Efesios 4:31 - Nuevo Testamento Tzeltal de Amatenango

³¹ Chꞌojaik lokꞌel te ilbajinwaneje, te kꞌajkꞌubele, sok te iliꞌbae, te alabiyanwaneje, te ixtaꞌkꞌoptawaneje, y spisil ta jkaj te tut ma lekuke.

Bible in Tzeltal Bachajón

³¹ Jc'axel hiluc awu'unic spisil lablab-o'tantaywanej, c'ahc'ubel, ilimba, utaw, ixta'c'op, soc spisil bintic chopol.

Bible in Tzeltal de Oxchuc y Tenejapa

³¹ Ijq'uitayaic spisil te lab-o'tanile, te c'ajc'ubele, te ilimbae, te utawe, te bol c'ope, soc spisil ta jchajp te ixtajele.

Efesios 4:31 ပူးပေါင်းရင်းမြစ်များ

Hechos 21:30

Spisil te jtejklum xniketik lijkel ta kꞌop, y te gentee xyalajan kꞌoel. La stsakik te jPabloe y la xjochik lokꞌel te ba yamakꞌul temploe, y ora nax a stsꞌusik te spuertaul temploe.

Romanos 3:14

y te stiꞌe nojel ta puru ma tsaꞌamuk y ben kꞌux ta aꞌiyel.

1 Corintios 14:20

Kermanotak, ma me jichukex te tutꞌil ay te untike. Jachikukex me te tutꞌil untik te ma to ayuk ya spas te tut ma tsaꞌamuke. Pero jichukex me te tutꞌil mukꞌul gente te ayix srasone.

1 Corintios 5:8

Jich me ya skꞌan jpastik te kꞌin Pascua kuꞌuntike. Lekuk me te koꞌtantike y batsꞌi jichuk me, te tutꞌil pan te maꞌyuk yichꞌoj levadurae. Y ma me apasik sok te tut ma tsaꞌamuke y sok te tut ma tsaꞌamuk ya xjimawane, te jich kꞌoem tutꞌil kꞌaꞌ levadurae.

2 Corintios 12:20

Porke te kꞌalal ya xba kilex, ya jxiꞌ teme ma jichuk ya xkꞌo jtaex te tutꞌ ya jkꞌane, sok teme ma jichuk ya xkꞌo ataikon te tutꞌ ya akꞌanik ekꞌa te jaꞌexe. Jaꞌ ya jxiꞌ teme ay kꞌop lijkem awuꞌunik, o il-oꞌtantawanej, o iliba, o ay dibision awuꞌunik, sok te le-mulile, sok te aꞌbiyanwaneje, sok te toybajele, y te lijkesej-kꞌope.

Gálatas 5:20

Ya skejan sbaik ta lotil dios y ya snopik uꞌulil. Ya spas kontrainwanej, pleto, sok laꞌoꞌtantayel. Jtsꞌin ya xlaj ilin, y ya stsalawan ta kꞌop, ya spit sbaik y ya smon sjoyik.

Efesios 4:22

Te tutꞌil ay te antibo akuxlejalike, jilesaik ta pasel te kꞌaꞌ kuxlejal yuꞌun atiꞌbalulik te makꞌ xtuune, yuꞌun loꞌlabilex yuꞌun te tut ma tsaꞌamuk ya skꞌan awoꞌtanike.

Efesios 4:25

Jaꞌ yuꞌun jilesaik me te le-lote. Jaꞌ lek te jaꞌ ya awalik ta juju-tulex te tut batsꞌi jich ta stojol te ajoy ta genteile. Porke jpisiltik jun nax ayotik.

Efesios 4:26

Teme ya xꞌilinexe, ma me mulawananik, sok ma me spꞌejeluk kꞌaal te ya xꞌilinexe.

Colosenses 3:19

Mamlaliletik, kꞌuxutayaik me te awinamike. Ma me awelutayik ta kꞌop.

Colosenses 3:8

Pero te ora to, jilesaik spisil to: te iliꞌbae, te kꞌajkꞌubele, te tut ma lekuke, te ixtaꞌkꞌoptawaneje, y te kꞌopetik ma lek ta alele.

1 Timoteo 3:11

Jich euk te antsetike ya skꞌan te ya xꞌakꞌawan ta jkuenta sok ma me tojoluk puk-kꞌop-aꞌabiyej. Sok ya skꞌan te kuidado ay sok te yoꞌtanike, sok te jun yoꞌtanik ta spasel te yaꞌtelike.

1 Timoteo 3:3

Sok ma me jyakubeluk, sok ma me kꞌayemuk ta sjajchel pleto. Ayuk me slekil yoꞌtan, chꞌunuluk me, sok ma me yauk skꞌupin takꞌin.

1 Timoteo 5:13

Y ya xlijk snop beral ta nantik, y ya xkꞌay ta chꞌajilal. Y ma jaꞌuk nax te lom chꞌaje, sino ke ya xlijk yal te tut ma tojuke, y tutikuk nax ya xchꞌik sba a, y ya yaltalan te tutik ma lekuke.

2 Timoteo 2:23

Ma me awakꞌ ta jkuenta te kꞌopetik te maꞌyuk sluwaril sok te jowil naxe. Anaꞌojix te jaꞌ nax ya slikes kꞌope aye.

2 Timoteo 3:3

Maꞌyuk skꞌuxul yoꞌtanik, ni slekil yoꞌtanik. Tojolik le-kꞌop, ma snaꞌ tutꞌil ya skom sbaik, lom jꞌilbajinwanejetik, y skontrainejik spisil te tut leke.

Tito 1:7

Yuꞌun te machꞌa yichꞌoj yaꞌtel ta statalil yuꞌun te hermanoetike, jaꞌ ay yaꞌtel yuꞌun ta skanantayel te tutik yuꞌun te Diose. Jaꞌ yuꞌun ya skꞌan te tojuk ay bael te xkuxlejale. Ma me toybauk, ma me orauk ya xꞌilin, sok ma me wakꞌ yakubuk, ni ma me tojoluk pleto, sok ma me xbikꞌtaj yoꞌtan yuꞌun sloꞌlayel takꞌin.

Tito 2:3

Jich mismo euk te meꞌ-meꞌeletike ya skꞌan te lek ya xꞌakꞌawanik ta jkuentae. Ma me tojoluk aꞌbiye, ni yakubel. Sok ya skꞌan te lekuk te tut ya yakꞌ ta ilele.

Santiago 1:19

Naꞌaik me to kermanotak te ben kꞌuxex ta koꞌtane, ta apisilik te jaꞌexe chapalukex me yuꞌun ta yaꞌiyel te tut ya yichꞌ alele. Ma me kꞌopojanik ta ora, y ma me orauk ya xꞌilinex.

Santiago 3:14

Pero te jaꞌexe nojel ta awoꞌtanik te il-oꞌtantawanej, y te tutik ya apasike jaꞌ nax ya akontrain abaik a. Jich ma xjuꞌ te ya atoy abaike, porke jaꞌ ya asut ta lot te tut batsꞌi jiche.

Santiago 4:11

Kermanotak, ma me awalbeyik ma lekuk skꞌoplal te yanetike. Te machꞌa ma lekuk ya yalbe skꞌoplal te yermanoe o teme ya yichꞌ jkuentae, jaꞌ ma lekuk skꞌoplal ya yalbe te mantaliletike. Y teme kajal ya awakꞌ aba yuꞌun te mantaliletike, jich ya awakꞌ aba tutꞌil alkal en bes te la achꞌuun spasele.

1 Pedro 2:1

Jich yuꞌun, jilesaik spisil ta jkaj te tut ma lekuke: spisil loꞌlawanej, sok te ma tsaꞌamuk awoꞌtanike, sok te il-oꞌtane, sok spisil te jkaj te jontol kꞌop aꞌbiyeje.

1 Juan 3:12

Ma me jachikukotik tutꞌil te jCaine, te jaꞌ yuꞌun te pukuje y la smil te yijtsꞌine. ¿Y tuꞌun te la smile? Porke ma lekuk te tut a te la spas te jCaine, y puru lek ay te tut la spas te yijtsꞌine.

1 Juan 3:15

Spisil te machꞌa ya spꞌaj te yermanoe, jaꞌ jmilaw abi. Y te jaꞌexe anaꞌojik te ni jtuluk jmilaw ya xjuꞌ ya sta te kuxlejal sbajtel kꞌinal stukele.

Apocalipsis 12:10

Jich a kaꞌiy jun tulan kꞌop ta chꞌulchan, te ya yale: “Te ora to la staix yorail kolel yuꞌun te Kajwaltik Diose. Ay spoder y jaꞌ ayix ta ajwalil, y sok ayix yaꞌtel te Cristo yuꞌune. Porke la yichꞌix chꞌojel lokꞌel te machꞌa ya sleulanbe smul te kermanotaktike ta stojol Dios kuꞌuntik ta kꞌajkꞌal ajkꞌubal.