Efesios 5:8 - Nuevo Testamento Tzeltal de Amatenango

⁸ Porke te ay tal kꞌaale ayex ta ijkꞌal kꞌinal, pero te ora to, yuꞌun te jun nax ayexix sok te Kajwaltike, ayexix ta sakil kꞌinal, jich me xꞌanex tutꞌil te machꞌatik ayix ta skuenta te sakil kꞌinale.

Bible in Tzeltal Bachajón

⁸ Como ta nahil to ha'ex yihc'al q'uinalex, pero ta ora ini ha'ex sacal q'uinalex ta scuenta Cajwaltic; hich me ac'a ayinuquex te bin ut'il yal-snich'nab te sacal q'uinale,

Bible in Tzeltal de Oxchuc y Tenejapa

⁸ Melel ta neelal to ainemex ta ijc' q'uinal te ja'exe. Yan ta ora to sacuben q'uinal awu'unic ta swenta te Cajwaltique. Jich me xcuxinex te bit'il mach'atic yal-snich'an te saquil q'uinale.

Efesios 5:8 ပူးပေါင်းရင်းမြစ်များ

San Mateo 3:8

Aꞌ me chiknajuk ta ilel ta jamal ta skuenta awaꞌtelik te tutꞌil sujtemix awoꞌtanik ta stojol te Kajwaltike. Ma me xꞌawalik: “Te joꞌotike stsꞌumbalotik jꞌAbraham”, ma me xchiukex.

San Mateo 4:16

te jtejklum teꞌa te ayik ta ijkꞌal kꞌinale tilemix mukꞌul lus ta skuentaik. Jun mukꞌul lus te tilemix ta skuentaik te machꞌatik ay ta skuenta kastigoe”, xchi me.

San Lucas 1:79

Ya me yakꞌ sakubuk kꞌinal ta stojol te machꞌatik ayik ta ijkꞌal kꞌinal sok ayik ta yaxinal lajele. Sok ya me stojutesotik bael ta sbelel te sbujtsꞌan kꞌinale —xchi te Zacariase.

San Lucas 16:8

“Te yajwale la snaꞌbe sluwar. Jich a yal: “Te jkanan ma tsaꞌamuke ay spꞌijil yuꞌun te tutik ya spase”, xchi yuꞌun. Jich te machꞌatik ayik ta skuenta te balmilal to, mas ay spꞌijilik ta xchapel sbaik stukelik ke te machꞌatik ayikix ta sakil kꞌinale.

San Juan 1:9

Te machꞌa batsꞌi sakil kꞌinal te ya xtil ta stojol spisil te genteetike, ya xtalix ta balmilal.

San Juan 12:35

Te Jesuse la yaltalanbe: —Ay to me ta awolilik te machꞌa sakuben kꞌinal yuꞌune. Pero ma jaluk xan kꞌaal te ya ajoyinike. Benanik me yuꞌun liꞌ to xan me ay te sakil kꞌinal ta atojolike. Yuꞌun ma me xchꞌayemuk awoꞌtanik ya staex te ijkꞌal kꞌinale. Porke te machꞌa ya xbeen ta ijkꞌal kꞌinale ma snaꞌ ba ya xbajt.

San Juan 12:36

Chꞌuunaik me te sakil kꞌinale yuꞌun liꞌ to xan me ay awuꞌunik to, yuꞌun jich me yuꞌun ya xkꞌoex te sakil kꞌinale —xchi te Jesuse. Ta patil kꞌalal laj yoꞌtan te yalel to, bajt te Jesuse. Ma yilik ba bajt.

San Juan 12:46

Joꞌon te sakil kꞌinal te talemon ta balmilale. Te machꞌa ya xchꞌuuunone makꞌ xjilix ta ijkꞌal kꞌinal.

San Juan 8:12

Te Jesuse chaꞌsujt xan bael te ba ay te gentee. Jich a yal: —Joꞌon sakil kꞌinalon yuꞌun te genteetik ta balmilale. Te machꞌa ya stsꞌakliyone yichꞌojix te sakil kꞌinal te ya yakꞌ kuxlejale, y ni makꞌ xbeenix ta ijkꞌal kꞌinal —xchi te Jesuse.

Hechos 17:30

Te Diose maꞌyuk tuti yal yuꞌun te jich yipal kꞌaal ayikix tal ta spasel te gente te ma snaꞌbe sluware. Yan te ora to ya spasix ta mantal spisil genteetik ta bayuk te ya sujtes yoꞌtanik ta stojole.

Hechos 26:18

Yuꞌun ya xba awikꞌtalanbe sit, jich makꞌ xbeenikix ta ijkꞌal kꞌinal a, ta sakil kꞌinal xlaj beenix a. Yuꞌun ma sigueuk ya xjapuyot yuꞌun a te pukuje, jaꞌ ya xjapuyotix yuꞌun a te Diose. Yuꞌun teme la xchꞌuunikone, jich me ya staik perdon yuꞌun a te smulike. Sok ya me kakꞌ ayinuk te ba aylan te chꞌul jtejklum yuꞌun Diose”, xyuton te Jesuse.

Romanos 1:21

Manchuk me ya snaꞌbeyik sba te Diose, pero ma xyakꞌik ta jkuenta te tutꞌil Diose, ni ma xyalbeyik kolayal. Jip juꞌem yuꞌunik nopilanel te puru nax ma tsaꞌamuke. Te yoꞌtanike ay ta ijkꞌal kꞌinal.

Romanos 13:12

Te ajkꞌubale lom kꞌaxemix bael y tijilix ay tal te kꞌajkꞌaltike. Jaꞌ yuꞌun ya skꞌan ya jilestikix te tutik ay ta pasel ta ijkꞌal kꞌinale. Ya skꞌan ya jchap jbajtik yuꞌun te sakil kꞌinale jich tutꞌil jtul soltaro te lek xchapoj sba sok te smajkile sok yaꞌtajibe.

Romanos 2:19

Jaꞌ ya awal te ya xjuꞌ awuꞌun stojotesel te machꞌatik ma xyil kꞌinale; y ya awaꞌbe yil kꞌinal te machꞌatik ya xbeenik ta ijkꞌal kꞌinale.

1 Corintios 1:30

Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

2 Corintios 3:18

Jaꞌ yuꞌun, jpisiltik joꞌotik maꞌyukix pakꞌ te ya smakbotik jsit-kelawtike. Jachikotik xanix tutꞌil jun espejo te xlemet yuꞌun stsaꞌamul te Kajwaltike. Y yipalotik ta yanejel jich mismo tutꞌ steklejal te kichꞌojbetik mas te slekilale. Yuꞌun jich yaꞌtel te Kajwaltike, te Espíritu stukele.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

2 Corintios 6:14

Ma me pajaluk ayukik sok te machꞌa ma xchꞌuunejuk Diose. Te machꞌa toj yoꞌtane, ¿tutꞌil jun kꞌan anuk sok te machꞌa ma tojuk yoꞌtane? O jich tutꞌil sakil kꞌinal, ma spas te ya sta sba sok te ijkꞌal kꞌinale.

Gálatas 5:25

Te ora to teme kuxulotikix ta skuenta te Espiritue, aꞌ kakꞌ jbajtik te ya stojutesotike.

Efesios 2:2

yuꞌun jaꞌ atamojik te tut skuenta te balmilal to, y jaꞌ la apasbeyik te tut ya skꞌan yoꞌtan te espíritu te ya xmantalaje te ikꞌ nax aye, sok te jaꞌ ya yaꞌbe spuersa yoꞌtan te machꞌatik ya xkꞌaxintaybeyik smantal te Diose.

Efesios 4:18

sok te ijkꞌuben ay te yoꞌtanike. Te stukelike makꞌ skꞌupinik te xkuxlejalik te ya xtal ta stojol te Diose. Porke yuꞌun ma snaꞌik kꞌinal ta skaj te stulanil yoꞌtanike.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

Efesios 6:12

Porke ma jaꞌuk ya jtsal jbajtik sok te gente te pajal genteotik soke. Yuꞌun jaꞌ ya jtsal jbajtik sok te spuersa pukujetik te ma tsaꞌamuk yaꞌtele. Jaꞌik ya xmantalejik, ay yaꞌtelik, y ya skuentainik te balmilal to te ay ta ijkꞌal kꞌinale.

Colosenses 1:12

Sok jich me xꞌawalbeyik kola yal sok sbujts awoꞌtanik te Jtatik Diose, te jaꞌ xchapojex yuꞌun ya awichꞌik te ba sakil kꞌinal te majtanil te stukel ya yaꞌbe te machꞌatik jtejklumix yuꞌune.

Colosenses 1:13

Dios la yakꞌotik ta libre yuꞌun te spuersa te ijkꞌal kꞌinale. Y la yikꞌotik bael te ba ay ta ajwalil te Xnichꞌan te ben kꞌux ta yoꞌtane,

Tito 3:3

Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.