Efesios 4:24 - Nuevo Testamento Tzeltal de Amatenango

²⁴ Ichꞌaik te yachꞌil akuxlejalik te la xchiknates te Diose sok te pajal yilel soke. Y jich me ya xchiknaj te toj te akuxlejalik sok te ma tut kapal ae, te ipꞌajem yuꞌun te tut batsꞌi jiche.

Bible in Tzeltal Bachajón

²⁴ soc lapahic me te yach'il cuxlejal, te hich pasbil te bin ut'il ay te Diose, te toj bin ya spas soc te ch'ultesbil ta smelelil.

Bible in Tzeltal de Oxchuc y Tenejapa

²⁴ C'u'inaic te yach'il cuxlejal yu'un Dios te la xchicnantes te pajal yilel soque. Jich me ya xchicnaj te toj awo'tanic ya x'ainex ta q'uinale soc te ch'ultesbil awo'tanic ta swenta te smelelil c'ope.

Efesios 4:24 ပူးပေါင်းရင်းမြစ်များ

San Lucas 1:75

Jich lek kaꞌteltik sok jun koꞌtantik ta stojol te jayeb kꞌaal kuxulotike.

San Juan 17:17

Lekutesbeya yoꞌtanik yuꞌun te tut batsꞌi jiche; te tut a te batsꞌi jiche jaꞌ te akꞌope.

Romanos 12:2

Ma me jichuk ya xkuxuyinex jich tutꞌil te machꞌatik kuxajtik te ora to. Jaꞌ lek akꞌa me ta jelontesel te tut ya anopike, yuꞌun jich me ya xjelon te tutꞌ kuxulexe. Jich me ya anaꞌbeyik sluwar te tut ya skꞌan yoꞌtan te Diose, jaꞌ bi, jaꞌ te tut lek ta pasele, sok te tut ben tsaꞌame, sok te tut ben toje.

Romanos 13:12

Te ajkꞌubale lom kꞌaxemix bael y tijilix ay tal te kꞌajkꞌaltike. Jaꞌ yuꞌun ya skꞌan ya jilestikix te tutik ay ta pasel ta ijkꞌal kꞌinale. Ya skꞌan ya jchap jbajtik yuꞌun te sakil kꞌinale jich tutꞌil jtul soltaro te lek xchapoj sba sok te smajkile sok yaꞌtajibe.

Romanos 13:14

Jaꞌ lek chapa abaik ta skuenta te Kajwaltik Jesucristoe jich tutꞌil jun jmakiltike. Ma me anopikix te tut ma tsaꞌamuk ya skꞌupin te atiꞌbalulike.

Romanos 6:4

Yuꞌun ta skuenta te ichꞌjaꞌe jun nax a mujkotik sok Cristo y jchamotik. Sok jich tutꞌil chaꞌkux te Cristoe ta skuenta te slekil spoder te Jtatik Diose, jich ya xchaꞌkuxotik, sok ya kichꞌtik achꞌ kuxlejal.

Romanos 7:6

Pero te ora to chamenotikix yuꞌun te mantaliletike te sjapuyejotik ta spodere. Jich kolemotikix yuꞌun ya xtuunotik ta stojol Dios sok te achꞌ jkuxlejaltik ta skuenta te Espiritue, y ma jaꞌukix ta skuenta te antibo mantaliletik tsꞌibabile.

Romanos 8:29

Jaꞌ te machꞌatik tsabilik ta nail to yuꞌun te Diose, te la snop Dios ta slijkibal to te jich ya xkꞌotik te tutꞌil Xnichꞌane. Yuꞌun jich ya xkꞌot te Xnichꞌan te jaꞌ bankilal yuꞌun te bayal yijtsꞌinabe.

1 Corintios 15:53

Yuꞌun te jtiꞌbalultik te ya xkꞌaꞌe puersa ya xjelon yuꞌun te makꞌ ya xkꞌaꞌix aye. Y te jtiꞌbalultik te ya xlaje ya xjelon, makꞌ me xchamix a.

2 Corintios 3:18

Jaꞌ yuꞌun, jpisiltik joꞌotik maꞌyukix pakꞌ te ya smakbotik jsit-kelawtike. Jachikotik xanix tutꞌil jun espejo te xlemet yuꞌun stsaꞌamul te Kajwaltike. Y yipalotik ta yanejel jich mismo tutꞌ steklejal te kichꞌojbetik mas te slekilale. Yuꞌun jich yaꞌtel te Kajwaltike, te Espíritu stukele.

2 Corintios 4:16

Jaꞌ yuꞌun ma me wakꞌ chebajuk koꞌtantik, aunke yipal ta lajel yip te jtiꞌbalultike. Pero te yutil koꞌtantike yipal ta achꞌubel jujun kꞌaal.

2 Corintios 5:17

Jich yuꞌun te machꞌa jun nax ay sok te Cristoe achꞌ genteix. Te tutꞌil ay te nail toe, kꞌaxix bael; te tutꞌ ayix te ora to, achꞌubenix.

Gálatas 3:27

Porke ta apisilik te la awichꞌikix jaꞌe jich jun nax a kꞌoex sok a te Cristoe, y jich jelonemexix ta skuenta a te Cristoe.

Gálatas 6:15

Porke ta skuenta te Cristo Jesuse ma baleukix a kꞌot teme kichꞌojtik o ma kichꞌojtikuk te sirkunsisione. Te tut balee, jaꞌ te achꞌubenotiquixe.

Efesios 2:10

Yuꞌun jaꞌ te Dios te machꞌa la spasotike. Stukel a xchiknatesotik ta skuenta te Cristo Jesuse, yuꞌun ya jpastik te lekil aꞌtele, jich tutꞌil xchapoj te nail toe yuꞌun jich me ya kaꞌtelintik spasel.

Efesios 2:15

Ta stiꞌbalul te Cristoe la slajinbe skꞌoplal te mantaliletik te ya yakꞌ jpastik spisil te tut ya yale. Y jich a spas ta jun nax yachꞌil jtejklum te xchebal jtejklume. Jun nax a kꞌot ta skuenta, sok jich a yakꞌ bujtsꞌan kꞌinal.

Efesios 6:11

Chapa abaik sok spisil te amajkilik te ya yaꞌbeyex te Diose, yuꞌun jich me ya xjuꞌ awuꞌunik a te makꞌ sloꞌlayex te pukuje.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 1:8

Pero te skꞌoplal te Xnichꞌane, jich a yal: “Jaꞌat te Diosate, sbajtel kꞌinal ay te awaꞌtele, y te awaꞌtele toj ya xchapawanat.

Hebreos 12:14

Oꞌtaninaik te jun bujtsꞌan kꞌinal ya awaꞌiyik ta apisilike sok te lekuk ay bael te akuxlejalike. Teme ma lekuk te yoꞌtane, maꞌyuk machꞌa ya yilbey sit te Kajwaltike.

1 Pedro 2:2

Jachikukex me te tutꞌil untik te ayinel toe, leaik me te lekil lech ta skuenta te Espiritue. Yuꞌun jich me ya xchꞌiex ta skuenta sok jich me ya ataik a te kolele,

2 Pedro 1:4

Ta skuenta te tutik to, la yalbotik te tut ya yaꞌbotik ta patile, te kꞌax lom tsaꞌam y lom mukꞌe. Yuꞌun jich pajal kileltik ya xkꞌootik sok te tutꞌil ay te Diose, sok te libre ya xjilotik yuꞌun spisil te tutik ma lekuk te kꞌayemik ta spasel liꞌ ba balmilale.