Efesios 5:14 - Nuevo Testamento Tzeltal de Amatenango

¹⁴ Porke te sakil kꞌinale ya yakꞌ ta ilel spisil. Jaꞌ yuꞌun jich ya xꞌalot: “Kuxa awoꞌtan jaꞌat te wayalate. Jajchan tal te ba ay te animaetike, y Cristo ya yakꞌ sakubuk kꞌinal ta atojol”, xchi me.

Bible in Tzeltal Bachajón

¹⁴ Ha scuentahil te hich ay ta halel: Wic'a asit, ha'at te wayalate, hahchan tal ta yohlil te mach'atic chamenic, ya me sacubtes q'uinal ta atojol te Cristo, te xchihe.

Bible in Tzeltal de Oxchuc y Tenejapa

¹⁴ Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

Efesios 5:14 ပူးပေါင်းရင်းမြစ်များ

San Lucas 1:78

Porke te Dios kuꞌuntike, ta skuenta te slekil yoꞌtane, ya yakꞌ lokꞌuk tal kꞌalal ta chꞌulchan te machꞌa ya yakꞌ sakubuk kꞌinal ta jtojoltike.

San Lucas 15:24

Porke te jnichꞌan to chamenix a jkuy a, pero chaꞌkuxix tal. Chꞌayemix bael, pero la to jtajtik”, xchi te state. Jich a lijk spasik te kꞌine.

San Juan 8:12

Te Jesuse chaꞌsujt xan bael te ba ay te gentee. Jich a yal: —Joꞌon sakil kꞌinalon yuꞌun te genteetik ta balmilale. Te machꞌa ya stsꞌakliyone yichꞌojix te sakil kꞌinal te ya yakꞌ kuxlejale, y ni makꞌ xbeenix ta ijkꞌal kꞌinal —xchi te Jesuse.

San Juan 9:5

Te tutꞌil liꞌto ayon ta balmilale, joꞌon sakil kꞌinalon yuꞌun te genteetik ta balmilale —xchi.

Hechos 13:47

Porke jich tikonbilotik yuꞌun te Kajwaltike, te jich a yale: “Jich a kakꞌatix ta ilel te tutꞌil lus ta stojol te machꞌatik ma juriyouke. Jaꞌat me ta akuenta te ya yichꞌik koltayel spisil genteetik ta balmilal”, xchi me —xchi te jPabloe.

Romanos 6:13

Maꞌ awakꞌik entregal te atiꞌbalulik yuꞌun te mulile yuꞌun ta spasel te tut ma lekuke. Jaꞌ lek akꞌa abaik entregal ta stojol Dios, jich tutꞌil jtul gente te chame y te chaꞌkuxe. Sok akꞌaik entregal te atiꞌbalulik te ya xtuun yuꞌun ta spasel te tut leke.

1 Corintios 15:34

Ilme abaik, ma me ale amulik. Yuꞌun ay jtul-cheb te jaꞌexe te ma xꞌanaꞌbeyik sba te Diose. Jich ya kalbeyex to yuꞌun ya xkꞌexawex a.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

Efesios 2:1

Ta nail to te jaꞌexe chamenex kꞌoem ta skaj te kꞌayemex ta pasel tutik ma tsaꞌamuke y sok te muliletike,

Efesios 2:5

La yaꞌbotik jkuxlejaltik jun nax sok te Cristoe te kꞌalal jich to chamenotik ta skaj te jmultike. Ta skuenta nax slekil yoꞌtan Dios te la yaꞌbeyex te kolele.

Colosenses 3:1

Jaꞌ yuꞌun, ya ke te jaꞌexe te chaꞌkusesbilexix sok te Cristoe, leaik te tutik skuenta te chꞌulchane, te ba nakal te Cristo ta sbatsꞌil skꞌab te Diose.

1 Tesalonicenses 5:6

Jaꞌ yuꞌun ma me wakꞌ wayukotik jich tutꞌil te yanetike. Ya skꞌan te kuxul koꞌtantik y pꞌij me ya skꞌan xꞌanotik.

2 Timoteo 1:10

La yakꞌix ta ilel te skꞌuxul yoꞌtan te ora to te xtaluk te jKoltawanej kuꞌuntik, jaꞌ te Jesucristoe, te tal slajinbey spoder te lajele, sok ta skuenta te skꞌoplal te kolele te la yakꞌ ta ilel te kuxlejal te ma xlaje.

2 Timoteo 2:26

Teme la snaꞌik kꞌinale, ya me xkolik tal lokꞌel te ba ay strampa te pukuje, te yakꞌojlan ta prexo yuꞌun te ya yaꞌbe spas te tut ya skꞌane.