoch teꞌa te machꞌatik ay tsꞌibabil sbiilik te ba libro yuꞌun kuxlejal yuꞌun te Chin Karnerae.

Apocalipsis 3:5

Te machꞌaik ya xjuꞌ yuꞌunik tsalawe jich me sak te skꞌuꞌ spakꞌ te ya xꞌaꞌbote. Y makꞌ me ya jtupꞌbey te sbiilik te ba ay ta jun yuꞌun te kuxlejale. Sino ke ya kaltalan ta jamal ta stojol te Jtate y ta stojol te angeletik yuꞌune.