Efesios 5:25 - Nuevo Testamento Tzeltal de Amatenango

²⁵ Mamlaliletik, kꞌuxutayaik me lek te awinamike jich tutꞌil Cristo te lek xkuxutayej te hermanoetik y te la yakꞌ xkuxlejal yuꞌunike.

Bible in Tzeltal Bachajón

²⁵ Winiquetic, c'ux me xawa'iy ta awo'tanic te awihnamic, hich te bin ut'il c'ux ta yo'tan Cristo te iglesia soc te la yac' sba ta lajel ta scuenta,

Bible in Tzeltal de Oxchuc y Tenejapa

²⁵ Winiquetic, te nujbinemexe, c'ux me x'awaiy ta awo'tanic te awinamique; jich bit'il te Cristoe, c'ux la yaiy ta yo'tan te jch'uunjeletique. Melel la yac' sba ta lajel yu'unic.

Efesios 5:25 ပူးပေါင်းရင်းမြစ်များ

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Juan 6:51

Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Gálatas 1:4

Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

Efesios 5:24

Y jich tutꞌil te hermanoetik te jaꞌ xchꞌuunejbe smantal te Cristoe, jich euk te antstik te ay smamlalike ya skꞌan te spisil ya xchꞌuunbe smantal te smamlalike.

Efesios 5:28

Jich tutꞌil te mamlalile ya xkꞌuxutay te stiꞌbalule, jich ya skꞌan xkꞌuxutay ekꞌa te yiname. Te machꞌa ya xkꞌuxutay te yiname, stukel mismo ya xkꞌuxutay sba.

Efesios 5:33

Jaꞌ yuꞌun ta juju-tulex te jaꞌexe, kꞌuxutaya me te awinamike jich tutꞌil kꞌux ya awaꞌiy aba atukele. Y jich te antse, a me yakꞌ ta jkuenta te smamlale.

Colosenses 3:19

Mamlaliletik, kꞌuxutayaik me te awinamike. Ma me awelutayik ta kꞌop.

1 Timoteo 2:6

Porke te Jesucristoe la yakꞌ sba entregal ta milel yuꞌun la stojbe stojol skolel ta spisil, jich tutꞌil te albil skꞌoplal te kꞌalal la sta skꞌaalele.

1 Pedro 3:7

Jich euk te jaꞌexe, mamlaliletik, naꞌaik me tutꞌ kuxulex sok te awinamike. Akꞌaik me ta jkuenta te tutꞌil ya skꞌane. Naꞌaik me te antse chꞌin nax me staelik. Sok naꞌaik me euk te ta skuenta slekil yoꞌtan te Diose te jich altalanbil jilel euk te jich ya xꞌaꞌbot xkuxlejal te antstik jich mismo tutꞌil jaꞌexe. Jich me xꞌapasik yuꞌun ma me ayuk tut ya smakex a te ya akꞌoponik te Diose.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.