Efesios 5:2 - Nuevo Testamento Tzeltal de Amatenango

² Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

Bible in Tzeltal Bachajón

² C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

Bible in Tzeltal de Oxchuc y Tenejapa

² C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Efesios 5:2 ပူးပေါင်းရင်းမြစ်များ

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Juan 13:34

Ya kaꞌbeyex te achꞌ mantal to: Te kꞌux me xꞌawaꞌi abaik ta juju-tule, jich te tutꞌil kꞌux a kaꞌiyexe, jich me kꞌux ya awaꞌi abaik ta juju-tul te jaꞌexe.

San Juan 6:51

Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

Romanos 15:16

Jaꞌ kaꞌtel te ya xtuunon yuꞌun te Jesucristoe yuꞌun slekil a te machꞌatik ma juriyouke. Jich yabatinejon ta yalel skꞌoplal te kolel ya sjapbotik te Diose, yuꞌun jich me ya kikꞌ tal ochel ta stojol Dios te machꞌatik ma juriyouke. Jaꞌ smajtan Dios te ben tsaꞌam ya yil te lekutesbilix yuꞌun te Chꞌul Espiritue.

Romanos 4:25

te akꞌot entregal ta lajel yuꞌun te jmultike y chaꞌkux tal yuꞌun ya yakꞌotik ta libre yuꞌun te jmultike.

Romanos 8:3

Porke Dios a spasix te tut maꞌ juꞌ yuꞌun spasel te mantaliletik yuꞌun te jMoisese. Yuꞌun maꞌ juꞌ yuꞌun te mantaliletike, ta skaj te maꞌyuk spuersa te stiꞌbalul te mulawil winike. Dios a stikon tal te batsꞌil Xnichꞌan te batsꞌi jachik yilel te tutꞌil jmulawil winike, y la yakꞌ ta milbil majtanil skuenta yuꞌun mulil, yuꞌun jich a yakꞌ ta lajel te mulil te ay ta jtibalultike.

Romanos 8:37

Pero ta spisil to ya me jtsaltik jilel ta skuenta te machꞌa kꞌuxotik ta yoꞌtane.

1 Corintios 16:14

Y spisil te tut ya apasike, pasaik me sok xkꞌuxul awoꞌtanik.

1 Corintios 5:7

Jich yuꞌun lokꞌesaik me te kꞌaꞌ levadura te ya yixlanexe. Yuꞌun jich me ya xkꞌoex te tutꞌil pan te pasbil ta achꞌ harina te maꞌyuk yichꞌoj levadura te ya xweꞌot ta kꞌin yuꞌun Pascuae. Yuꞌun jich me ayex te jaꞌexe. Porke te Cristo jaꞌ te chꞌin karnera a kꞌot yuꞌun te Pascuae, te stukel a cham te la yakꞌ sba ta majtanil kuꞌuntike.

2 Corintios 2:14

Kola yal Dios te sil tiempo xcholetotik ta spat te Cristo Jesus te tsalawanemix stukele, y ta jkuentatik joꞌotik te ya yakꞌ chiknajuk ta bayuk te skꞌope, te pajal sok te ya xchiknaj ta bayuk nax te ben tsꞌaam yikꞌe.

2 Corintios 2:15

Porke te joꞌotike yuꞌun jachik kꞌoemotik tutꞌ ben tsaꞌam kikꞌtik te ya yakꞌ ta stojol Dios te Cristoe, te pajal xkꞌepet yikꞌ sok te machꞌatik ya xkolik sok te machꞌatik ya xbajtik ta chꞌayele.

2 Corintios 8:9

Porke ya anaꞌikix te jaꞌexe, te Kajwaltik Jesucristoe ta slekil yoꞌtan, aunke kꞌulej stukel, la yakꞌ sba ta meꞌbaꞌ ta akajik te jaꞌexe. Yuꞌun te tutꞌil meꞌbaꞌ a yakꞌ sbae, jaꞌex akulejibex a.

Gálatas 1:4

Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Efesios 1:4

Dios la stꞌujotik ta skuenta Cristo antes te ma to spas a te balmilale, yuꞌun jich me tojutesbilotikix ta skuenta y maꞌyukix jmultik ya xkꞌootik ta sit.

Efesios 3:17

Y te ya xꞌanin ta awoꞌtanik te Cristo ta skuenta te xchꞌuunel awoꞌtanike. Jich te jaꞌexe junuk awoꞌtanik y toyoluk tsunulex ta skuenta te skꞌuxul awoꞌtanike.

Efesios 3:19

Ya jkꞌanbe te yauk anaꞌik te tutꞌil ay te skꞌuxul yoꞌtane te jaꞌ lom bayal mas mukꞌ ta spisil ke te tut ya jnaꞌtike, skuenta yuꞌun jich ben tsꞌakal ya awichꞌbeyik slekilal te Diose.

Efesios 4:15

Jaꞌ lek ya kaltik sok skꞌuxul koꞌtantik te tut batsꞌi jich. Jich ya xmukꞌubotik ta spisil te tutꞌil ay te Cristoe, te jaꞌ jolol yuꞌun te machꞌatik yuꞌune.

Efesios 4:2

Mansoukex me y lekuk me ya awila abaik. Yauk me stsꞌijk awuꞌunik y talel bael ya xkujch awuꞌunik sok skꞌuxul awoꞌtanik.

Efesios 5:15

Jaꞌ yuꞌun, ila me abaik ta lek te tutꞌ ayexe. Ma me jichuk nax xꞌanex tutꞌil machꞌatik maꞌyuk tut snaꞌik. Pꞌijanik me.

Efesios 5:25

Mamlaliletik, kꞌuxutayaik me lek te awinamike jich tutꞌil Cristo te lek xkuxutayej te hermanoetik y te la yakꞌ xkuxlejal yuꞌunike.

Filipenses 4:18

Te tut la atikonbikon tale, la kichꞌix ta spisil, y asta ay sobra kuꞌun. Te tut la atikonbikon ta skuenta te Epafroditoe ben bayal to xan kichꞌoj. Jich a kꞌot tutꞌil jun majtanil te ben tsaꞌam yikꞌ te chikbil majtanil te ben smuyet ya yaꞌiy te Diose.

Colosenses 3:14

Jaꞌ tulan skꞌoplal te ya awakꞌik ta ilel te ay skꞌuxul awoꞌtanike, te ya yakꞌex ta jun nax.

1 Tesalonicenses 4:9

Ma puersaukix te ya jtsꞌibabeyex te ayuk xkꞌuxul awoꞌtanik sok te awermano abaike, porke te Diose la yaꞌbeyex anopikix te kꞌux ya awaꞌiy abaik ta juju-tule.

1 Timoteo 2:6

Porke te Jesucristoe la yakꞌ sba entregal ta milel yuꞌun la stojbe stojol skolel ta spisil, jich tutꞌil te albil skꞌoplal te kꞌalal la sta skꞌaalele.

1 Timoteo 4:12

Ma me wakꞌ spꞌajelat yuꞌun te chꞌielat toe. Jaꞌ ya skꞌan ya awakꞌ ta ilel yuꞌun te kermanoetik te tutꞌil lek ya xkꞌopojate y sok te tutꞌil lek ya xꞌaꞌtejate. Sok ayuk me slekil awoꞌtan, sok xchꞌuunel awoꞌtan sok lekuk me te akuxlejale.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 8:3

Spisil te statal saserdotee jaꞌ aꞌbil yaꞌtel yuꞌun ta yakꞌel te smajtan Dios y te milbil smajtane. Y jaꞌ yuꞌun te puersa te ay tut ya yaꞌbe smajtanin Dios euk te Jesucristoe.

Hebreos 9:14

Pero teme jich ay to, jaꞌ to xan mas ay yip stukel te xchꞌichꞌel Cristoe. Yuꞌun ta skuenta te Espíritu te sbajtel kꞌinal aye, Cristo la yakꞌ sba ta milel ta stojol Dios jich tutꞌil milbil smajtan Dios te maꞌyuk smule. Y te xchꞌichꞌele la sakutesbotik koꞌtantik yuꞌun te kaꞌteltik te ya yikꞌotik bael ta lajele. Yuꞌun jich me ya xjuꞌ te ya kakꞌ jbajtik ta abatinel yuꞌun te kuxul Diose.

Hebreos 9:23

Puersa la skꞌan yichꞌ malel xchꞌichꞌel chambalametik yuꞌun slekutesel te tutik slokꞌol nax te ay ta chꞌulchane. Pero te tutik ay ta chꞌulchane, puersa majtanil ya skꞌan te kꞌax jich stsaꞌamule.

Hebreos 9:26

Te jichuk a spase, te Cristo bayal buelta ya skꞌan xlaj desde pas tal te balmilale. Pero te batsꞌi jiche, te ora to te jaꞌix te slajibal kꞌaale, te Cristoe jun nax buelta sok ta skuenta sbajtel kꞌinal a kꞌax swokol. Stukel mismo la yakꞌ sba ta milbil smajtan Dios yuꞌun xchꞌayel mulil.

1 Pedro 4:8

Jaꞌ tulan skꞌoplal te ayuk me bayal xkꞌuxul awoꞌtanik, porke te xkꞌuxul-oꞌtanile bayal perdon ya yakꞌ yuꞌun muliletik.

1 Juan 3:16

Jnaꞌojtik tut a te slekil-oꞌtanile, porke te Jesucristoe la yakꞌ xkuxlejal ta jkuentatik. Jich euk te joꞌotike, ya skꞌan ya kakꞌ jkuxlejaltik yuꞌun te kermanotaktike.

1 Juan 3:23

Y te smantale, jaꞌ te ya jchꞌuuntik te Xnichꞌane, jaꞌ te Jesucristoe. Y te kꞌux ya kaꞌiy jbajtik ta juju-tule, jachik tutꞌil te la yalbotik mantale.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.