Efesios 3:6 - Nuevo Testamento Tzeltal de Amatenango

⁶ Te tut mukul aye, jaꞌ to: Jaꞌ ta skuenta te skꞌoplal kolel, te machꞌatik ma juriyouke mismo ya yichꞌik te majtanil te tutꞌ yuꞌun te juriyoetike. Yuꞌun jun nax mismo stiꞌbalulikix, sok yuꞌunik ekꞌa te tut sjapoj Dios ta skuenta te Cristo Jesuse.

Bible in Tzeltal Bachajón

⁶ Te bin muquen ay, ha te bin ut'il ta scuenta te lec yach'il c'op te jyanlumetic pajal sjelol stat soc Israel, junax sbaq'uetal schebalic, soc pajal ya yich'ic te bin yaloj Dios ya yac' ta scuenta Cristo Jesús.

Bible in Tzeltal de Oxchuc y Tenejapa

⁶ Ja' bi ja' ta swenta te lec yach'il c'ope, te jyanlumetic pajal me ya yich'ic soc te judioetic te bila ya yac' te Diose. Jun nax sbaq'uetal ya me xc'otic ta spisilic, soc pajal me ya yich'ic te bila yaloj Dios ta swenta Cristo Jesús.

Efesios 3:6 ပူးပေါင်းရင်းမြစ်များ

1 Corintios 12:12

Te Cristoe jich ay tutꞌil te jtiꞌbalultike. Aunke ben bayal tut lokꞌem a, pero jun nax ay.

1 Corintios 12:27

Te jaꞌexe stiꞌbalul Cristo kꞌoemex, y ta juju-tulex ja yok-skꞌab kꞌoemex.

Gálatas 3:14

Jich a kꞌot ta pasel yuꞌun Dios te tut sjapoj ta skuenta te jꞌAbrahame te jich ya sta ekꞌa te bendision ta skuenta te Cristo Jesus te machꞌatik ma juriyouke. Y yuꞌun ta skuenta te xchꞌuunel koꞌtantike ya kichꞌtik jpisiltik te Espíritu te Dios sjapoje.

Gálatas 5:24

Y te machꞌatik ayix ta skuenta te Jesucristoe yakꞌojikix ta lajel ta krus kꞌoem te stiꞌbalulike. Lajix ta pasel yuꞌunik te tut ma tsaꞌamuk ya skꞌupin spasel te stiꞌbalulike y sok te sbikꞌtal yoꞌtanike.

Efesios 3:3

Dios la yaꞌbon kil te tut mukul ta yoꞌtane, y la yaꞌbonix jnaꞌ jich tutꞌil la jtsꞌibabeyex chaꞌoxpꞌaluke.

Efesios 5:30

Porke jaꞌ stiꞌbalul kꞌoem y joꞌotik stiꞌbalulotik kꞌoem ekꞌa.

Efesios 5:7

Te jaꞌexe ma me ajoyin abaik sok ta spasel.

Colosenses 2:19

Te stukelike ma junuk nax ayik sok te Cristo, te jolol kuꞌuntike, te jaꞌ ya yakꞌ mukꞌubuk spisil te stiꞌbalul te ya smakꞌline, y jun nax ya yakꞌ ta juju-chꞌam, jich tutꞌil snopoj te Diose.

1 Juan 1:3

Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

1 Juan 2:25

Jaꞌ to jaꞌ yalojbotikix te Jesucristoe te ya yakꞌ te kuxlejal sbajtel kꞌinale.