Efesios 3:3 - Nuevo Testamento Tzeltal de Amatenango

³ Dios la yaꞌbon kil te tut mukul ta yoꞌtane, y la yaꞌbonix jnaꞌ jich tutꞌil la jtsꞌibabeyex chaꞌoxpꞌaluke.

Bible in Tzeltal Bachajón

³ ha a'boton jna' te bin muquen ay, hich te bin ut'il la jts'ihbayix cha'oxp'ahl.

Bible in Tzeltal de Oxchuc y Tenejapa

³ Dios la yac'bonix jna' te bila muquen ay ta yo'tane. Jich bit'il la jts'ibubeyexix cha'oxp'aluc.

Efesios 3:3 ပူးပေါင်းရင်းမြစ်များ

Hechos 22:17

Kꞌalal sujton tal liꞌ ba Jerusalene, boon ba jkꞌopon Dios ta templo, y ay tuti kil ta stekꞌlejal yilel.

Hechos 22:21

Pero te Kajwaltike la yalbon: “Baan me, porke joꞌon ya jtikonat bael ta jakal ta yanetik nasion”, la yuton —xchi te jPabloe.

Hechos 23:9

Jich xchꞌeetik ta kꞌop spisilik. Ay maestroetik yuꞌun te mantaliletik te ayik ta fariseoile laj tejkꞌaj jajchel y la yalik: —Te winik to maꞌyuk tut ma tsaꞌamuk spasoj. Ma jnaꞌtik teme ay a kꞌoponotix yuꞌun te espiritue o jaꞌ te ángele —xchiik.

Romanos 11:25

Kermanotak, ya jkꞌan te ya anaꞌik te tutꞌil ay te kꞌop to te ma akꞌot ta naꞌel ta nail toe, jaꞌ te tut snopoj ta yoꞌtan te Diose, skuenta yuꞌun makꞌ me ya atoy abaik a te tutꞌil ay apꞌijil ta akꞌopike. Te israeletike ay tulanejem yoꞌtanik olil, jaꞌ to teme tsꞌakay ta spisil te jich yipal ya xchꞌuunik Dios te machꞌatik ma stsꞌumbaluk Israele.

Romanos 16:25

Aꞌ kaltik yutsilal te Diose te ya xjuꞌ yuꞌun te ya yaꞌbeyex yip awoꞌtanike, jich tutꞌil te ya yal te skꞌoplal kolel te yipalon ta yalele, jaꞌ bi, jaꞌ te tutꞌil ay skꞌoplal te Jesucristoe. Jaꞌ to jaꞌ te tut la yakꞌix ta naꞌel ta ora to te tut xchapoj ta yoꞌtan te Diose. Jaꞌ te tut mukul ay ta nail to te kꞌalal ma to ayuk a te balmilale.

2 Corintios 12:1

Ma jkꞌan te ya jtoy jba ta mismo jtukel naxe. Pero jaꞌ me ya jta ta alel te tutik a kil y la yaꞌbon jnaꞌ te Kajwaltike.

Gálatas 1:12

Ma teyuk a jta a ni ma teyuk jnopoj a te ta skuenta nax jtul winike, yuꞌun jaꞌ ta skuenta te Jesucristoe stukel mismo a yaꞌbon jnaꞌ.

Efesios 1:17

Ya jkꞌanbe te Diose yuꞌun te Kajwaltik Jesucristoe, te Tatil te lom bayal slekilale, aꞌ yaꞌbeyex te pꞌijilil ta skuenta te Espiritue, skuenta yuꞌun jich ya anaꞌik a te tut ya yakꞌ ta naꞌele, y ya me anaꞌbeyik sba ta lek.

Efesios 3:4

Teme la awilike, tey ya anaꞌik te tut mukul ta yoꞌtan te Cristoe te la jnaꞌixe,

Efesios 3:6

Te tut mukul aye, jaꞌ to: Jaꞌ ta skuenta te skꞌoplal kolel, te machꞌatik ma juriyouke mismo ya yichꞌik te majtanil te tutꞌ yuꞌun te juriyoetike. Yuꞌun jun nax mismo stiꞌbalulikix, sok yuꞌunik ekꞌa te tut sjapoj Dios ta skuenta te Cristo Jesuse.

Efesios 3:9

Y jaꞌ aꞌbilon kaꞌtel te ya jpasbe yilik ta spisilik te tut xchapoj ta sil tiempo te mukul ay yuꞌun te Diose, te jaꞌ spasoj spisil te tutik aye.

Efesios 6:19

Y kꞌoponbonik me Diose euk, yuꞌun Dios me ya yaꞌbon te kꞌopetik ya skꞌan ya kale. Yuꞌun jich me ya xjuꞌ yuꞌun yalel sok yip koꞌtan te skꞌoplal kolel, y jich ya kakꞌ ta naꞌel te tut mukul ay ta nail toe.

Colosenses 2:2

Yuꞌun ya jkꞌan te ya yichꞌ spuersa te awoꞌtanike, yuꞌun ya me xchiknaj te jun nax ayex ta skuenta te skꞌuxul awoꞌtanike, sok yuꞌun te ben tsꞌakal ya anaꞌik te tut mukul ay yuꞌun Dios, te jaꞌ te skꞌoplal te Cristoe.

Colosenses 4:3

Kꞌoponbotik Dios euk te joꞌotike te yakuk sjambotik puerta te Kajwaltike ta yalel te skꞌope, sok ta yalel te tut mukul ay yuꞌun te Cristoe, te jaꞌ ayon ta prexo yuꞌun.

Hebreos 13:22

Kermanotak, awokolikuk junuk awoꞌtan xꞌawichꞌik te jaypꞌal kꞌopetik te atsitselik te la jtsꞌibabeyexe.

1 Pedro 5:12

Te Silvanoe, jaꞌ te jtul hermano te jun yoꞌtan xchꞌuunej Diose, jaꞌ la jmajanbey skꞌab ta stsꞌibayel te chꞌin karta to. Yuꞌun ya jtsꞌitsex y ya kalbeyex ta jamal te bendisionetik te awichꞌojikixe, te chikan a te jich ay slekil yoꞌtan te Diose. Jmel nax me junuk awoꞌtanik te tutꞌil jich ay te xkꞌuxul yoꞌtane.

2 Pedro 3:15

Naꞌbeyaik me sluwar te jun yoꞌtan ya xmaliwan te Kajwaltike te yuꞌun ya yaꞌbotik te jkoleltike. Jich tutꞌil te la stsꞌibabeyex te kermanotik jPablo te kꞌux ta koꞌtantike. Chikan te spꞌijil a aꞌbot yuꞌun te Diose.