Efesios 4:22 - Nuevo Testamento Tzeltal de Amatenango

²² Te tutꞌil ay te antibo akuxlejalike, jilesaik ta pasel te kꞌaꞌ kuxlejal yuꞌun atiꞌbalulik te makꞌ xtuune, yuꞌun loꞌlabilex yuꞌun te tut ma tsaꞌamuk ya skꞌan awoꞌtanike.

Bible in Tzeltal Bachajón

²² Cholahic loq'uel te apoco'-talelic te bin ut'il ayex ta nahil to, te yac ta bohlobel ta scaj lo'loyel ta mulil;

Bible in Tzeltal de Oxchuc y Tenejapa

²² Ijq'uitayaic me te apocol cuxlejalic jich te bit'il ayex ta neelal toe. Melel spisil boloben te apocol cuxlejalique, yu'un c'aemix abaq'uetalic a te mulile.

Efesios 4:22 ပူးပေါင်းရင်းမြစ်များ

Romanos 6:6

Jnaꞌojtik te tutꞌil ayotik te nail toe jojkꞌaj ta krus sok Cristo, yuꞌun teꞌ jimix jilel a te spoder te jkꞌaꞌ kuxlejaltik te puru mulil aye, y ma ba ya smosoinotik xan te mulile.

Romanos 7:11

Porke te mulile jaꞌ a yabatin te mantaliletike y jaꞌ a sloꞌlayon. Y mismo te mantaliletike jaꞌ a smilon.

2 Corintios 11:3

Pero ya xiꞌon yuꞌun, te jich tutꞌil te chan te ben maño la sloꞌlay te xꞌEvae, teme jich ya sloꞌlayex ekꞌa te jaꞌexe. Y teme te ya xchꞌay ta apensarik te tut lek anopojik ta stojol te Cristoe.

Gálatas 1:13

Te jaꞌexe awaꞌiyejikix te tut kilel te nail toe te kꞌalal jun ayon sok a te juriyoetike. La jtentalan sok la kilbajinlan te hermanoetik yuꞌun Dios y jnopoj ya jtupꞌbe skꞌoplal.

Efesios 2:3

Y jich ayotik ta jpisilik ekꞌa te ay kꞌaale. Jaꞌ jtamojtik te tut ya skꞌan te jtiꞌbalultike, y jaꞌ la jpastik te tutik nax ya skꞌan te jmulawil tiꞌbalultike y sok te tutik ya jnoptike. Ta skaj te jich ayotike tey ya jtatik kastigo yuꞌun te Diose, jich tutꞌil te yanetike.

Efesios 4:17

Jich yuꞌun ya kalbeyex y ya jpasex ta mantal ta skuenta te Kajwaltike: Te ma me jichukix ya xꞌanex te tutꞌil yanetik genteetike te ma xchꞌuunejikuk te Diose, te jaꞌ nax ya spasik te tut ya snop ta jowil nax spensarike,

Efesios 4:25

Jaꞌ yuꞌun jilesaik me te le-lote. Jaꞌ lek te jaꞌ ya awalik ta juju-tulex te tut batsꞌi jich ta stojol te ajoy ta genteile. Porke jpisiltik jun nax ayotik.

Efesios 4:31

Chꞌojaik lokꞌel te ilbajinwaneje, te kꞌajkꞌubele, sok te iliꞌbae, te alabiyanwaneje, te ixtaꞌkꞌoptawaneje, y spisil ta jkaj te tut ma lekuke.

Colosenses 2:11

Sok xan, te jaꞌex te jun nax ayex sok te Cristoe, awichꞌojikix sirkunsision. Ma jaꞌuk te sirkunsision te ya xꞌakꞌot ta tiꞌbalulile, sino ke jaꞌ te libre ayexix yuꞌun te amulawil tiꞌbalulike. Jaꞌ te sirkunsision te talem ta skuenta te Cristoe.

Tito 3:3

Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.

Hebreos 12:1

Jaꞌ yuꞌun, te joꞌotike joybilotik ta bayal gente te machꞌatik ya yakꞌix ta ilel te xchꞌuunejik Diose. A me jilestik ta xujktik spisil te tut a te ya smakotike y sok te mulil te ya sjoyotike. Y ya me jpastik puersa ta animal te ya xkꞌoj jtajtik te tut ay ta jtojoltike.

Hebreos 3:13

Jaꞌ ya skꞌan yoꞌtik to talel bael xꞌatsits abaik ta jujun kꞌaale, skuenta yuꞌun ni jtuluk a te jaꞌex te ya ataik loꞌlayel yuꞌun te mulile te ya yakꞌ xtulanub te awoꞌtanike.

Santiago 1:21

Jich yuꞌun jilesaik me te jaꞌexe spisil te tut skuenta balmilale sok te ben bayal te tut ma lekuke. Junuk me awoꞌtan chꞌuunaik te skꞌop Dios te tsꞌunbilix ta awoꞌtanike, te jaꞌ ya xjuꞌ yuꞌun te ya skoltayexe.

Santiago 1:26

Teme ay machꞌa ya skuy sba te lek xchꞌuunej Diose, pero ma snaꞌ skomel te stiꞌe, stukel mismo sloꞌlayej sba, y te tut xchꞌuuneje ma baleuk a kꞌot a.

1 Pedro 1:18

Yuꞌun Dios la skoltayex te jaꞌexe yuꞌun te akuxlejalik te jowil nax te la yaꞌbeyex jilel te antibo ameꞌ atatike. Te jaꞌexe lom lek anaꞌojik te stojol te kolel to maꞌ yichꞌ tojel ta tutik te ya xkꞌaꞌe, jich tutꞌil te oro o te platae,

1 Pedro 4:3

Bayal kꞌaal la apasik te jaꞌexe jich mismo te tutik ya spasik te machꞌatik ma snaꞌbeyik sba te Diose. Jich kꞌayex ta spasel te mulile, sok te tut ma tsaꞌamuk te ya skꞌan awoꞌtanike, sok te yakubele, y niketel ta pas-kꞌin, y lom nax la alajinik atakꞌinik, y la akejan abaik ta stojol lotil diosetik te kꞌax ma tsaꞌamuke.

2 Pedro 2:13

Ya me xꞌaꞌbot stojik ta wokolajel te tutꞌil la yakꞌ kꞌaxuk swokol ekꞌa te yane. Skuyojik te jun yoꞌtanike te juju tsꞌin nax ya spasik te tut ya skꞌupinik spasele. Jaꞌ jun kꞌexlal y jaꞌ ya yixlanbe akꞌoplalik te kꞌalal ya ajoyin abaik sok te ba akꞌinike. Sok sbujtsꞌ yoꞌtanik ya spasik te tut ma lekuke te ya xloꞌlawanike.

2 Pedro 2:7

Pero la skoltay lokꞌel te jLot, te toj ta winikile. Jaꞌ te machꞌa a wokolaj sok xkuxlejal yuꞌun te tut kꞌayemik ta spasel te machꞌatik ma lekikuk.