Filipenses 2:3 - Nuevo Testamento Tzeltal de Amatenango

³ Ma me ayuk tuti ya apasik ta skuenta tsalaw sok ta skuenta toybael. Chꞌin me ya skꞌan ya awakꞌ abaik, y ta juju-tul jaꞌ me mukꞌ skꞌoplal awuꞌunik te yanetike te tutꞌil te jaꞌat mismoe.

Bible in Tzeltal Bachajón

³ Ma me ayuc bin yac apasic ta scuenta te bin ya sc'an awo'tanic atuquel o ta scuenta toybahil; peq'ueluc xawac' abahic, hich me xap'is te toyol xan ay te yantic te bin ut'il te ha'ate.

Bible in Tzeltal de Oxchuc y Tenejapa

³ Ma me xale atuquelic te bila ya awac' abaic ta ich'el ta muc' yu'un ta swenta atoybaelic te juju-jtulexe. Peq'uel me xawac' abaic. Ja'uc me cajal sc'oplal ta awo'tanic te mach'atic jun ayex soque.

Filipenses 2:3 ပူးပေါင်းရင်းမြစ်များ

San Lucas 18:14

“Ya kalbeyex: Te jkꞌan-tojemale te kꞌalal sujt bael ta snae pasbilix bael perdon yuꞌun a te Diose. Yan te fariseoe ma pasbot perdon stukel. Porke te machꞌa mukꞌ ya yakꞌ sbae, chꞌin me ya xkꞌot. Yan te machꞌa chꞌin ya yakꞌ sba, jaꞌ me mukꞌ ya xkꞌot stukel —xchi te Jesuse.

Romanos 12:10

Kꞌux me xꞌawaꞌiy abaik jich tutꞌil te machꞌatik jun nax smeꞌ-statike. Talel bael akꞌa abaik me ta jkuenta, y chꞌuunbeya abaik amantalik.

Romanos 13:13

Lek me skꞌan xꞌanotik te tutꞌil ayotikix ta kꞌajkꞌaltike. Ma me jaꞌukix ya jtamtik te yakubele sok te pas-kꞌin te xchꞌeet naxe. Makꞌ me jpastikix te tut ya skꞌupin te jtiꞌbalultik te kꞌayem aye, jaꞌ te antsiwejele, sok te pletoe, sok te il-oꞌtantawaneje.

Romanos 2:8

Pero ya yaꞌbe kastigo sok yiliꞌba te machꞌatik ma xchꞌuun mantale, jaꞌ te machꞌatik skontrainej te tut batsꞌi jiche, y jaꞌ ya spas te tut ma lekuke.

1 Corintios 15:9

Yuꞌun te joꞌone jaꞌ mas pekꞌ ayon yuꞌun te apostoletike. Y ni ma spas te apostol ya yalbelone, porke la jtentalan te hermanoeitk ta stojol Diose.

1 Corintios 3:3

yuꞌun skuentainejex to te atiꞌbalulile. Yuꞌun chikan te tutꞌ ayexe te ya to awilbey aba awoꞌtanik sok te ya ajapuy abaik ta kꞌope, sok te ya apitpit abaike. Yuꞌun sigue ya atamojik te tut skuenta atiꞌbalulike. Jich yipalex ta spasel te tut ya spas spisil te gente ta balmilale.

2 Corintios 12:20

Porke te kꞌalal ya xba kilex, ya jxiꞌ teme ma jichuk ya xkꞌo jtaex te tutꞌ ya jkꞌane, sok teme ma jichuk ya xkꞌo ataikon te tutꞌ ya akꞌanik ekꞌa te jaꞌexe. Jaꞌ ya jxiꞌ teme ay kꞌop lijkem awuꞌunik, o il-oꞌtantawanej, o iliba, o ay dibision awuꞌunik, sok te le-mulile, sok te aꞌbiyanwaneje, sok te toybajele, y te lijkesej-kꞌope.

Gálatas 5:15

Ila me abaik, porke te jaꞌexe teme la atiꞌ abaik y sok teme ya atam abaik ta pletoe, tey me ya awilik a te jkꞌaxel ya ajim abaik ae.

Gálatas 5:26

Ma me lom toybaukotik. Ma me talel baeluk ya japuj jbajtik ta pleto y mak me kil-oꞌtantay jbajtik.

Efesios 4:2

Mansoukex me y lekuk me ya awila abaik. Yauk me stsꞌijk awuꞌunik y talel bael ya xkujch awuꞌunik sok skꞌuxul awoꞌtanik.

Efesios 5:21

Chꞌuunbeya aba amantalik ta juju-tul te tutꞌil axiꞌojik te Diose.

Filipenses 2:14

Spisil te tut ya apasike ma me sokuk pleto sok ma me xjajch kꞌop awuꞌunik.

Colosenses 3:12

Dios skꞌanojex te jaꞌexe, y la stꞌujex yuꞌun jtejklum ya xkꞌoex yuꞌun, sok kꞌuxex ta yoꞌtan. Jich yuꞌun akꞌaik ta ilel te ay xkꞌuxul awoꞌtanike sok te ay slekil awoꞌtanike. Chꞌin me xꞌawakꞌ abaik y kꞌunuk me awoꞌtanik, y kujchuk me awuꞌunik.

Colosenses 3:8

Pero te ora to, jilesaik spisil to: te iliꞌbae, te kꞌajkꞌubele, te tut ma lekuke, te ixtaꞌkꞌoptawaneje, y te kꞌopetik ma lek ta alele.

1 Timoteo 6:4

jaꞌ jun toybajel te maꞌyuk tut ya snaꞌe. Jaꞌ nax baem ta yoꞌtanik puru kꞌopetik skuenta tsalawe jich tutꞌil jun chamel, y tey ya xtal a te il-oꞌtantawaneje sok pleto y toybael y te ma junuk yoꞌtanike.

1 Pedro 3:8

Ta slajibal ya kalbeyex: Junuk me awoꞌtan abaik ta apisilik, sok junuk nax me te tut ya anopike. Kꞌuxuk me ya awaꞌiy abaik te tutꞌil te awermano abaike. Ayuk me slekil awoꞌtanik y benuk me chꞌunulex.

1 Pedro 5:5

Jichex euk jaꞌex kermetik, chꞌuunbeyaik me smantal te ansianoetik te tutꞌil ay yaꞌtelike. Ta apisilik ya skꞌan talel baeluk ya achꞌuunbey aba amantalik, sok chꞌunulukex me. Porke Dios skontrainej te machꞌatik lom toybaike. Pero ya skoltay sok slekil yoꞌtan te machꞌatik chꞌunul ayike.