Efesios 5:20 - Nuevo Testamento Tzeltal de Amatenango

²⁰ Y albeyaik sil tiempo kola yal Dios te Tatil yuꞌun spisil te tutik ay ta skuenta te Kajwaltik Jesucristoe.

Bible in Tzeltal Bachajón

²⁰ spisil ora halbeyahic wocol te Jtatic Dios yu'un spisil, ta scuenta sbihil te Cajwaltic Jesucristo.

Bible in Tzeltal de Oxchuc y Tenejapa

²⁰ Spisil te bila yac'ojbeyex te Jtatic Diose albeyaic wocol ta swenta sbiil te Cajwaltic Jesucristoe.

Efesios 5:20 ပူးပေါင်းရင်းမြစ်များ

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

Hechos 5:41

Te apostoletike lokꞌik bael te ba stsoboj sbaik te machꞌaik ay yaꞌtele. Ben kontentoik yuꞌun, porke Dios jich a skꞌan te kꞌax swokolik ta ilbajinel ta skaj te Jesuse.

Romanos 1:8

Te primeroe, ta skuenta te Jesucristoe, ya kalbe kolayal te Dios kuꞌune ta juju-tul te jaꞌexe, porke ta bayuk ya xꞌalot te achꞌuunejikixe.

1 Corintios 1:4

Sil tiempo ya kalbe kola yal Dios ta atojolik, yuꞌun te slekil yoꞌtan Dios la yaꞌbeyex ta skuenta te Cristo Jesuse.

1 Corintios 15:24

Teꞌ nax a jaꞌix a te slajibal kꞌaale. Te kꞌalal Cristo ya slajinbe spisil yaꞌtel te machꞌatik tulan yaꞌtelik sok te ay spuersaike, y ya yaꞌbe entregal ta stojol te Dios Tatile te yaꞌtel yichꞌoj ta ajwalile.

Efesios 5:4

Sok ma xꞌawalikix te bol kꞌopetike sok te tut puru lote te ma xtuune. Mas jaꞌ lek albeyaik kola yal te Diose.

Filipenses 1:3

Ya kalbe kola yal Dios awuꞌunik ta juju-mel te ya jnaꞌexe,

Filipenses 4:6

Ma me tut ya yakꞌ yajtal awoꞌtanik yuꞌun. Jaꞌ ya skꞌan ya akꞌoponik Dios yuꞌun ta spisil te tut ya xtuun awuꞌun, y albeyaik kolayal ekꞌa.

Colosenses 3:17

Y spisil te tut ya apasike o ya awalike, pasaik ta skuenta te Kajwaltik Jesuse. Sok albeyaik kola yal Dios te Tatil ta skuenta te Jesuse.

1 Tesalonicenses 3:9

Ta ora to ya skꞌan ya kalbetik bayal kola yal te Diose yuꞌun te jaꞌexe. Ben jun koꞌtantik awuꞌunik ta skuenta te Kajwaltik Diose.

1 Tesalonicenses 5:18

Albeyaik kola yal Dios yuꞌun ta spisil, porke jich ya skꞌan yoꞌtan stukel te Diose te tutꞌil achꞌuunejik te Cristo Jesuse.

2 Tesalonicenses 1:3

Kermanotak, sil tiempo ya skꞌan kalbetik kola yal Dios yuꞌun te jaꞌexe. Jaꞌ lek te jich ya jpastike porke te xchꞌuunel awoꞌtanike yipal ta mukꞌubel, y te xkꞌuxul awoꞌtanik te ay awuꞌunik ta juju-tule yipal ta mukꞌubel ta stojol te yanetike.

2 Tesalonicenses 2:13

Pero te joꞌotike sil tiempo ya skꞌan kalbetik kola yal Dios ta akuentaik, kermanotak te ben kꞌuxex ta koꞌtan ta skuenta te Kajwaltike. Porke Dios a stsaex yuꞌun jich me nail ya kꞌo ataik te kolel ta skuenta te Espíritu ya slekutesexe, sok ta skuenta te tut batsꞌi jich te la achꞌuunikixe.

Hebreos 13:15

Jaꞌ yuꞌun ya skꞌan jkꞌayojintik sil tiempo te Dios ta skuenta te Jesucristoe. Te kꞌayoj to jaꞌ smajtan Dios ya skꞌan kaꞌbetik. ¡A me jkꞌayojintik sok jtiꞌtik!

1 Pedro 2:5

Jachikex euk, Dios ya yakꞌex tutꞌil kuxul tonetik, yipalex ta tejkꞌanel ta jun na ta skuenta te Espiritue. Lekil saserdoteukex me, yuꞌun ta skuenta te Jesucristoe, jaꞌ awaꞌtelik te ya awaꞌbeyik milbil smajtan ta skuenta te Espiritue te lek ya yil te Diose.

1 Pedro 4:11

Te machꞌa ay smajtan te ya xkꞌopoje, a me yal te tut yaloj te Diose. Te machꞌa ya snaꞌ mantaltesele, a me yakꞌ sba ta mantaltesel sok te spuersa te ya xꞌaꞌbot yuꞌun te Diose. Spisil te tut ya apasike, pasaik skuenta yuꞌun jich me lek ya xꞌalbot skꞌoplal a te Diose ta skuenta te Jesucristoe. Jaꞌ te machꞌa ay slekilal sok te ay spoder sbajtel kꞌinale. Jichuk.