Efesios 5:29 - Nuevo Testamento Tzeltal de Amatenango

²⁹ Porke maꞌyuk machꞌa ya spꞌaj te stiꞌbalule. Ya smaklin sok ya skanantay, jich tutꞌil Cristo te ya spasbe te hermanoetike.

Bible in Tzeltal Bachajón

²⁹ como mayuc mach'a ya sp'aj te sbaq'uetal, ya smac'lin soc ya scanantay, hich te bin ut'il ya spas Cristo ta stojol te iglesia,

Bible in Tzeltal de Oxchuc y Tenejapa

²⁹ Melel jtul ma'yuc mach'a ya sp'aj te sbaq'uetale. Ya smac'lin soc ya scanantay. Ja' nanix jich ya spas te Cristo ta stojol te jch'uunjeletique,

Efesios 5:29 ပူးပေါင်းရင်းမြစ်များ

San Mateo 23:37

“Jaꞌex jtejklum Jerusalen te kꞌayemex ta smilel te alwanejetik yuꞌun te Diose sok te kꞌayemex ta swolel ta ton te machꞌatik Dios ya stikombeyex tal ta kꞌop ta atojolike. Bayal buelta te kꞌan jtsobex sok te awuntikilike, jich tutꞌil te mut te ya slutsꞌ ta yanil xikꞌ te xchꞌinik yale, pero ma la akꞌanik.

San Mateo 6:26

Ilawilik te tut kuxulik te teꞌtikil mute. Ni makꞌ stsꞌunbajik, ni makꞌ xkꞌajojinik, ni maꞌyuk yawil yiximik. Pero to ya kalbeyex, te jTatik te ay ta chꞌulchane ya smakꞌlin spisil. Te jaꞌexe mas tulan akꞌoplalik ke te teꞌtikil mute.

Romanos 1:31

Ma skꞌan xyaꞌiyik, sok ma xjichub yuꞌun te tut ya yalike. Maꞌyuk machꞌa kꞌux ya yaꞌiy ta yoꞌtanik, ma snaꞌik spasel perdon; ma snaꞌik kꞌuxutawanej.

Efesios 5:28

Jich tutꞌil te mamlalile ya xkꞌuxutay te stiꞌbalule, jich ya skꞌan xkꞌuxutay ekꞌa te yiname. Te machꞌa ya xkꞌuxutay te yiname, stukel mismo ya xkꞌuxutay sba.

Efesios 5:30

Porke jaꞌ stiꞌbalul kꞌoem y joꞌotik stiꞌbalulotik kꞌoem ekꞌa.

Efesios 5:31

Jich tutꞌil ya yal te Sjun Diose: “Jaꞌ yuꞌun te winike ya sjiles te smeꞌ-state yuꞌun jun nax ya xkꞌot sok te yiname, y ta xchebalik jun nax ya xkꞌot”, xchi me.