Efesios 6:13 - Nuevo Testamento Tzeltal de Amatenango

¹³ Jaꞌ yuꞌun, ichꞌaik spisil te amajkilik te yakꞌojbeyex te Diose, yuꞌun jich me ya xjuꞌ awuꞌunik te ya akoltay aba te tut kꞌaalil te ma lekuke. sok jich ya xjuꞌ awuꞌunik te tulan ya atejkꞌan abaik, yuꞌun te chapalex ta leke.

Bible in Tzeltal Bachajón

¹³ Ha yu'un ich'ahic spisil te a'tejibaletic yu'un Dios, scuenta yu'un hich ya xcuhch awu'unic ta yorahil a te bin chopol, soc teme hu' awu'unic spisil, hich jun awo'tanic c'alal slajibal.

Bible in Tzeltal de Oxchuc y Tenejapa

¹³ Jich yu'un ya sc'an ya awich'ic spisil amajq'uilic yu'un te Diose, swenta yu'un jich me ya xju' awu'unic stsalel te bi c'aalil te ay awocolic yu'une. Jich ta patil te c'alal chapalexix ae, jich me ay yip awo'tanic ta lec.

Efesios 6:13 ပူးပေါင်းရင်းမြစ်များ

San Lucas 21:36

Chapalukex me te jaꞌexe. Kꞌoponaik me Dios ta sil tiempo. Yuꞌun jich me ya xkolex lokꞌel a ta spisil te tutik ya xkꞌot ta pasele, y yuꞌun jich me ya xjuꞌ ya atejkꞌan abaik ta sit te Nichꞌanile —xchi te Jesuse.

San Lucas 8:13

Te tsꞌunubil te kꞌot ta ba tontikile jaꞌ skꞌoplal te machꞌatik ben jun yoꞌtanik ya xchꞌuunik te skꞌop Diose, pero ma sꞌismaj ta yoꞌtanik. Yal cheꞌoxeꞌ kaal ya xchꞌuunik, te kꞌalal ya xtal ta stojolik te prewae, ora ya xchebaj yoꞌtanik yuꞌun.

Romanos 13:12

Te ajkꞌubale lom kꞌaxemix bael y tijilix ay tal te kꞌajkꞌaltike. Jaꞌ yuꞌun ya skꞌan ya jilestikix te tutik ay ta pasel ta ijkꞌal kꞌinale. Ya skꞌan ya jchap jbajtik yuꞌun te sakil kꞌinale jich tutꞌil jtul soltaro te lek xchapoj sba sok te smajkile sok yaꞌtajibe.

2 Corintios 10:4

Te tut ya jmak jbajtik aye, ma pajaluk sok te tut skuenta balmilale. Yuꞌun jaꞌ ta spoder te Diose te ya xjuꞌ ya jimtik a te tut wokol ta jimele. Y jich ya jimtik a te leel ta mulile.

Efesios 5:16

Tuuntesaik lek te tiempoe. Porke te jujun kꞌaale ay me tut ma lekuk a.

Efesios 5:6

Ma me machꞌa wakꞌ sloꞌlayex te kꞌopetik te jowil naxe. Porke ta skaj te muliletik to te ya xtal te kastigo yuꞌun Dios ta skuenta te machꞌatik ma xchꞌuunbeyik te smantale.

Colosenses 4:12

Xkoltanukex laj me yuꞌun euk te Epafras te jtul yaj-aꞌtel te Cristo Jesuse, te lokꞌem tal ta awolilike. Sil tiempo ya skꞌoponbeyex Dios ta akuentaik yuꞌun jich me jun awoꞌtanik a, y sok spisiluk awoꞌtanik ya apasik te tut ya skꞌan yoꞌtan te Diose.

Santiago 4:7

Jaꞌ yuꞌun, aꞌ me abaik ta skꞌab te Diose. Pꞌajaik me te pukuje, y ya me xlok bael ta anel ta atojolik.

1 Pedro 4:1

Jaꞌ yuꞌun, jachik tutꞌil kꞌax swokol ta stiꞌbalul te Cristoe, jich euk te jaꞌexe ya skꞌan te junuk awoꞌtanik te ya awilik wokole. Yuꞌun te machꞌa ya xkꞌax swokol ta stiꞌbalule, teꞌ chꞌayix jil a te smule.

Apocalipsis 3:10

“Apasoj kumplir te mantaliletik kuꞌune te jun awoꞌtan ya atsꞌik awokole, y jaꞌ yuꞌun joꞌon ya jkꞌejat a te tut ora ya xtal te prewa ta stojol ta spisil te balmilale, yuꞌun te ya spasot ta prewa a ta spisil te machꞌatik kuxajtik ta balmilale.

Apocalipsis 6:17

Porke la staix skꞌaalel te tulan kastigoe, ¿y machꞌa kꞌan juꞌuk yuꞌun? xchiik.