Efesios 4:15 - Nuevo Testamento Tzeltal de Amatenango

¹⁵ Jaꞌ lek ya kaltik sok skꞌuxul koꞌtantik te tut batsꞌi jich. Jich ya xmukꞌubotik ta spisil te tutꞌil ay te Cristoe, te jaꞌ jolol yuꞌun te machꞌatik yuꞌune.

Bible in Tzeltal Bachajón

¹⁵ pero smelelil ya xc'opojotic ta scuenta sc'uxul co'tantic, spisil behbehucotic me ta muc'ubel ta stojol te Jolal, ha te Cristo,

Bible in Tzeltal de Oxchuc y Tenejapa

¹⁵ Ja' ya sc'an te ya jt'untic bael te smelelil c'op ta swenta xc'uxul co'tantic, ya sc'an ya xch'iotic jpisiltic ta stojol te mach'a jolol cu'untique, ja' bi ja' te Cristoe.

Efesios 4:15 ပူးပေါင်းရင်းမြစ်များ

San Juan 1:47

Kꞌalal te Jesuse la yil te yipal tal ta tijilajel te jNatanaele, la yal: —Liꞌ ayix tal te jtul batsꞌi israel te maꞌyuk lot ta yoꞌtane —xchi skꞌoplal.

Romanos 12:9

Kꞌux me xꞌawaꞌiy abaik ta awoꞌtanik juju-tul. Pꞌajaik te tut ma tsaꞌamuke, y jaꞌ xꞌatamik te tut leke.

1 Corintios 11:3

Pero ya jkꞌan ya anaꞌik te Cristo jaꞌ jolol yuꞌun spisil te winketike. Y te winike jaꞌ jolol yuꞌun te yiname, jich tutꞌil te jaꞌ sjol Cristo te Diose.

2 Corintios 4:2

La jpꞌatikix jilel te tutik kꞌexlaltik sba ay ta pasel ta mukule. Ma jloꞌlawanejukotik ni makꞌ jyanutestik te skꞌop Diose. Jaꞌ nax ya kaltik te tut batsꞌi jiche. Y te jich aye, jich ya kaꞌbetik yilik te yanetik te jun koꞌtantik ta sit te Diose.

2 Corintios 8:8

Ma yauk kalbeyex mantal te jich ya apasike. Jaꞌ nax ya jkꞌan ya anaꞌik te jun yoꞌtanik yipal ta xchapel te yane. Yuꞌun me ya awakꞌik ta ilel te tutꞌil ay te xkꞌuxul awoꞌtanik te batsꞌi jiche.

Efesios 1:22

La yakꞌ te ya xchꞌuunbeyik smantal Cristo spisil te tutik aye, sok la yakꞌ te jaꞌ jolol yuꞌun spisil te juju-tijkꞌ hermanoetik te Cristoe.

Efesios 1:4

Dios la stꞌujotik ta skuenta Cristo antes te ma to spas a te balmilale, yuꞌun jich me tojutesbilotikix ta skuenta y maꞌyukix jmultik ya xkꞌootik ta sit.

Efesios 2:21

Jun nax ayex sok te Cristoe. Jich kꞌoemex tutꞌil jun mukꞌul na te yipal ta jajchele, asta ya xkꞌoex ta jun templo te chꞌultesbile sok te jun nax ay sok te Kajwaltike.

Efesios 4:25

Jaꞌ yuꞌun jilesaik me te le-lote. Jaꞌ lek te jaꞌ ya awalik ta juju-tulex te tut batsꞌi jich ta stojol te ajoy ta genteile. Porke jpisiltik jun nax ayotik.

Efesios 5:23

Porke te mamlalile jaꞌ jolol yuꞌun te yiname jich tutꞌil te Cristo jaꞌ jolol yuꞌun te juju-tijkꞌ hermanoetike. Te Cristoe jaꞌ jkoltawanej yuꞌun te juju-tijkꞌ hermanoetike, te jaꞌ stiꞌbalul kꞌoeme.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

1 Pedro 2:2

Jachikukex me te tutꞌil untik te ayinel toe, leaik me te lekil lech ta skuenta te Espiritue. Yuꞌun jich me ya xchꞌiex ta skuenta sok jich me ya ataik a te kolele,

2 Pedro 3:18

Pero naꞌbeyaik sba lek te Kajwaltik Jesucristo te jKoltawanej kuꞌuntike. Y mukꞌubanik xan sok te slekil yoꞌtane. Ben tsaꞌam slekil stukel te ora to y sok ta sbajtel kꞌinal. Jichuk.

1 Juan 3:18

Kuntikil, ma me jaꞌuk nax te ya kaltik te ay skꞌuxul koꞌtantike, sinoke ya skꞌan ya xchiknaj ta skuenta te tut ya jpastike.