Efesios 4:18 - Nuevo Testamento Tzeltal de Amatenango

¹⁸ sok te ijkꞌuben ay te yoꞌtanike. Te stukelike makꞌ skꞌupinik te xkuxlejalik te ya xtal ta stojol te Diose. Porke yuꞌun ma snaꞌik kꞌinal ta skaj te stulanil yoꞌtanike.

Bible in Tzeltal Bachajón

¹⁸ te ay ta yihc'al q'uinal te spensaric soc namal ayic ta stojol te cuxlejal yu'un Dios ta scaj te ma sna'ic q'uinal, ta scaj te tulan te yo'tanique.

Bible in Tzeltal de Oxchuc y Tenejapa

¹⁸ Ay ta ijc' q'uinal te yo'tanique. Ma'yuquic ta stojol te Diose yu'un ma'yuc bi ya sna'ic ta scaj te boloben te yo'tanique.

Efesios 4:18 ပူးပေါင်းရင်းမြစ်များ

San Mateo 13:15

Yuꞌun kꞌax tulanix yoꞌtanik te gente to. Wokol ya xkꞌot ta xchikinik te kꞌope. Smutsꞌoj sitik yuꞌun ma skꞌan yilik ta sitik, sok ma skꞌan yaꞌibeyik sluwar kꞌop ta xchikinik, sok ma xkꞌot ta yoꞌtanik. Sok ma skꞌan sujtes yoꞌtanik ta jtojol, yuꞌun ma skꞌanik koltayel kuꞌun”, xchi te Diose.

San Marcos 3:5

Te Jesuse la skꞌelulanbe sit te machꞌatik joybil yuꞌune. Ilin yoꞌtan sok ay yajtal yoꞌtan yuꞌun te tutꞌil ben tulan yoꞌtanike. La yalbe tsꞌin te winike: —Jacha te akꞌabe —la yut. Te winike la xjach te skꞌabe y lek a jil.

San Juan 12:40

“Dios a xchokutesbe sitik sok la stulantesbe yoꞌtanik, yuꞌun jich ma xyilik a, ni ma xyaꞌibe sluwar a te tut ya xꞌaltalanbote. Jich ma sujtes yoꞌtanik ta jtojol, y te joꞌone makꞌ jlekutes”, xchi me.

Hechos 17:30

Te Diose maꞌyuk tuti yal yuꞌun te jich yipal kꞌaal ayikix tal ta spasel te gente te ma snaꞌbe sluware. Yan te ora to ya spasix ta mantal spisil genteetik ta bayuk te ya sujtes yoꞌtanik ta stojole.

Hechos 3:17

La jnaꞌix kermanotak te jaꞌex sok te statal awuꞌunik la amilik te Jesuse yuꞌun ma la anaꞌbeyik sluwar te tut la apasike.

Romanos 1:28

Yuꞌun ma skꞌan snaꞌbeyik sba te Diose, jich a jileslanot yuꞌun te Diose, jaꞌ te puru chꞌayel te tut snopojike, yuꞌun aꞌ spas te tut ma lekuk ta pasele.

Romanos 11:25

Kermanotak, ya jkꞌan te ya anaꞌik te tutꞌil ay te kꞌop to te ma akꞌot ta naꞌel ta nail toe, jaꞌ te tut snopoj ta yoꞌtan te Diose, skuenta yuꞌun makꞌ me ya atoy abaik a te tutꞌil ay apꞌijil ta akꞌopike. Te israeletike ay tulanejem yoꞌtanik olil, jaꞌ to teme tsꞌakay ta spisil te jich yipal ya xchꞌuunik Dios te machꞌatik ma stsꞌumbaluk Israele.

Romanos 11:7

Jich ya jnaꞌtik te ma juꞌ yuꞌunik te israeletike te tut la sleike. Pero te machꞌatik tsabilik yuꞌun te Diose jich la staik ta leel stukelik. Te yane tulanej bael yoꞌtanik,

Romanos 2:19

Jaꞌ ya awal te ya xjuꞌ awuꞌun stojotesel te machꞌatik ma xyil kꞌinale; y ya awaꞌbe yil kꞌinal te machꞌatik ya xbeenik ta ijkꞌal kꞌinale.

1 Corintios 1:21

Te Diose ta skuenta spꞌijil maꞌ yakꞌ sba ta naꞌel yuꞌun te machꞌatik ay ta skuenta te balmilale; maꞌ snaꞌbeyik sba ta skuenta te spꞌijilik naxe. Jaꞌ lek a yaꞌi te Diose te ya skoltay ta skuenta skꞌop te ya stikon ta alel ta stojol te machꞌatik ya xchꞌuunike, aunke te skꞌoplal to jowil nax kꞌoem ta yoꞌtanik.

1 Corintios 2:8

Jaꞌ to jaꞌ te ma snaꞌbeyik sluwar te machꞌatik sjapuyejik te balmilal to. Yuꞌun te kꞌoemuk ta yoꞌtanike maꞌ smilik ta krus te ajwalil yuꞌun te lekilale te jichuke.

2 Corintios 3:14

Pero te stukelike ni maꞌ kꞌot ta yoꞌtanik te jich aye. Y jich to ta ora to kꞌalal ya yilik te antibo tratee, ma xkꞌot ta yoꞌtanik a, jich tutꞌil makal to sitik yuꞌun te pakꞌe. Yuꞌun mato lokꞌemuk, porke jaꞌ nax ya xlokꞌ ta skuenta te Cristoe.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

Gálatas 4:8

Te nail toe, kꞌalal ma to xꞌanaꞌbeyik sba Dios te jaꞌexe, ayex to ta mosoinel yuꞌun te lotil diosetike.

Efesios 2:1

Ta nail to te jaꞌexe chamenex kꞌoem ta skaj te kꞌayemex ta pasel tutik ma tsaꞌamuke y sok te muliletike,

Efesios 2:12

Naꞌaik me te ay kꞌaal maꞌyukex ta skuenta te Cristoe. Parte ayex sok te nasion yuꞌun Israele, y maꞌyuk awochelik a te trateetik sjapꞌoj te Diose. Jich nax kuxulex ta balmilal. Maꞌyuk Dios awuꞌunik y ni maꞌyuk tut ya amaliyik.

Colosenses 1:21

Te jaꞌexe jyanlumex ta nail to, sok akontrainejik ta awoꞌtanik te Diose yuꞌun te tutik ma lekuk la apasike.

1 Tesalonicenses 4:5

Ma me jaꞌuk nax ta skuenta skꞌanojel atiꞌbalul te ya awikꞌ awinamin te antse, jich tutꞌil te genteetik te ma snaꞌbeyik sba te Diose.

Hebreos 5:2

Te saserdote ya xjuꞌ ya xkꞌuxutay te machꞌatik ma snaꞌik kꞌinal y sok te machꞌatik chꞌayemike, yuꞌun pajal maꞌyuk yip yoꞌtan sok.

Hebreos 9:7

Pero ta xchaꞌkꞌaelale jaꞌ nax ya xꞌoch a te statal saserdotee, y yal jmel ya xꞌoch ta jun jaꞌbil. Te kꞌalal ya xꞌoche, ya skꞌan ya yichꞌ ochel xchꞌichꞌel chambalametik, yuꞌun ya yakꞌ xchꞌayil smul stukel y sok te xchꞌayil smulik te jtejklum te ma snaꞌik tutꞌil la sta te smulike.

Santiago 4:4

¡Jaꞌex genteetik te ma junuk awoꞌtanike! ¿Meꞌn ma anaꞌojikuk te machꞌatik jun yoꞌtan sba sok te balmilale, jaꞌ skontrainejik te Diose? Machꞌauk a te ya skꞌan te jun yoꞌtan sba sok te balmilale, jaꞌ ya skontrain te Diose.

1 Pedro 1:14

Jachik tutꞌil alnichꞌaniletik te chꞌuunej mantale, ma me jichuk ya xkuxuyinex te tutik ya skꞌan awoꞌtanik te ay la apasik te nail to te ma to xꞌanaꞌbeyik sba a te Diose.

1 Juan 2:11

Pero te machꞌa ya spꞌaj te yermanoe, ay ta ijkꞌal kꞌinal sok teꞌ ya xbeen a. Y ma snaꞌ te ba ya xbajte, porke te site makbil yuꞌun te ijkꞌal kꞌinale.