Efesios 6:6 - Nuevo Testamento Tzeltal de Amatenango

⁶ Atꞌejanik ta stojol te awajwale, ma me jaꞌuk nax a te kꞌalal ya yilex ae, swuenta lek akꞌoplal ya xkꞌoex yuꞌun. Jichukex me te tutꞌil yaj-aꞌtel te Cristoe. Pasaik ta spꞌejel awoꞌtanik te tutꞌ ya skꞌan yoꞌtan te Diose.

Bible in Tzeltal Bachajón

⁶ ma ha'uc nax te c'alal yac yilbelat, hich te bin ut'il mach'atic ha nax ya sc'anic te lec sc'oblalic yu'un yantic, hichuquex me te bin ut'il a'batetic yu'un Cristo, ta spisiluc awo'tanic yac apasic te bin ya sc'an yo'tan te Diose.

Bible in Tzeltal de Oxchuc y Tenejapa

⁶ Ac'a abaic ta abatinel, ma yejt'aluc te ya yilexe, jich bit'il te mach'atic ya sc'anic te lec ya x'ilot yu'un te ants-winiquetique. Jichuc me ta awo'tanic te ja' yabatex te Cristoe, socuc me awo'tanic ya apasic te bila ya sc'an yo'tan te Diose.

Efesios 6:6 ပူးပေါင်းရင်းမြစ်များ

San Mateo 12:50

Porke machꞌauk a te ya spas te tut ya skꞌan yoꞌtan te jTat te ay ta chꞌulchane, jaꞌ kitsꞌinab sok jaꞌ jmeꞌ kꞌoem —xchi te Jesuse.

San Mateo 7:21

“Te machꞌatik “Kajwal, Kajwal”, ya yutikone, ma spisiluk ya xꞌochik te ba ay ta mantal te jTatik Diose. Jaꞌ nax ya xꞌochik teꞌa te machꞌatik ya spasbey te tut ya skꞌan yoꞌtan te jTat te ay ta chꞌulchane.

San Marcos 3:35

Machꞌauk a te ya spas te tut ya skꞌan te Diose, jaꞌ kitsꞌin sok jaꞌ jmeꞌ —xchi te Jesuse.

Romanos 6:17

Pero kola yal Dios, te jaꞌex te nail to moso ayex yuꞌun te mulile, achꞌuunejikix ta awoꞌtanik jich tutꞌil te nojpesel te la awichꞌike.

1 Corintios 7:22

Yuꞌun teme ay machꞌa ay ta mosoil a te kꞌalal ikꞌot ta xchꞌuunel te Kajwaltike, te ora to libre ayix ta winikil te ya xtuuntesot yuꞌun te Kajwaltike. Y jaꞌ nax jich te machꞌa libre ay ta winikil a te kꞌalal ikꞌote, te ora to jaꞌ mosoix yuꞌun te Cristoe.

Gálatas 1:10

Te joꞌone ma jaꞌuk ya jle te lek jkꞌoplal yuꞌun te winketike, yuꞌun jaꞌ ya jle te lek jkꞌoplal yuꞌun te Diose. Teme jaꞌ ya jkꞌan te lek ayon sok te winketike, ma joꞌukonix a te yaj-aꞌtelon te Cristoe.

Efesios 5:17

Jaꞌ yuꞌun, ma me yuꞌunuk ma pꞌijukex. Nopaik me te tut skꞌan yoꞌtan te Kajwaltike.

Filipenses 2:12

Jaꞌ yuꞌun, kermanotak te ben kꞌuxex ta koꞌtane, jich tutꞌil la achꞌuunbikon jmantal sil tiempo te kꞌalal joyinejex to aye, te ora to, aunke lom jakal ayon, jich me mas ya skꞌan ya achꞌuunbikon te jmantale. Oꞌtaninaik me te akolelike, xiꞌaik me, nijkꞌuk me te awoꞌtanike.

Colosenses 1:9

Ja yuꞌun te joꞌotike, jaꞌ to kꞌalal la kaꞌiytik te akꞌoplale, maꞌyuk ya jkom jbajtik ta skꞌoponel Dios ta akuentaik. Ya jkꞌanbeytik Dios te ya yaꞌbeyex anaꞌik te tut ya skꞌan yoꞌtane, sok te ya yaꞌbeyex spisil ta jkaj pꞌijilil y ta snaꞌel te tut skuenta te Espiritue.

Colosenses 4:12

Xkoltanukex laj me yuꞌun euk te Epafras te jtul yaj-aꞌtel te Cristo Jesuse, te lokꞌem tal ta awolilike. Sil tiempo ya skꞌoponbeyex Dios ta akuentaik yuꞌun jich me jun awoꞌtanik a, y sok spisiluk awoꞌtanik ya apasik te tut ya skꞌan yoꞌtan te Diose.

1 Tesalonicenses 2:4

Dios lek a yilotik y la yaꞌbotik ta jkuentatik ta yalel te skꞌoplal kolele, jich tutꞌil te ya kaltike. Ma jaꞌuk ya jkꞌantik te lek ya yilotik te gentee; jaꞌ ya jkꞌantik te lek ya yilotik te Diose te jaꞌ ya snaꞌbotik tutꞌil ay te koꞌtantike.

1 Tesalonicenses 4:3

Te tut ya skꞌan te Diose jaꞌ te maꞌyuk amulik ya xkuxuyinex ta skuentae, sok te ma me ayuk machꞌa ya sꞌantsiweje.

Hebreos 10:36

Te jaꞌexe puersa ya skꞌan xjuꞌ awuꞌunik te wokole, yuꞌun jaꞌ ya apasik te tut ya skꞌan yoꞌtan te Diose y jich ya awichꞌik te tut a te stukel yaloje.

Hebreos 13:21

Jaꞌ me ya stojutesex ta spasel spisil te tut lek ya apasike, jich tutꞌil ya skꞌan yoꞌtan stukele. Sok jaꞌ a spasbotik te tut ya skꞌan stukele, ta skuenta te Jesucristoe. ¡Ay slekilal sbajtel kꞌinal stukel te Cristoe! Jichuk.

1 Pedro 2:15

Porke Dios ya skꞌan te lek te tut ya apasik te jaꞌexe, yuꞌun te machꞌatik maꞌyuk tut ya snaꞌike y sok te machꞌatik maꞌyuk spꞌijilike ma xwejt tut ya yalbeyex te ya skontrainex te jaꞌexe.

1 Pedro 4:2

Yuꞌun jich ya xkuxuyin te jayeb xan kꞌaal kuxul jich tutꞌil ya skꞌan yoꞌtan te Diose, y ma jaꞌuk te tut ya skꞌan te stiꞌbalule.

1 Juan 2:17

Pero te balmilale yipal bael ta lajel, y sok spisil te tut ma lekuk ta kꞌanele. Yan te machꞌa jaꞌ ya spasbe te tut ya skꞌan yoꞌtan te Diose, ya xkuxuyin sbajtel kꞌinal stukel.