Efesios 4:12 - Nuevo Testamento Tzeltal de Amatenango

¹² Jich la xchap te ay machꞌatik ya skoltay te yanetik yuꞌun ya smukꞌutes te machꞌatik yuꞌun te Cristoe.

Bible in Tzeltal Bachajón

¹² scuenta yu'un ya schahpanic ta lec te mach'atic ch'uhltesbilic scuenta spasel te ya'tel Dios, scuenta yu'un ya yich' yip te sbaq'uetal Cristo,

Bible in Tzeltal de Oxchuc y Tenejapa

¹² Swenta yu'un jich me ya xtojobic a te mach'atic ch'ul lum yu'un Dios te ya spasic te at'ele, soc swenta yu'un jich me ya xmuc'ub a te jch'uunjeletic yu'un te Cristoe.

Efesios 4:12 ပူးပေါင်းရင်းမြစ်များ

San Lucas 22:32

Pero la jkꞌambeyix te Diose yuꞌun te manchuk ya xchꞌay te xchꞌuunel awoꞌtan ta jtojol te jaꞌate. Te jaꞌate te kꞌalal ya achaꞌsujtes awoꞌtan ta jtojole, koltaya me te awermanotake, aꞌbeya me smukꞌul yoꞌtanik —xchi.

Hechos 1:17

Te Judase, te la joyin jbajtik soke sok te pajal a kichꞌ kaꞌteltik soke,

Hechos 1:25

yuꞌun jaꞌ ya yichꞌ yaꞌtel ta apostolil. Yuꞌun te Judase chꞌay yuꞌun te smule, te kꞌalal bajt te ba luwar te ba la skꞌan a bajte —xchiik ta skꞌoponel te Diose.

Hechos 11:23

Te kꞌalal kꞌot teꞌa te jBernabee la yil te aꞌbilix bendision yuꞌun Dios te machꞌa ma juriyouke y ben jun yoꞌtan yuꞌun. La stsitstalan spisil te ben junuk yoꞌtanik ta stojol te Kajwaltike.

Hechos 20:24

Pero makꞌ yakꞌ yajtal koꞌtan yuꞌun. Ma kocheluk te tutꞌ ay te jkuxlejale. Jaꞌ nax tulan skꞌoplal ta koꞌtan te ben jun koꞌtan ya jlokꞌes te jayeb kꞌaal ay ta jkuentae, jaꞌ to te ya xkꞌot koraile. Sok te ya juꞌutes kaꞌtel te yakꞌojbon te Kajwaltik Jesuse te jamal ya kal te tutꞌil ay te lekil achꞌ kꞌop yuꞌun te slekil yoꞌtan te Diose.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Hechos 9:31

Jich te hermanoetik te aylan ta estadoetik yuꞌun Judeae sok ta Galilea y sok ta Samaria ben jun yoꞌtanik yipalik ta pꞌijubel ta skuenta Espíritu. La xchꞌuunik ta lek te Kajwaltike, y koltalanot yuꞌun te Chꞌul Espiritue jich yipalik ta pꞌolel ta mas.

Romanos 12:5

Jich euk te joꞌotike. Aunke ben bayalotik, jun nax ayotik ta skuenta te Cristoe, y jich jun nax ayotik ta jpisiltik ta juju-tul, jich mismo tutꞌil te jtiꞌbalultike.

Romanos 12:7

Teme jaꞌ yakꞌojbotik te majtanil te ya xtuunotik yuꞌun te yane, lek me a wak tuunukotik. Te machꞌa yichꞌoj te majtanil yuꞌun te ya snojpeswanej, a me nojpeswanuk.

Romanos 14:19

Jich yuꞌun, a me jlejtik spisil te tut bujtsꞌan ya kaꞌitik yuꞌune, jich talel bael ya jkoltay bajtik ta xchꞌuunel xan te Diose.

Romanos 15:14

Jaꞌex kermanotak, jnaꞌoj ta lek te jaꞌexe beno slekil awoꞌtanik y spisil anaꞌojikix. Y anaꞌojikix te talel bael ya atsits abaike.

Romanos 15:2

Joꞌotik ta jpisiltik jaꞌ ya skꞌan te lek ayotik sok te joytik ta genteile, y aꞌ pasbetik te tut leke skuenta ya xjuꞌ ya xmukꞌub xan ta xchꞌuunel a te Diose.

Romanos 15:29

Y ya jnaꞌ te kꞌalal ya xkꞌoon te ba ayexe ya me yaꞌbeyex bayal bendision te Cristoe ta skuenta te lek achꞌ kꞌope.

1 Corintios 12:27

Te jaꞌexe stiꞌbalul Cristo kꞌoemex, y ta juju-tulex ja yok-skꞌab kꞌoemex.

1 Corintios 12:7

Dios ya yaꞌbe ta juju-tul te ay tut ya spas ta skuenta te Espiritue yuꞌun jich ya sta slekilalik ta spisilik a.

1 Corintios 14:12

Jaꞌ yuꞌun, te jaꞌexe te ben jun awoꞌtanik ya akꞌanik te majtaniletik yuꞌun te Espiritue, oꞌtaninaik ta mas te majtaniletik te ya skoltayik ta smukꞌutesel ta skuenta espíritu te juju-tijkꞌ hermanoetike.

1 Corintios 14:14

Yuꞌun teme ya jkꞌopon Dios ta yan kꞌopile, batsꞌi jaꞌ nax ya jkꞌopon Dios sok te jchꞌulele. Pero maꞌyuk tut ya kaꞌibe sluwaril a.

1 Corintios 14:26

Jaꞌ yuꞌun, kermanotak, te kꞌalal ya atsob abaik te jaꞌexe, ay yan ya xjuꞌ yuꞌun skꞌayojinel kꞌayojetik, sok ay yan ya snojpeswan, sok ay yan ya yal te tut ya xꞌaꞌbot snaꞌ yuꞌun Dios, sok ay yan ya xkꞌopoj ta yanetik kꞌopiletik, sok ay yan ya skꞌases te yanetik kꞌopiletike. Pero ta spisiluk me, jaꞌuk me yuꞌun te ya xmukꞌubik ta stojol Dios ta spisilik a.

2 Corintios 12:19

¿Meꞌn jich akuyotik te ya nax jmak jbajtik ta kꞌop ta atojolike? Pero ma jichuk. Ta stojol Dios ya xkꞌopojotik, sok jich tutꞌil te machꞌatik ay ta skuenta te Cristoe. Y spisil to, kermanotak te ben kꞌuxex ta koꞌtane, yuꞌun jich te jaꞌexe ya me xmukꞌubex ta stojol Dios.

2 Corintios 13:11

Ta slajibal, kermanotak, ya jkꞌan te junuk awoꞌtanik ayexe, y te ya aleik te ya xtojob akuxlejalike. Aꞌbeya abaik spuersa awoꞌtanik y junuk awoꞌtan abaik, y bujtsꞌanuk me kꞌinal. Aꞌ me sjoyinex te Dios te ay slekil yoꞌtan y sok te ay bujtsꞌan kꞌinal yuꞌune.

2 Corintios 13:9

Jaꞌ yuꞌun ben jun koꞌtantik te kꞌalal maꞌyuk jpuersatike, teme tulanex te jaꞌexe. Y sigue ya jkꞌopontik Dios yuꞌun te yauk xtojobex ta leke.

2 Corintios 3:8

¿me ma wan jichuk xan ta mas stsaꞌamul te tut ya yal te achꞌ trate yuꞌun te Espiritue?

2 Corintios 4:1

Jaꞌ yuꞌun ma xchebaj koꞌtantik, porke ta slekil yoꞌtan te Diose la yaꞌbotik te aꞌtel to.

2 Corintios 5:18

Spisil lito jaꞌ yaꞌtel te Diose, te la yakꞌ junajuk koꞌtantik sok ta skuenta te Cristoe. Y la yaꞌbotikix kaꞌteltik te ya kaꞌbetik te ya xjunaj yoꞌtan sbaik sok Dios spisil te genteetike.

2 Corintios 6:3

Ma me ayuk tut ma tsaꞌamuk ya kakꞌtik ta ilel ta skuenta te yane, yuꞌun ma me ayuk machꞌa ya yal te ma tsaꞌamuk te kaꞌteltike.

2 Corintios 7:1

Jich yuꞌun, kermanotak te ben kꞌuxex ta koꞌtane, jaꞌ to jaꞌ te sjapojbotik Dios ta jtojoltik. Jaꞌ yuꞌun ya me skꞌan te ya sakutes jbajtik yuꞌun spisil te tut ya yijkꞌutesotik sok te jtiꞌbalultike sok te koꞌtantike. Y te tutꞌil ya skꞌan xiꞌel te Diose ya me skꞌan te jmel nax ya kakꞌ jbajtik ta skuentae.

Efesios 1:23

Yuꞌun te juju-tijkꞌ hermanoetike jaꞌ stiꞌbalul kꞌoem te Cristoe. Jich tsꞌakalix a kꞌot a te Cristoe, y te Cristoe jaꞌ tsꞌakal yuꞌun spisil te tutik aye.

Efesios 4:16

Ta skuenta Cristo spisil te jchꞌuunjeletik ya yichꞌik chapel te jun nax ya xkꞌotik yuꞌun, ta skaj te jun ayik soke. Y kꞌalal lek ya spasik te aꞌtel te ay ta skuenta juju-tul spasele, spisilik ya me xchꞌiik bael sok ya me xmukꞌubik bael ta skuenta te skꞌuxul yoꞌtanike.

Efesios 4:29

Ma me awalik te ma tsaꞌamuk kꞌopetik, jaꞌ nax me xꞌawalik te lekil kꞌopetike te snujp ta alele, te ya skoltay ta smukꞌutesel te machꞌatik ya yaꞌiyike, skuenta jich me ya staik bendision.

Efesios 4:4

Jun nax atiꞌbalulik y jun nax te Espíritu awikꞌojike, jich tutꞌil te Dios te la yikꞌex te jun nax te tut ya amaliyike.

Colosenses 1:24

Te ora to ben jun koꞌtan te ayon ta wokol ta akajike. Porke te tutꞌil jich aye jaꞌ ya jtsꞌakutes ta jtiꞌbalul te tutik xan ya skꞌan xkꞌax swokol te Cristoe, yuꞌun te machꞌatik xchꞌuunejikixe, te jich kꞌoemik tutꞌil te stiꞌbalule.

Colosenses 1:28

Te joꞌotike ya kalbetik skꞌoplal te Cristoe, ya jtsitstik y ya jnojpestik ta spisilik ta spꞌejel pꞌijilil, yuꞌun jich me tojobenikix ya xlaj kꞌot ta skuenta a te Cristoe.

Colosenses 4:17

Albeyaik te Arquipoe te a me sjuꞌutes ta lek te yaꞌtel te jich aꞌbil yuꞌun te Kajwaltike.

1 Timoteo 1:12

Ya kalbe kola yal te Kajwaltik Jesucristoe te jaꞌ a yaꞌbon jpuersae, porke ya yil te jun koꞌtane, y la yaꞌbon kichꞌ kaꞌtel,

2 Timoteo 4:11

Jaꞌ xanix te jLucas te liꞌ sjoyinejone. Lea tal te jMarcose sok ikꞌa tal, porke ya xjuꞌ ya skoltayon yuꞌun te aꞌtele.

2 Timoteo 4:5

Pero te jaꞌate, pꞌij me xꞌanat sil tiempo. Kujchuk me awuꞌun te wokoletike. Aꞌtelina me yalel te skꞌoplal kolele. Juꞌutesa me lek te awꞌatele.

Hebreos 13:17

Chꞌuunbeyaik me smantal te machꞌatik ya xꞌaꞌtejik ta atojolike y akꞌaik me ta jkuenta. Porke te stukelike jaꞌ ya skanantaybeyex te achꞌulelike, sok snaꞌojik te puersa ya xkꞌo yakꞌik jkuenta ta stojol te Diose. Aꞌbeya sbujtsꞌ yoꞌtanik ta spasel te aꞌtele, y ma me awaꞌbeyik yajtal yoꞌtanik. Yuꞌun teme ya awaꞌbe yajtal yoꞌtanike, ni maꞌyuk tut ya xlokꞌ awuꞌunik a.

Hebreos 6:1

Jich yuꞌun sigueukotik bael jaꞌ to te mukꞌul gente ya xkꞌootike. Ya skꞌan te ya xkꞌaxotik bael a te tut primero nojpesel yuꞌun te Cristoe. Ma me yauk xchaꞌsujtotik xan ta snopilanel te tutik ay ta slijkibale: jich tutꞌil te ya sujtes koꞌtantik te tut a jpastik te ya yakꞌotik bael ta lajele, o jich tutꞌil te ya skꞌan chꞌuunel te Diose,