Efesios 4:30 - Nuevo Testamento Tzeltal de Amatenango

³⁰ Ma me awakꞌik ta ajtal-oꞌtan te Chꞌul Espíritu yuꞌun te Diose. Yuꞌun ja amarkaik aꞌbilex te ya xchiknates te batsꞌi yuꞌunex te Diose, jaꞌ to te tut kꞌaalil te ya yaꞌbeyex te akolelike.

Bible in Tzeltal Bachajón

³⁰ Ma me xawa'beyic smel yo'tan te Ch'ul Espíritu yu'un Dios, te ha sello awich'ojic ha to teme la sta yorahil acolelique.

Bible in Tzeltal de Oxchuc y Tenejapa

³⁰ Ma me xawaq'uic ta mel-o'tan te Ch'ul Espíritu yu'un te Diose, te melel ja' sello awich'ojic yu'un Dios, ja' to teme la sta sc'aalelal te jc'axel ya xcolex yu'une.

Efesios 4:30 ပူးပေါင်းရင်းမြစ်များ

San Marcos 3:5

Te Jesuse la skꞌelulanbe sit te machꞌatik joybil yuꞌune. Ilin yoꞌtan sok ay yajtal yoꞌtan yuꞌun te tutꞌil ben tulan yoꞌtanike. La yalbe tsꞌin te winike: —Jacha te akꞌabe —la yut. Te winike la xjach te skꞌabe y lek a jil.

San Lucas 21:28

Te kꞌalal ya xlijk kꞌotuk ta pasel te tutik to, ma me xiꞌanik. Jacha me ajolik, yuꞌun nopolix te akolelike —xchi te Jesuse.

San Juan 3:33

Pero te machꞌa ya xchꞌuune ya yakꞌ chiknajuk te tut batsꞌil jich ya yal te Diose.

Hechos 7:51

Pero te jaꞌexe sigue ma xꞌakꞌanik pꞌijutesel. Te awoꞌtanike sok te achikinike pajal kꞌoemex sok te machꞌa ma snaꞌbeyik sba te Diose. Sil tiempo a kontrainejik te Chꞌul Espiritue. Jaꞌ pajalex sok te antibo ameꞌ-atatike te jich a spasike.

Romanos 8:11

Y te Espiritue, te jaꞌ te la xchaꞌkuses tal te Jesuse, kuxulix ta akuentaik. Jaꞌ mismo te la xchaꞌkuses tal te Cristo, ya yaꞌbeyex achꞌ kuxlejal ta atiꞌbalulik te ya xlaje ta skuenta te Espíritu yuꞌun Dios te ayix ta atojolike.

Romanos 8:23

Y ma jaꞌuk nax ay swokol te tut spasoj te Diose; jich euk te joꞌotike ayotik ta wokol, aunke kikꞌojtikix te Espiritue te ja seña te jayeb to ya yaꞌbotik te Diose. Lom ayotik ta wokol ta smaliyel te tut ora yal-xnichꞌanotik Dios ya xkꞌootike. Jich me ya xkolotik sok a te jtiꞌbalultike.

1 Corintios 1:30

Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

1 Corintios 15:54

Y kꞌalal te jtiꞌbalultik te ya xkꞌaꞌe ya me xjelon yuꞌun te makꞌ xkꞌaꞌix aye, y kꞌalal te jtiꞌbalultik ya xlaje ya me xjelon yuꞌun te makꞌ xlajix aye, jaꞌ ya xkꞌot ta pasel te tut ya yal te Sjun Diose: “Te lajele jmel nax a yichꞌ tsalel”, te xchie.

1 Tesalonicenses 5:19

Ma me xꞌakomik ta aꞌtel te Espiritue.

Hebreos 10:29

¿Me yuꞌun ma xkꞌot ta awoꞌtanik te jaꞌexe te mas to xan tulan kastigo ya sta te machꞌatik ya xpuchꞌik ta tekꞌel te Xnichꞌan Dios y te ya spꞌajbeyik te xchꞌichꞌele, sok te machꞌatik ya yixta-kꞌoptay te Espíritu yuꞌun Dios te jaꞌ kꞌuxutaylanbil yuꞌune? Te xchꞌichꞌele jaꞌ te la xchap jil a te tratee, sok te ya slekuteswane.

Hebreos 3:10

Jaꞌ yuꞌun ma tsaꞌamuk a kil te jkaj gente abi, y la kal: ‘Sil tiempo ayikuk bael ta chꞌayel sok te yoꞌtanike, y ma skꞌanik ya stambikon te jbee’, xchion.

Hebreos 3:17

¿Sok machꞌatik te kuarenta jaꞌbil ilinem Dios ta stojolike? Jaꞌ te machꞌatik mulawik sok te laj chamik jilel ta jochol tꞌantꞌan luware.