Efesios 5:19 - Nuevo Testamento Tzeltal de Amatenango

¹⁹ Alaik ta juju-tul salmoetik sok kꞌayojetik sok yanetik kꞌayoj ta skuenta Espíritu. Kꞌayojinaik y albeyaik slekilal ta spꞌejel awoꞌtanik te Kajwaltike.

Bible in Tzeltal Bachajón

¹⁹ Talel c'axel xac'opon abahic ta salmohetic, c'ayojetic yu'un Dios, soc ch'ul c'ayojetic; c'ayojtayahic soc halbeyahic yutsilal te Cajwaltic ta awo'tanic,

Bible in Tzeltal de Oxchuc y Tenejapa

¹⁹ Ja' lec tsoba abaic ta yalel salmoetic, soc c'ayojetic ta swenta yich'el ta muc' te Diose, soc c'ayojetic ta swenta Espíritu. C'ajintayaic soc albeyaic yutsilal soc spisil awo'tanic te Cajwaltique.

Efesios 5:19 ပူးပေါင်းရင်းမြစ်များ

San Mateo 15:8

“Te jtejkꞌum to ta skꞌop nax te yakꞌojikon ta jkuentae, yan te yoꞌtanike jakal ay ta jtojol.

San Mateo 26:30

Te kꞌalal laj yoꞌtanik ta skꞌayojinel te Diose, bajtik ta wits Olivailtik.

Hechos 16:25

Pero olil ajkꞌubal a te jPablo sok te Silase yipalik ta skꞌoponel Dios a sok yipalik ta kꞌayoj a, y te yan jprexojeletike yipalik ta yaꞌiyel.

1 Corintios 14:15

¿Tut ya skꞌan ya jpas teme jichte? Yuꞌun jaꞌ ya skꞌan te ya jkꞌopon Dios sok te jchꞌulele y sok te ya kaꞌibe sluwarile. Ya skꞌan ya jkꞌayojin Dios sok te jchꞌulele y sok te ya kaꞌibe sluwarile.

1 Corintios 14:26

Jaꞌ yuꞌun, kermanotak, te kꞌalal ya atsob abaik te jaꞌexe, ay yan ya xjuꞌ yuꞌun skꞌayojinel kꞌayojetik, sok ay yan ya snojpeswan, sok ay yan ya yal te tut ya xꞌaꞌbot snaꞌ yuꞌun Dios, sok ay yan ya xkꞌopoj ta yanetik kꞌopiletik, sok ay yan ya skꞌases te yanetik kꞌopiletike. Pero ta spisiluk me, jaꞌuk me yuꞌun te ya xmukꞌubik ta stojol Dios ta spisilik a.

Colosenses 3:16

Siluk tiempo ayuk ta awoꞌtanik te skꞌoplal te Cristoe. Sok spꞌijil awoꞌtanik tsitsa abaik y aꞌbeya abaik spuersa awoꞌtanik ta juju-tul. Sok awoꞌtanik kꞌayojinaik te Diose ta salmoetik sok kꞌayojetik sok yanetik kꞌayoj ta skuenta Espíritu.

Santiago 5:13

Teme ay jtulukex te ma junuk awoꞌtanike, a me skꞌopon Dios. Teme ay machꞌa kontentoe, a me skꞌayojin Dios.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.