Filipenses 3:3 - Nuevo Testamento Tzeltal de Amatenango

³ Porke te machꞌatik batsꞌi yichꞌojik sirkunsisione joꞌotik abi, yuꞌun jchꞌuunejtik te Diose ta skuenta te Espíritu, y ben jun koꞌtantik te ayotikix ta skuenta te Cristo Jesuse. Ma jaꞌuk ya kichꞌtik ta jkuenta te tutik ya spasbot te jtiꞌbalultike.

Bible in Tzeltal Bachajón

³ Pues ho'otic te quich'ojtic te mero circuncisión, te ya jch'uhuntaytic te Dios ta scuenta te Espíritu yu'un Dios soc te bayel cutsilaltic ya ca'iytic ta scuenta Cristo Jesús, te ma ha'uc smuc'ulinej co'tantic te ch'ich'-baq'uet;

Bible in Tzeltal de Oxchuc y Tenejapa

³ Yan te jo'otique quich'ojtic te mero circuncisione. Melel ta swenta nax te Espíritu te yacotic ta abatinel yu'un te Diose. Jich bayal sbujts' co'tantic ta swenta te Cristo Jesuse; ma ba ja' ya smuc'ulin co'tantic te bila ya yich' pasel ta jbaq'uetaltique.

Filipenses 3:3 ပူးပေါင်းရင်းမြစ်များ

Romanos 1:9

Te Dios te kakꞌoj jba ta abatinel ta spꞌejel koꞌtan ta yalel skꞌoplal te Xnichꞌane, jaꞌ testigo kuꞌun te sil tiempo ya jnaꞌex te kꞌalal ya jkꞌopone.

Romanos 15:17

Te tutꞌil jchꞌuunej te Cristo Jesuse, ben jun koꞌtan yuꞌun te ayon ta abatinel yuꞌun te Diose.

Romanos 7:6

Pero te ora to chamenotikix yuꞌun te mantaliletike te sjapuyejotik ta spodere. Jich kolemotikix yuꞌun ya xtuunotik ta stojol Dios sok te achꞌ jkuxlejaltik ta skuenta te Espiritue, y ma jaꞌukix ta skuenta te antibo mantaliletik tsꞌibabile.

Romanos 8:15

Yuꞌun te jaꞌexe ma jaꞌuk awikꞌojik te Espíritu yuꞌun mosoil te ya yaꞌbeyex xan xiꞌele. Jaꞌix te Espíritu te ya yakꞌex ta yal-xnichꞌan Diose. Jaꞌ te Espíritu te ya yalbotik te ya xjuꞌ ya kaltik ta stojol Dios: “jTat”, xchootik.

Romanos 8:39

Ni jaꞌuk te tut toyol aye, ni jaꞌuk te lom najt koem baele, ni jaꞌuk jkajuk te tut spasoj te Diose. Maꞌyuk tut ya xjuꞌ ya spitotik a te slekil yoꞌtan Dios te la yaꞌbotik kiltik ta skuenta te Kajwaltik Cristo Jesuse.

Romanos 9:6

Pero ma yuꞌunuk ma kꞌot ta pasel te tut sjapoj te Dios ta skuenta te Israele. Yuꞌun ma spisiluk batsꞌi stsꞌumbal Israel te jtejklum Israele.

2 Corintios 11:18

Yuꞌun ay bayal te ya stoy sbaik te tut snopojik ta stukelik naxe. Jich euk te joꞌone, ya me jtoy jba.

Gálatas 5:25

Te ora to teme kuxulotikix ta skuenta te Espiritue, aꞌ kakꞌ jbajtik te ya stojutesotike.

Gálatas 6:16

Spisilik te machꞌa jich xchꞌuunejik ekꞌae, ya yichꞌik te bujtsꞌan kꞌinale y te slekil yoꞌtan Diose, sok spisil te machꞌatik batsꞌi jtejklum yuꞌun te Diose.

Efesios 6:18

Siluk me tiempo kꞌoponaik te Diose. Wokoletanik y kꞌanbeyaik Dios te siluk tiempo ya stojutesex te Espiritue. Kuxuluk me awoꞌtanik. Ma me cheban awoꞌtanik, y kꞌoponbeyaik Dios spisil te machꞌatik xchꞌuunejik Diose.

Filipenses 1:1

Joꞌon te jPabloon sok te jTimoteoe, te jꞌaꞌtelotik yuꞌun te Jesucristoe, la jtsꞌibatik te karta to yuꞌun te jayebex te ayex ta mukꞌul jtejklum Filipos te ayex ta skuenta Dios sok te jun nax ayex sok te Cristoe, ta apisilik sok te ansianoetik y sok te diakonetike.

Filipenses 3:12

Ma jkꞌan ya kal te juꞌemix kuꞌun ta spisile, ni te lom tojix ayone. Pero sigue ayon bael ta smaliyel te ya xkꞌo jtae, jaꞌ sluwar te la staon ta primero te Cristo Jesuse.

Filipenses 3:14

Yuꞌun jich me ya xkꞌoon te ba ya xkꞌoone, y ya me xkꞌo kichꞌ te jmajtan te ya yaꞌbotik te Diose ta skuenta te Cristo Jesuse.

Colosenses 2:11

Sok xan, te jaꞌex te jun nax ayex sok te Cristoe, awichꞌojikix sirkunsision. Ma jaꞌuk te sirkunsision te ya xꞌakꞌot ta tiꞌbalulile, sino ke jaꞌ te libre ayexix yuꞌun te amulawil tiꞌbalulike. Jaꞌ te sirkunsision te talem ta skuenta te Cristoe.

Judas 1:20

Pero te jaꞌexe, kermanotak te kꞌuxex ta koꞌtane, junuk me awoꞌtanik yuꞌun te chꞌul kꞌop achꞌuunejike. Kꞌoponaik Dios ta skuenta te Chꞌul Espiritue.