Efesios 6:14 - Nuevo Testamento Tzeltal de Amatenango

¹⁴ Jich yuꞌun, tulan me xꞌawakꞌ abaik. Jaꞌuk xchujkil achꞌujtik te tut batsꞌi jiche, y jaꞌuk me smajkil awoꞌtanik te tut stojile.

Bible in Tzeltal Bachajón

¹⁴ Tehc'ana abahic hiche, chuca ach'uhtic ta smelelil c'op, lapa smahquil atahnic ta toj-o'tanil,

Bible in Tzeltal de Oxchuc y Tenejapa

¹⁴ Jich yu'un chapaluquex me ta lec: Chuca me ach'ujt'ic a te bila smelelile. C'u'inaic me te smajq'uil awo'tanique, ja' te toj-o'tanile.

Efesios 6:14 ပူးပေါင်းရင်းမြစ်များ

San Lucas 12:35

Chapalukex me sil tiempo sok tilemuk akꞌajkꞌik kꞌoem.

Romanos 13:12

Te ajkꞌubale lom kꞌaxemix bael y tijilix ay tal te kꞌajkꞌaltike. Jaꞌ yuꞌun ya skꞌan ya jilestikix te tutik ay ta pasel ta ijkꞌal kꞌinale. Ya skꞌan ya jchap jbajtik yuꞌun te sakil kꞌinale jich tutꞌil jtul soltaro te lek xchapoj sba sok te smajkile sok yaꞌtajibe.

2 Corintios 6:7

sok te lekuk ya xkꞌopojotik te tut batsꞌi jiche, y sok te ay spoder Dios ta jtojoltike. Aꞌ tuunuk kuꞌuntik te tut ya jkoltay jbajtik ae, jaꞌ te toj ayotike, te jaꞌ ya xtuun kuꞌuntik te ya kaꞌiytik tsalaw a sok te ya jmak jbatik a.

Efesios 5:9

Yuꞌun te sakil kꞌinale jaꞌ ya yakꞌ xlokꞌ spisil te ay slekil-oꞌtanile sok tut stojil aye sok te tut batsꞌi jiche.

Efesios 6:13

Jaꞌ yuꞌun, ichꞌaik spisil te amajkilik te yakꞌojbeyex te Diose, yuꞌun jich me ya xjuꞌ awuꞌunik te ya akoltay aba te tut kꞌaalil te ma lekuke. sok jich ya xjuꞌ awuꞌunik te tulan ya atejkꞌan abaik, yuꞌun te chapalex ta leke.

1 Tesalonicenses 5:8

Pero te joꞌotik te ayotik ta kꞌajkꞌaltike, ya skꞌan te siluk tiempo pꞌij ayotike. Ya skꞌan te jaꞌ ya jkoltay jbatik a ta skuenta te xchꞌuunel koꞌtantik y sok te skꞌuxul koꞌtantike. Y ya skꞌan ya jmak jbajtik jich tutꞌil jun kasko, jaꞌ te ay smukꞌul koꞌtanik yuꞌun te kolele.

1 Pedro 1:13

Jaꞌ yuꞌun chapalukex me sok kuxuluk me awoꞌtanik. Spꞌejeluk me awoꞌtanik ya amaliyik te tut ya xba yaꞌbeyex Dios ta slekil yoꞌtan te kꞌalal ya xchiknaj tal te Jesucristoe.

Apocalipsis 9:17

Jich yilel te kawuetik sok te machꞌatik moemik aye te la yaꞌbelon kile: Te machꞌatik moemik aye smakojik te stiꞌ yoꞌtane ta jun smajkil te pajal sok yilel te kꞌajkꞌe: asultik sba sok kꞌankꞌantik sba. Te sjol te kawuetike jachik tutꞌil sjol choj, y ta stiꞌ ya xlokꞌ kꞌajkꞌ a sok chꞌail y sok asufre.

Apocalipsis 9:9

Te stiꞌbalulike maktalanbil ta pasbil takꞌin. Xpumumet nax te yokꞌel xikꞌike, jachik tutꞌil bayal karretaetik te nitbil ta kawuetik te kꞌalal ya xbajt ta guerrae.