Efesios 5:15 - Nuevo Testamento Tzeltal de Amatenango

¹⁵ Jaꞌ yuꞌun, ila me abaik ta lek te tutꞌ ayexe. Ma me jichuk nax xꞌanex tutꞌil machꞌatik maꞌyuk tut snaꞌik. Pꞌijanik me.

Bible in Tzeltal Bachajón

¹⁵ Ha yu'un tsahtaya me abahic ta lec bin ut'il ya x'ayinex ta q'uinal, p'ijanic me, ma me hichuquex te bin ut'il mach'atic ma sna'ic q'uinal,

Bible in Tzeltal de Oxchuc y Tenejapa

¹⁵ Jich yu'un, tsajtaya abaic ta lec te bit'il ya sc'an ya xcuxinex ta q'uinale. P'ijanic me. Ma me jichuquex te bit'il mach'atic ma'yuc bi sna'ique.

Efesios 5:15 ပူးပေါင်းရင်းမြစ်များ

San Mateo 10:16

“Ilawilik ya jtikonex bael jich tutꞌil karnera ta yolil te genteetike te pajal sok jweꞌawal teꞌtikil tsꞌiꞌetik ta atojolike. Pꞌijanik me jich tutꞌil pꞌij te chane. Sok manso me xꞌawakꞌ abaik ta stojol te genteetike jich tutꞌil manso te palomae.

San Mateo 25:2

Ay joꞌtul te maꞌyuk spꞌijil yoꞌtanike sok ay joꞌtul te ay spꞌijil yoꞌtanike.

San Mateo 27:24

Te kꞌalal la yil te Pilato te maꞌyuk tut ya xjuꞌ yuꞌune, sok mas tulan xan alijk ta aw te genteetike, la stikon tal ta ichꞌel jaꞌ, y la spok skꞌab ta sit te genteetike. Jich a yal: —Ya me jpok te jkꞌabe yuꞌun jich me ya awilik te makꞌ jchꞌik jba ta smalel xchꞌichꞌel te winik to te maꞌyuk smule. Jaꞌex me ya amulinik atukelik —xchi.

San Mateo 27:4

Jich a yal: —Mulawonix yuꞌun la kakꞌix ta entregal ta milel te winik te maꞌyuk smule —xchi. Pero la sjakꞌtalanik: —Ma kocheltikuk te joꞌotike. Jaꞌat ayix ta akuenta —xyutik.

San Mateo 8:4

Te Jesuse la yalbe te winike: —Ya kalbeyat, ma me machꞌa xꞌawalbe yaꞌi. Jaꞌ nax baan ta stojol te saserdotee. Akꞌa aba ta ilel yuꞌun. Sok ichꞌa bael te smajtan Diose jich te tutꞌil la yal ta mantal te Moisese. Jich me ya snaꞌbeyik sluwar te genteetike te lekubenix te achamele —xyut bael.

San Lucas 24:25

Jicha altalanbot yuꞌun te Jesuse: —Wokol ya xkꞌot ta awoꞌtanik te jaꞌexe. ¿Tut to ora ya xchꞌuun awoꞌtanik spisil te tut yaloj jilel te jꞌalwanejetik yuꞌun te Diose?

1 Corintios 14:20

Kermanotak, ma me jichukex te tutꞌil ay te untike. Jachikukex me te tutꞌil untik te ma to ayuk ya spas te tut ma tsaꞌamuke. Pero jichukex me te tutꞌil mukꞌul gente te ayix srasone.

Gálatas 3:1

Jaꞌex Galataetik, te ma pꞌijukexixe, ¿Machꞌa a yaꞌbeyex chamel? Te tut la kalbetikexe, la kakꞌtik ta ilel ta asitik te Jesucristo te jojkꞌanot ta kruse.

Gálatas 3:3

jmel ma pꞌijukexix te jaꞌexe. Te tutꞌil a lijkex ta spasel ta skuenta te Espiritue, te ora to ya akꞌan ya ajuꞌutesik ta puersa sok atiꞌbalulik.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

Efesios 5:33

Jaꞌ yuꞌun ta juju-tulex te jaꞌexe, kꞌuxutaya me te awinamike jich tutꞌil kꞌux ya awaꞌiy aba atukele. Y jich te antse, a me yakꞌ ta jkuenta te smamlale.

Filipenses 1:27

Jaꞌ nax tulan skꞌoplal te ya xkuxuyinex jich tutꞌil ya yal te lek achꞌ kꞌop yuꞌun te Cristoe. Jich mismo teme tal kilex o teme maꞌ talone ya jkꞌan ya kaꞌiy te jaꞌex te sigue jun awoꞌtanik y te jun nax ayexe. Ya me apasik puersa ta apisilik te ya awakꞌik ta chꞌuunel te skꞌoplal kolele.

Colosenses 1:9

Ja yuꞌun te joꞌotike, jaꞌ to kꞌalal la kaꞌiytik te akꞌoplale, maꞌyuk ya jkom jbajtik ta skꞌoponel Dios ta akuentaik. Ya jkꞌanbeytik Dios te ya yaꞌbeyex anaꞌik te tut ya skꞌan yoꞌtane, sok te ya yaꞌbeyex spisil ta jkaj pꞌijilil y ta snaꞌel te tut skuenta te Espiritue.

Colosenses 4:5

Pꞌij me xꞌawakꞌ abaik yuꞌun te machꞌatik ma xchꞌuunejuk Diose. Y lekuk xꞌatuuntesik te tiempoe.

1 Tesalonicenses 5:15

Ila me abaik, ma me ayuk ni jtuluk te ya awaꞌbe stoj te tut ma lekuk te la spasbeyate. Sil tiempo jaꞌ me xꞌawoꞌtantayik te ya apasbey abaik te tut leke. Sok jich me xꞌapasbeyik ta spisil te yanetike.

1 Timoteo 6:9

Yan te machꞌatik ya skꞌan xkꞌulejibe, ya xyalik ta mulil y ya me xkꞌo yaluk ta strampa. Bayal tut ya xbikꞌtaj yoꞌtan yuꞌun te tut ma xtuune sok te ya xꞌixlanot yuꞌune. Ya me xmetꞌot te gente yuꞌun y sok chꞌayel ya xbajtik yuꞌun.

Hebreos 12:25

Jaꞌ yuꞌun, kuidado me xꞌanex, ma me apꞌajik te machꞌa ya xkꞌopoj ta jtojoltike. Yuꞌun ma ba kolik te machꞌatik la spꞌajik te Dios te kꞌalal a yikꞌtalan ta kꞌop liꞌ ba balmilale. ¿Y tutꞌil kꞌan kolukotik euk te joꞌotike, teme ya kakꞌtik ta jpatik te machꞌa ya yikꞌotik ta kꞌop kꞌalal ta chꞌulchane?

Santiago 3:13

Teme ay apꞌijilike sok teme ay tut ya anaꞌik, jaꞌ ya xchiknaj a te lek te tut ya apasike. Chꞌunuluk me awoꞌtanik te tutꞌil ay te apꞌijilike.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

Apocalipsis 19:10

La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.