Efesios 4:5 - Nuevo Testamento Tzeltal de Amatenango

⁵ Jtul nax te ajwalil awuꞌunik, jun nax te tut achꞌuunejike, jun nax te ichꞌjaꞌ awichꞌojike,

Bible in Tzeltal Bachajón

⁵ junax Cajwaltic, junax te bin ay ta ch'uhunel, junax ich'ha';

Bible in Tzeltal de Oxchuc y Tenejapa

⁵ Jun nax te Cajwaltique, soc jun nax te xch'uunjel co'tantique, soc jun nax te ich'ja'e,

Efesios 4:5 ပူးပေါင်းရင်းမြစ်များ

San Mateo 28:19

Jich yuꞌun baanik, benanik ta bayuk. Albeyaik te ya xꞌochik ta jnopojel kuꞌune spisil ta jkaj te genteetik ta balmilale. Aꞌbeyaik yichꞌ jaꞌ ta sbiil te jTate sok ta jkuenta euk te Nichꞌanilone, sok ta skuenta te Chꞌul Espiritue.

Hechos 10:36

Dios a stikon ta alel ta stojol te stsꞌumbal israeletik te jaꞌ ay bujtsꞌan kꞌinal ta skuenta te Jesucristoe te jaꞌ Ajwalil yuꞌun spisil te genteetike.

Hechos 2:36

Naꞌaik me te jaꞌexe jtejklum israel te tut batsꞌi jiche, te jaꞌ mismo ya kalbeyex skꞌoplal te Jesuse te la ajojkꞌanik ta kruse. Te Diose la yakꞌix ta ilel te jaꞌ te Cristoe sok te jaꞌ Kajwaltik stukele —xchi te jPedroe.

Romanos 3:30

Yuꞌun jtul nax te Diose, maꞌyuk yan. Te Diose ya yakꞌ ta libre yuꞌun smulik spisilik te machꞌatik ay xchꞌuunel yoꞌtane. Ma jaꞌuk ya yichꞌ jkuenta yuꞌun teme yichꞌoj o ma yichꞌojuk sirkunsisione.

1 Corintios 1:13

¿Me yuꞌun chaꞌoxjajt lokꞌem a te Cristoe? ¿Me yuꞌun joꞌon a kichꞌ jojkꞌanel ta krus awuꞌunik? ¿O te la awichꞌik jaꞌ te jaꞌexe me jaꞌ ta jbiil?

1 Corintios 1:2

ya jtsꞌibabeyex te karta to jaꞌex te hermanoetik tsobilex yuꞌun Dios te ayex ta jtejklum Corintoe, te ikꞌtalanbilex yuꞌun te Diose ta skuenta Cristo Jesus. Dios la yikꞌex te lek ya xꞌanex te jtejklum yuꞌunex sok spisil ta bayuk te machꞌatik ya yalbeyikix kola yal te Kajwaltik Jesucristoe. Jaꞌ Kajwaltikix te joꞌotike y sok euk te yanetike.

1 Corintios 12:13

Manchuk me juriyootik o ma juriyoukotik, o mosoil o libreix ayotik, jun nax a kꞌootik kꞌalal la kichꞌtik jaꞌ ta skuenta te Espíritu, jich tutꞌil te jun nax ay te jtiꞌbalultike. Y ta jpisiltik ayotik ta skuenta te mismo Espiritue.

1 Corintios 12:5

Ay skajal-skaj te tutꞌil ya xtuunotike, pero spisil te aꞌtele jun nax te Yajwale.

1 Corintios 8:6

Yan te joꞌotike, jtul nax te Diose kuꞌuntike, jaꞌ te jTatike. Jaꞌ te spasoj spisil te tutik aye y jaꞌ stukel te ya yakꞌ xkuxuyinotike. Y ay jtul nax te Kajwaltike, jaꞌ te Jesucristoe. Stukel ta skuenta spisil te tutik kuxajtike, jich euk te joꞌotike jaꞌ kuxulotik ta skuenta.

2 Corintios 11:4

Porke teme ay machꞌa tal jtuluk te ya yalbey skꞌoplal yan Jesus te ma jichuk te tutꞌil la kalbetikex skꞌoplale, jun awoꞌtanik ya awaꞌiyik te skꞌope. O teme ya awikꞌik sok sbujtsꞌ awoꞌtanik te jun espíritu te ma pajaluk sok te Espíritu te awikꞌojikixe, y sok ya achꞌuunik jun skꞌoplal kolel te ma pajaluk sok te tutꞌil achꞌuunejikixe.

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

Efesios 4:13

Jaꞌ to te jpisiltik te jun nax ya xkꞌootik ta skuenta te xchꞌuunel-oꞌtanile y te pajal ya jnaꞌbeytik sba te Xnichꞌan Diose. Yuꞌun jich ya jtajtik a te ya xmukꞌubotike te yan yan ya jta bael kiptik jaꞌ to teme la jtabetik smukꞌul te Cristoe.

Filipenses 2:11

Y ta spisil ya me yalik te jaꞌ ajwalil stukel ta Jesucristo. Yuꞌun jich me ay slekilal ya xkꞌot a te Dios Tatile.

Filipenses 3:8

Sok jich maꞌyukix stuunel ta koꞌtan spisil. Jaꞌ nax ben tsaꞌam stukel ta ya jnaꞌbey sba te Kajwal Cristo Jesuse. Ta skuenta te Cristoe la jchꞌayix jilel spisil. Y ta spisil jich ya jkuyix ta kꞌaꞌpal, yuꞌun jich me ay stuunel kuꞌun te Cristoe,

Tito 1:1

Joꞌon jPabloon, yaj-aꞌtelon te Diose sok apostolon yuꞌun te Jesucristoe. Tikonbilon ta yaꞌbeyel xchꞌuun Dios te machꞌatik tꞌujbilik yuꞌun te Diose, sok yuꞌun ya me snaꞌik ta batsꞌi jich te tut jchꞌuunejtike,

Tito 1:4

Ya jtsꞌibabeyat te karta to, Tito, te batsꞌi jnichꞌanat kꞌoeme, sok te jun nax te xchꞌuunel koꞌtantik ta jchebaltike. A me yaꞌbeyat slekil yoꞌtan te Jtatik Dios y sok te Kajwaltik Jesucristo te jKoltawanej kuꞌuntike y sok te bujtsꞌan kꞌinal ta atojole.

Hebreos 13:7

Naꞌaik me te machꞌatik a aꞌtejik ta atojolik sok te la yalbeyex te skꞌop Diose. Naꞌaik te tutꞌil juꞌ yuꞌunik sok te xkuxlejalike, sok jich me xꞌanopik te tutꞌil la yakꞌ xchꞌuunel yoꞌtanike.

Hebreos 6:6

Teme chaꞌyalik xane, ma xjuꞌ te ya sujtik xan ta stojol Diose. Porke jaꞌik mismo ya yakꞌik xan ta jijpanel ta krus te Xnichꞌan Diose, y sok ya yakꞌik xan ta ikꞌtinel ta sitil komon.

Santiago 2:18

Ay wan machꞌa jich ya yal: “Ay machꞌa ay xchꞌuunel yoꞌtan sok ay yan te ya yaꞌtelin spasel te tut leke”, xchi. ¿Pero tut ya awaꞌbon kil te xchꞌuunel awoꞌtan, te maꞌyuk tut lek ya apase? Te joꞌone ya kakꞌ awil te xchꞌuunel koꞌtane ta skuenta te tut juꞌem kuꞌun spasele.

1 Pedro 3:21

Y te skꞌoplal jaꞌ abi, ja xyal te ichꞌjaꞌe, te jaꞌ ta skuenta te kolemotikix te ora to. Ma yuꞌunuk ya spokbotik lokꞌel te yijkꞌal jtiꞌbalultike, sino ke jaꞌ kꞌanbeyel te Diose te ya slekutes te koꞌtantike. Jich ya skoltayotik te tutꞌil chaꞌkux tal te Jesucristoe.

2 Pedro 1:1

Joꞌon Simon Pedroon, jꞌaꞌtelon y apostolon yuꞌun te Jesucristoe. Ya jtsꞌibabeyex te karta to ta akuentaik, te pajal ay ta jkuentaik xchꞌuunel te tut ben tsaꞌame, porke toj yoꞌtan stukel te Diose y sok te jKoltawanej Jesucristoe.

Judas 1:20

Pero te jaꞌexe, kermanotak te kꞌuxex ta koꞌtane, junuk me awoꞌtanik yuꞌun te chꞌul kꞌop achꞌuunejike. Kꞌoponaik Dios ta skuenta te Chꞌul Espiritue.

Judas 1:3

Kermanotak te kꞌuxex ta koꞌtane, ben jun koꞌtan a jkꞌan a jtsꞌibabeyex te tutꞌil ay te kolele te pajal ayix kuꞌuntike. Pero te ora to ya kil te tut puersa ya skꞌan pasel te kartae, yuꞌun ya kalbeyex te ya apasik puersa sok te xchꞌuunel awoꞌtanike te jmel nax aꞌbilotikix sok te machꞌatik ayix ta skuenta te Diose.