Efesios 4:11 - Nuevo Testamento Tzeltal de Amatenango

¹¹ Y stukel mismo la yakꞌ te majtaniletik te ay apostoletike y machꞌatik ya yalik te skꞌop Diose, y yan ya yalbe skꞌoplal te kolele y ay yan pastoretik y maestroetik.

Bible in Tzeltal Bachajón

¹¹ Ha nix te la yac' te ay jpuc-c'opetic, jalwanejetic, te mach'atic ya yalic te lec yach'il c'op, pastoretic soc p'ijubteswanejetic,

Bible in Tzeltal de Oxchuc y Tenejapa

¹¹ Ja' nix Dios la yac'bey majt'aniletic ta stojol juju-jtul. Ay la yac'bey yich' yat'elic ta jpuc-c'op. Ay la yac'bey yich' yat'elic ta yalel sc'op Dios. Ay la yac'bey yich' yat'elic ta xcholel te lec yach'il c'ope. Ay la yac'bey yich' yat'elic ta pastoril. Soc ay la yac'bey yich' yat'elic ta p'ijubteswanej.

Efesios 4:11 ပူးပေါင်းရင်းမြစ်များ

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

Hechos 13:1

Te hermanoetik te ayik ta jtejklum Antioquiae ay jꞌalwanejetik sok maestroetik yuꞌun te skꞌop Diose, jaꞌ te jBernabe, sok Simon te jNegro te jun xan sbiile, sok te jLucio te talem ta jtejklum Cirenee, sok jManaen te pajal a chꞌi sok te jHerodes te och ta gobierno ta Galileae, sok te Sauloe.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Hechos 21:8

Ta xchebal kꞌaal lokꞌotik bael sok te jPabloe y kꞌootik ta jtejklum Cesarea. Teꞌ bootik ta sna te Felipe te yaꞌtelinej yalel ta bayuk te skꞌop Diose. Jaꞌ jtul ta sjukebal te la skoltalan ta aꞌtel te apostoletike. Teꞌ olanotik a.

Romanos 12:7

Teme jaꞌ yakꞌojbotik te majtanil te ya xtuunotik yuꞌun te yane, lek me a wak tuunukotik. Te machꞌa yichꞌoj te majtanil yuꞌun te ya snojpeswanej, a me nojpeswanuk.

1 Corintios 12:4

Skajal-skaj majtaniletik ya yaꞌbotik te Diose, pero te machꞌa ya yakꞌe jaꞌ mismo te Espiritue.

Efesios 2:20

Te jaꞌexe jich kꞌoemex tutꞌil jun mukꞌul na te lijkesbil yiptajib yuꞌun, jaꞌ te apostoletike y sok te jꞌalwanejetike. Y te Jesucristoe ja stonil te xchikin nae.

Efesios 3:5

te tut mukul ay te maꞌyuk machꞌa aꞌbot snaꞌ te ay tal kꞌaale. Pero te ora to Dios la yakꞌix ta naꞌel ta skuenta te chꞌul apostoletike y sok te jꞌalwanejetike ta skuenta te Espíritu yuꞌune.

Efesios 4:8

Jaꞌ yuꞌun te jich ya yal te Sjun Diose: “Mo bael ta chꞌulchan, yikꞌoj bael te machꞌatik chukajtike, y la yaꞌbe majtanil te winketike”, te xchie.

2 Timoteo 4:5

Pero te jaꞌate, pꞌij me xꞌanat sil tiempo. Kujchuk me awuꞌun te wokoletike. Aꞌtelina me yalel te skꞌoplal kolele. Juꞌutesa me lek te awꞌatele.

Hebreos 5:12

Te tutꞌil jalix kꞌaal achꞌuunejik te jaꞌexe, ya skꞌan te jaꞌukexix ya snojpeswanexe. Pero puersa ya to akꞌanik albeyel ta achꞌ te tutik ma tulanuk te nojpesel yuꞌun Diose. Yuꞌun jich ayexix te maꞌyuk a puersaike, ma xjuꞌix awuꞌunik sweꞌel te tulan weꞌelile. Ya to skꞌan ya awuchꞌik te leche.

Judas 1:17

Pero te jaꞌexe, kermanotak te kꞌuxex ta koꞌtane, naꞌaik me te tut la yalik te apostoletik yuꞌun te Kajwaltik Jesucristoe.

Apocalipsis 18:20

Jaꞌex te ayex ta chꞌulchane, kontentoukex me yuꞌun te jimix te mukꞌul jtejklum to; y kontentoukex me jaꞌex te machꞌatik ayex ta jtejklum yuꞌun te Diose, sok te machꞌatik apostoletike y te machꞌatik jꞌalwanejetike. Porke Dios la yaꞌbeyix stoj te tut ma lekuk a spasbeyex te jaꞌexe.

Apocalipsis 21:14

Te smakteꞌal ton te mukꞌul jtejklume ay yichꞌoj lajchayeb tonetik yuꞌun yiptajib, te teꞌ tsꞌibabil sbiilik a te lajchaytul apostoletik yuꞌun te Chꞌin Karnerae.