Efesios 6:10 - Nuevo Testamento Tzeltal de Amatenango

¹⁰ Y te ora to, kermanotak, tulan xꞌawakꞌ abaik te jun nax ayex sok te Kajwaltike ta skuenta te spuersa spodere.

Bible in Tzeltal Bachajón

¹⁰ Scuenta slajibal, ich'a me yip awo'tanic ta scuenta te Cajwaltic soc te yu'ele.

Bible in Tzeltal de Oxchuc y Tenejapa

¹⁰ Lec ay, quermanotac, ich'aic me yip awo'tanic ta swenta te Cajwaltique. Yu'un ja' nax ta swenta yip yu'el te ya xju' cu'untique.

Efesios 6:10 ပူးပေါင်းရင်းမြစ်များ

1 Corintios 16:13

Kuxa me awoꞌtanik y junuk me awoꞌtanik ta xchꞌuunel te Cristoe. Pasaik me winikil, y ayuk me spuersa awoꞌtanik.

2 Corintios 13:11

Ta slajibal, kermanotak, ya jkꞌan te junuk awoꞌtanik ayexe, y te ya aleik te ya xtojob akuxlejalike. Aꞌbeya abaik spuersa awoꞌtanik y junuk awoꞌtan abaik, y bujtsꞌanuk me kꞌinal. Aꞌ me sjoyinex te Dios te ay slekil yoꞌtan y sok te ay bujtsꞌan kꞌinal yuꞌune.

Efesios 1:19

Y kꞌax mukꞌ y maꞌyuk slajibal te spodere te ya xꞌaꞌtej ta jtojoltik, joꞌotik te jchꞌuunejtike. Te spoder to jaꞌ mismo te la yakꞌ ta ilel te Dios sok bayal spuersae

Efesios 3:16

Ya jkꞌanbe te ya yaꞌbeyex ta awoꞌtanik te slekilal stsaꞌamule sok apuersaik sok apoderik ta skuenta te Espíritu yuꞌune.

Filipenses 3:1

Jich yuꞌun, kermanotak, junuk me awoꞌtanik ta skuenta te Kajwaltike. Yuꞌun ma wokoluk ya kaꞌiy te ya jchaꞌalonbeyex xan te tut la jtsꞌibabeyexe, yuꞌun jich me ya ataik koltayel a.

Filipenses 4:13

Ta spisil ya xjuꞌ kuꞌun ta skuenta Cristo te jaꞌ ya skoltayone.

Filipenses 4:8

Ta slajibal kermanotak, jaꞌ xꞌanopik spisil te tut batsꞌi jiche, sok ta spisil te tut tsaꞌam ta alele: jaꞌ bi jaꞌ spisil te tut toje, ta spisil te tut leke, ta spisil te tut lek skꞌoplale, sok ta spisil te tut lek ta nopele. Nopaik ta spisil te tut ben leke y sok te tut ben tsaꞌame.

Colosenses 1:11

Ya jkꞌanbetik stukel te jaꞌ ya yaꞌbeyex apuersaike ta skuenta te stsaꞌamul spodere. Jich ya xjuꞌ awuꞌunik te ya xkujch awuꞌunik ta spisil yuꞌun te spuersa awoꞌtanike sok yuꞌun te apasensiae.

2 Timoteo 2:1

Y te jaꞌat, te jnichꞌanat ta koꞌtane, tulan me xꞌawakꞌ aba yuꞌun te ayat ta koltayel yuꞌun te Cristo Jesuse.

2 Timoteo 4:17

Pero te Kajwaltike la skoltayon y la yaꞌbon jpuersa. Jich a juꞌ kuꞌun yalel te skꞌoplal kolele, y jich a yaꞌiyik spisil te genteetike. Jich te Kajwaltike la skoltayon te ba ay chojetik te ya xtiꞌawane.

1 Pedro 3:8

Ta slajibal ya kalbeyex: Junuk me awoꞌtan abaik ta apisilik, sok junuk nax me te tut ya anopike. Kꞌuxuk me ya awaꞌiy abaik te tutꞌil te awermano abaike. Ayuk me slekil awoꞌtanik y benuk me chꞌunulex.

1 Pedro 4:11

Te machꞌa ay smajtan te ya xkꞌopoje, a me yal te tut yaloj te Diose. Te machꞌa ya snaꞌ mantaltesele, a me yakꞌ sba ta mantaltesel sok te spuersa te ya xꞌaꞌbot yuꞌun te Diose. Spisil te tut ya apasike, pasaik skuenta yuꞌun jich me lek ya xꞌalbot skꞌoplal a te Diose ta skuenta te Jesucristoe. Jaꞌ te machꞌa ay slekilal sok te ay spoder sbajtel kꞌinale. Jichuk.

1 Pedro 5:10

Pero ta patil te ay awokolik cheꞌoxeb nax kꞌaale te jaꞌexe, Dios me ya yakꞌ xjuꞌ awuꞌunik ta lek. Ya me sjunutesbeyex awoꞌtanik sok ya me yaꞌbeyex yip awoꞌtanik sok jun awoꞌtanik. Ben bayal slekil yoꞌtan te Diose te la yikꞌotik yuꞌun ya kichꞌtik te slekilal sbajtel kꞌinal, te jun nax ayotik sok te Jesucristoe.

1 Juan 2:14

La jtsꞌibabeyex ta akuentaik, meꞌil-tatiletik, porke la anaꞌbeyikix sba te Machꞌa ayix a desde ta slijkibale. La jtsibabeyex euk te jaꞌexe, biktal kermetik, porke ay yip awoꞌtanik y la achꞌuunikix te skꞌop Dios ta awoꞌtanike, sok la atsalikix te pukuje.