Efesios 6:9 - Nuevo Testamento Tzeltal de Amatenango

⁹ Y te jaꞌexe te ay amosoik, toj me xꞌawabatin te awaj-aꞌtelike. Ma me asitꞌes ta tulan kꞌop. Naꞌaik me te jaꞌexe sok te awaj-aꞌteletik pajal ayex me ta skuenta te Kajwaltik te ay ta chꞌulchane. Y te Diose maꞌyuk yan ta yoꞌtan, pajal akꞌoplalik yuꞌun.

Bible in Tzeltal Bachajón

⁹ Soc ha'ex ajwalilex, hichuc nix xapasbeyic, hiluc me awu'unic xiwtesel ta c'op, como ana'ojic te pajal ay Awajwalic soc ta ch'ulchan, te ma tsahbiluc nax mach'a ay ta cuenta yu'un.

Bible in Tzeltal de Oxchuc y Tenejapa

⁹ Soc ja'ex te yajwalex te abatetique, jich nix ya sc'an ya apasic ta stojol uuc te abatetic awu'une. Ijq'uitayaic te ya axiwtesic ta tulan c'ope. Na'aic me te pajal ay Awajwalic ta ch'ulchan soque, soc ma'yuc mach'a tsabil nax yu'un te Diose.

Efesios 6:9 ပူးပေါင်းရင်းမြစ်များ

San Mateo 22:10

Te jꞌmantaletike lokꞌik bael ta kayailtik, la yikꞌik tal spisil te la sta sbaik soke. Kapal a talik sok te machꞌatik ma lekuke sok te machꞌatik lekike. Jich a noj ta yulaꞌ te snae.

San Mateo 22:8

“Te reye la yalbe tsꞌiin te yaj-mantale: “Chapalix spisil te kꞌine, pero te machꞌatik majanlanbile chikan te ma skꞌan a talike.

San Mateo 24:48

Yan teme ma tsaꞌamuk yoꞌtan te aj-aꞌtelile, teme ya xlijk yal ta yoꞌtan: “Te kajwale ma to wan xtal ta ora”, tem xchie,

San Mateo 24:51

Ya me yaꞌbe stoj ta kastigo. Teꞌ me ya xbajt a te ba ya xbajt te machꞌatik ma tsaꞌamuk yoꞌtanike. Teꞌ me ya xkꞌo yokꞌetay sba a sok teꞌ me xkꞌo xkꞌuxilan ye a —xchi te Jesuse.

San Mateo 7:12

“Jaꞌ yuꞌun spisil te tut ya skꞌan awoꞌtanik ya spasbelex yuꞌun te yane, jich me xꞌapasbey euk. Yuꞌun jich ay te tut ya yal te mantaliletik yuꞌun Moises sok te tut yaloj jilel te jꞌalwanejetik yuꞌun te Diose.

San Lucas 6:31

Te tut ya skꞌan awoꞌtanik te ya spasbelex yuꞌun te yane, jich me xꞌapasbeyik euk.

San Juan 13:13

Te jaꞌexe ya awalbikon: “Maestro” y “Kajwal”. Ay rason te jich ya awalike, yuꞌun joꞌon a nix a.

Hechos 10:34

Te jPedroe jicha lijk yal: —Te ora to kꞌotix ta koꞌtan te batsꞌi jich te Dios pajal ya yil spisil te genteetike.

Romanos 2:11

Porke te Diose ma yauk nax ya stsa ta jtul ta cheb.

1 Corintios 1:2

ya jtsꞌibabeyex te karta to jaꞌex te hermanoetik tsobilex yuꞌun Dios te ayex ta jtejklum Corintoe, te ikꞌtalanbilex yuꞌun te Diose ta skuenta Cristo Jesus. Dios la yikꞌex te lek ya xꞌanex te jtejklum yuꞌunex sok spisil ta bayuk te machꞌatik ya yalbeyikix kola yal te Kajwaltik Jesucristoe. Jaꞌ Kajwaltikix te joꞌotike y sok euk te yanetike.

1 Corintios 7:22

Yuꞌun teme ay machꞌa ay ta mosoil a te kꞌalal ikꞌot ta xchꞌuunel te Kajwaltike, te ora to libre ayix ta winikil te ya xtuuntesot yuꞌun te Kajwaltike. Y jaꞌ nax jich te machꞌa libre ay ta winikil a te kꞌalal ikꞌote, te ora to jaꞌ mosoix yuꞌun te Cristoe.

Colosenses 3:25

Pero te machꞌa ma lek tut ya spase, jich mismo ma lekuk te tut ya xꞌakꞌbot yuꞌune. Porke te Diose pajal nax ya yil te gentee.

Colosenses 4:1

Te jaꞌex ajwaliletik, tojukex me y lekukex me sok te amosoike. Naꞌaik me euk te jaꞌexe te ay jtul Awajwalik te ay ta chꞌulchane.

Santiago 2:13

Yuꞌun te machꞌatik te maꞌyuk slekil yoꞌtan yuꞌun te yanetike, jich me maꞌyuk slekil-oꞌtanil yuꞌun Dios ya xꞌichꞌot jkuenta euk. Yan te machꞌatik ay slekil yoꞌtane, lek me ya xlaj lokꞌ kꞌoel te tut ora ya xꞌichꞌot jkuentae.

Santiago 2:8

Te jaꞌex, lek ya apasik teme batsꞌi ya achꞌuunik te tulan mantal, jich tutꞌil la yal te tut tsibabil jilele: “Kꞌux me xꞌawaꞌiy te ajoy ta genteile jich tutꞌil te kꞌux ya awaꞌiy abae”, te xchie.

Santiago 5:4

Te stojol te ma la awaꞌbeyik te genteetik te aꞌtejik ta akosechaike, yipalik ta yalel te ma lekuk tut la apasike. Y te Kajwaltik te spisil ya xjuꞌ yuꞌune, la yaꞌiyix te skꞌopik te jꞌatꞌeletike.