Efesios 3:7 - Nuevo Testamento Tzeltal de Amatenango

⁷ Jaꞌ jmajtan yuꞌun Dios te jich ayon te aꞌtel ta yalel skꞌoplal te kꞌop to ta skuenta spoder te Diose.

Bible in Tzeltal Bachajón

⁷ Ha a'bat c'ohemon yu'un te lec yach'il c'op ini ta scaj te yutsil mahtanil yu'un Dios te la ya'bon ta scuenta te ya'tel te yu'ele.

Bible in Tzeltal de Oxchuc y Tenejapa

⁷ Ja' swentail te ayon ta abatinel yu'un yalel in c'op to. Ja' jmajt'an yu'un Dios ta swenta yutsil yo'tan cu'un te bit'il yac ta at'el ta jtojol te yu'ele.

Efesios 3:7 ပူးပေါင်းရင်းမြစ်များ

Hechos 9:15

Pero te Kajwaltike la yalbe: —Baan, porke jtsaojix tal te winik me to. Yuꞌun ya me yalbon jkꞌoplal ta stojol te genteetik ta yanetik nasione, y sok euk te reyetik yuꞌune, y sok te israeletike.

Romanos 1:5

Ta skuenta te Jesucristoe, Dios la yaꞌbonix ta majtanil te ya xꞌochon ta apostol yuꞌune, yuꞌun ta spꞌejel balmilal ayuk machꞌa ya xchꞌuun te Jesucristoe.

Romanos 12:3

Jich tutꞌil yakꞌojbon kichꞌ kaꞌtel ta skuenta slekil yoꞌtan te Diose, ya kalbeyex ta apisilik te maꞌyuk machꞌa ya snop ta spensar te mukꞌ ya yakꞌ sbae. Jaꞌ lek nail ta juju-tul aꞌ snop te tut yaꞌiyel ya yaꞌi sbae, chikan te jayeb te xchꞌuunel-oꞌtanil aꞌbot yuꞌun te Diose.

Romanos 15:16

Jaꞌ kaꞌtel te ya xtuunon yuꞌun te Jesucristoe yuꞌun slekil a te machꞌatik ma juriyouke. Jich yabatinejon ta yalel skꞌoplal te kolel ya sjapbotik te Diose, yuꞌun jich me ya kikꞌ tal ochel ta stojol Dios te machꞌatik ma juriyouke. Jaꞌ smajtan Dios te ben tsaꞌam ya yil te lekutesbilix yuꞌun te Chꞌul Espiritue.

1 Corintios 15:10

Pero ta slekil yoꞌtan Dios te jich ayon te tutꞌil ayone, y te slekil yoꞌtan kuꞌune ma lomuk nax, yuꞌun atꞌejemonix bayal ke ta spisil te yanetike. Aunke ma joꞌukon kaꞌtel jtukel, yuꞌun jaꞌ aꞌtej ta jkuenta te Diose ta skuenta slekil yoꞌtan te la skoltayone.

1 Corintios 3:5

Ya skꞌan ya anaꞌik: ¿Machꞌa a te jPabloe? ¿Y machꞌa a te Apolose? Kꞌouk ta awoꞌtanik te abat nax ayotik yuꞌun Dios te la kaꞌbeyex achꞌuunikix te Kajwaltike. Yuꞌun ta juju-tul te joꞌotike jaꞌ la jpastik te aꞌtel a yaꞌbotik te Kajwaltike.

2 Corintios 3:6

yuꞌun stukel snojpesejotik yuꞌun te ya xtuunotik yuꞌun te achꞌ tratee. Jaꞌ trate to ma tsꞌibabiluk ta letra, jaꞌ nax ta Espíritu. Te mantal tsꞌibabile ya xꞌakꞌawan bael ta lajel. Pero te Espíritu yuꞌun Diose ya yakꞌ kuxlejal.

2 Corintios 4:1

Jaꞌ yuꞌun ma xchebaj koꞌtantik, porke ta slekil yoꞌtan te Diose la yaꞌbotik te aꞌtel to.

Gálatas 2:8

Yuꞌun mismo Dios a stikon te jPedro te jaꞌ apostol te ba ay te juriyoetike, jich a stikonon euk te tutꞌil apostol te ba ay te machꞌatik ma juriyouke.

Efesios 1:19

Y kꞌax mukꞌ y maꞌyuk slajibal te spodere te ya xꞌaꞌtej ta jtojoltik, joꞌotik te jchꞌuunejtike. Te spoder to jaꞌ mismo te la yakꞌ ta ilel te Dios sok bayal spuersae

Efesios 3:2

Yuꞌun ya skꞌan ya anaꞌik: Te ta skuenta slekil yoꞌtane, Dios la yaꞌbon kaꞌtel ta skuenta alekilik te jaꞌexe.

Efesios 3:20

Y te ora to aꞌ chiknajuk slekilal te Diose te ay spoder yuꞌun spasel bayal ta mas te tutik ya jkꞌanbetik o te tut ya jnoptike, ta skuenta te spoder te ya xꞌaꞌtej ta jtojoltike.

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

Efesios 4:16

Ta skuenta Cristo spisil te jchꞌuunjeletik ya yichꞌik chapel te jun nax ya xkꞌotik yuꞌun, ta skaj te jun ayik soke. Y kꞌalal lek ya spasik te aꞌtel te ay ta skuenta juju-tul spasele, spisilik ya me xchꞌiik bael sok ya me xmukꞌubik bael ta skuenta te skꞌuxul yoꞌtanike.

Colosenses 1:29

Jaꞌ yuꞌun te yipalon ta aꞌtel sok spisil te jpuersa ya yaꞌbon te Cristoe.

1 Tesalonicenses 2:13

Jaꞌ yuꞌun sil tiempo ya kalbetik kola yal Dios yuꞌun te kꞌalal la awaꞌiyik te skꞌoplal Dios te la kalbetikixe, la achꞌuunik te jaꞌ skꞌop te Diose, sok ma jaꞌuk skꞌop nax te winketike. Y batsꞌi jich te jaꞌ skꞌop te Diose, te yipalix ta aꞌtel ta akuentaik te jayebex te achꞌuunejike.

Hebreos 13:21

Jaꞌ me ya stojutesex ta spasel spisil te tut lek ya apasike, jich tutꞌil ya skꞌan yoꞌtan stukele. Sok jaꞌ a spasbotik te tut ya skꞌan stukele, ta skuenta te Jesucristoe. ¡Ay slekilal sbajtel kꞌinal stukel te Cristoe! Jichuk.