Efesios 5:11 - Nuevo Testamento Tzeltal de Amatenango

¹¹ Ma me ajoyin abaik ta spasel te tutik lom nax ya spasik te machꞌatik yuꞌun te yijkꞌal kꞌinale. Jaꞌ lek albeyaik ta jamal.

Bible in Tzeltal Bachajón

¹¹ Ma me xajoquinic ta spasel te a'teliletic yu'un te yihc'al q'uinal te mayuc stuc, ha lec xan te yac awaq'uic ta ilel te ay smulic,

Bible in Tzeltal de Oxchuc y Tenejapa

¹¹ Ma me xajoin abaic soc ta spasel te bila ma'yuc swentail ya spasic te mach'atic ayic ta ijc' q'uinale. Alaic ta jamal te bit'il amen te bila ya spasique.

Efesios 5:11 ပူးပေါင်းရင်းမြစ်များ

San Mateo 18:15

“Sok teme ay tut ma tsaꞌamuk a spasbeyat te awermanoe, baan kꞌopona aba sok ta stukel nax. Aꞌbeya snaꞌ te tut ma tsaꞌamuk spasoje. Teme la yaꞌibe sluwar te akꞌope, lek ayatix sok a te awermano abi.

San Lucas 3:19

Sok la yalbe ta jamal smul te gobierno Herodese, yuꞌun la yikꞌ yinamin te yinam yijtsꞌin Felipee, te xHerodias sbiile. Sok la yalbe spisil te tutik ma tsaꞌamuk spasoje.

Hechos 26:18

Yuꞌun ya xba awikꞌtalanbe sit, jich makꞌ xbeenikix ta ijkꞌal kꞌinal a, ta sakil kꞌinal xlaj beenix a. Yuꞌun ma sigueuk ya xjapuyot yuꞌun a te pukuje, jaꞌ ya xjapuyotix yuꞌun a te Diose. Yuꞌun teme la xchꞌuunikone, jich me ya staik perdon yuꞌun a te smulike. Sok ya me kakꞌ ayinuk te ba aylan te chꞌul jtejklum yuꞌun Diose”, xyuton te Jesuse.

Romanos 13:12

Te ajkꞌubale lom kꞌaxemix bael y tijilix ay tal te kꞌajkꞌaltike. Jaꞌ yuꞌun ya skꞌan ya jilestikix te tutik ay ta pasel ta ijkꞌal kꞌinale. Ya skꞌan ya jchap jbajtik yuꞌun te sakil kꞌinale jich tutꞌil jtul soltaro te lek xchapoj sba sok te smajkile sok yaꞌtajibe.

Romanos 16:17

Kermanotak, aꞌwokolikuk ila me abaik yuꞌun te machꞌatik ya yakꞌ dibisione sok te ya yakꞌex ta mulile, yuꞌun jaꞌ ya skontrainik te tut jich la yaꞌbelex anopik te jaꞌexe. Ma me ajoyin abaik sok.

Romanos 6:21

Pero, ¿tutiꞌ lokꞌ awuꞌunik a te tut la apasike? Te ora to ya xkꞌexawex yuꞌun, te jaꞌ nax te la yikꞌex bael ta lajele.

Gálatas 6:8

Te machꞌa ya stsꞌun sok sbujts yoꞌtan te tut ma tsaꞌamuk ya skꞌan te stiꞌbalule, ja skosecha te lajele. Te machꞌa ya stsꞌun sok sbujtsꞌ yoꞌtan ta skuenta Espiritue, ta skuenta Espíritu jaꞌ skosecha te kuxlejal sbajtel kꞌinale.

Efesios 4:22

Te tutꞌil ay te antibo akuxlejalike, jilesaik ta pasel te kꞌaꞌ kuxlejal yuꞌun atiꞌbalulik te makꞌ xtuune, yuꞌun loꞌlabilex yuꞌun te tut ma tsaꞌamuk ya skꞌan awoꞌtanike.

Efesios 5:12

Yuꞌun asta ya xkꞌexawotik ta yalel te tut ya spasik ta mukule.

Efesios 5:7

Te jaꞌexe ma me ajoyin abaik sok ta spasel.

Colosenses 1:12

Sok jich me xꞌawalbeyik kola yal sok sbujts awoꞌtanik te Jtatik Diose, te jaꞌ xchapojex yuꞌun ya awichꞌik te ba sakil kꞌinal te majtanil te stukel ya yaꞌbe te machꞌatik jtejklumix yuꞌune.

1 Tesalonicenses 5:7

Te machꞌatik ya xwayike, wayajtik me ta ajkꞌubal; y te machꞌatik ya xyakubike, ta ajkꞌubal te ya xyakubike.

2 Tesalonicenses 3:14

Teme ay machꞌa ma xyakꞌ ta jkuenta te tutiꞌ kaltik ta karta to, ilaik me machꞌa a, y ma me junuk nax ya xꞌanex sok, yuꞌun jich me ya xkꞌexaw a.

2 Tesalonicenses 3:6

Kermanotak, ya kalbeytikex ta skuenta te Kajwaltik Jesucristoe: Ma me ajoyinik te machꞌauk hermanoil te ma skꞌan xꞌaꞌteje y te ma jichuk ya spas te tutꞌil la jnojpestikexe.

1 Timoteo 5:20

Te machꞌatik ma skꞌan skom sbaik ta mulawe, ya skꞌan ya akomtalan ta sitil komon ta spisil. Yuꞌun jich me ya xiꞌ ekꞌa te yane.

1 Timoteo 5:22

Ma me ayuk machꞌa ya awaꞌbe yaꞌtel ta ora nax teme ma to la yichꞌ nopel ta leke. Yuꞌun jich me makꞌ ya amulinbe smul ekꞌa te yane. Ila me aba yuꞌun spisil te tut ma lekuke.

1 Timoteo 6:5

Ya sjajchesik te pleto te maꞌyuk slajibal sok te gente te ma tsaꞌamuk spensarik y ma snaꞌojuk te tut batsꞌi jiche. Ya skuyik ta snegosioik te tut xchꞌuunejike. Ma me ajoyin aba sok te machꞌatik jich ayike.

2 Timoteo 3:5

Batsꞌi xchꞌuunejik Dios yilel pero jaꞌ ya xchiknaj a ta skuenta te tut ya spasik te maꞌyuk spoder te sreligione. Ma me xꞌachꞌik aba a sok te genteetik te jich aye.

2 Timoteo 4:2

Jaꞌ ya kalbeyat te ya awal te skꞌop Diose ta bayuk sok ta tutikuk nax ora. Junuk awoꞌtan stsitsawanat, sok komaw, sok aꞌbeya spuersa yoꞌtanik.

Tito 2:15

Jaꞌ to jaꞌ te ya skꞌan ya awakꞌ ta nopele. Tsitsa y komatalana te tutꞌil ay awaꞌtele. Ma me ayuk machꞌa ya spꞌajat.

Apocalipsis 18:4

La kaꞌiy xan kꞌop ta chꞌulchan te jich ya yale: —Lokꞌanik bael te ba mukꞌul jtejklume, jaꞌex te jtejklumex kuꞌune. Yuꞌun me jich makꞌ ya ajoyinik yuꞌun a te smulike ni makꞌ staex a te kastigo ya yichꞌike.