Efesios 3:20 - Nuevo Testamento Tzeltal de Amatenango

²⁰ Y te ora to aꞌ chiknajuk slekilal te Diose te ay spoder yuꞌun spasel bayal ta mas te tutik ya jkꞌanbetik o te tut ya jnoptike, ta skuenta te spoder te ya xꞌaꞌtej ta jtojoltike.

Bible in Tzeltal Bachajón

²⁰ Te Mach'a te ha ta scuenta yu'el te c'ax hich ya xhu' yu'un spasel ta jtojoltic a te bin ya jc'ambetic o te ya xtal ta co'tantic,

Bible in Tzeltal de Oxchuc y Tenejapa

²⁰ Ta ora to, ac'a chicnajuc yutsilal ta bayuc te Diose. Ya xju' yu'un spasel spisil, c'ax jich te bit'il ya jc'anbeytique soc te bit'il ya jna'tique, ta swenta bit'il yac ta at'el te yu'el ta jtojoltique.

Efesios 3:20 ပူးပေါင်းရင်းမြစ်များ

San Mateo 3:9

Jamal ya kalbeyex te ya xjuꞌ yuꞌun te Diose ya sujtes ta stsꞌumbal jꞌAbraham te tonetik to.

San Juan 10:10

Te machꞌa jꞌelekꞌe ya nax tal elkꞌajuk sok milwanuk sok ya xjimawan. Pero te joꞌone jaꞌ a talon yuꞌun te ya staik xkuxlejalike, yuꞌun jich me ben tsaꞌam ya sta xkuxlejalik.

Romanos 16:25

Aꞌ kaltik yutsilal te Diose te ya xjuꞌ yuꞌun te ya yaꞌbeyex yip awoꞌtanike, jich tutꞌil te ya yal te skꞌoplal kolel te yipalon ta yalele, jaꞌ bi, jaꞌ te tutꞌil ay skꞌoplal te Jesucristoe. Jaꞌ to jaꞌ te tut la yakꞌix ta naꞌel ta ora to te tut xchapoj ta yoꞌtan te Diose. Jaꞌ te tut mukul ay ta nail to te kꞌalal ma to ayuk a te balmilale.

Romanos 4:21

Lom lek snaꞌoj y xchꞌuunej te Dios ay spoder yuꞌun ya yakꞌ kꞌotuk ta pasel te tut yaloje.

1 Corintios 2:9

Pero komo jich tsꞌibabil jilel ta Sjun te Diose: “Te Diose xchapoj yuꞌun te machꞌatik kꞌanbil yuꞌune te tut maꞌyuk machꞌa yiloje sok maꞌyuk yaꞌiyeje sok te ma snopojuke”, xchi me.

2 Corintios 9:8

Te Diose ya xjuꞌ yuꞌun ya yaꞌbeyex bayal ta jkaj te bendisionetike, yuꞌun jich me ay awuꞌunik sil tiempo spisil te tut ya akꞌanike. Jich me ay sobra awuꞌunik a te ya xtuun awuꞌunik ta spasel bayal ta jkaj te lekil aꞌtele.

Efesios 1:19

Y kꞌax mukꞌ y maꞌyuk slajibal te spodere te ya xꞌaꞌtej ta jtojoltik, joꞌotik te jchꞌuunejtike. Te spoder to jaꞌ mismo te la yakꞌ ta ilel te Dios sok bayal spuersae

Efesios 3:7

Jaꞌ jmajtan yuꞌun Dios te jich ayon te aꞌtel ta yalel skꞌoplal te kꞌop to ta skuenta spoder te Diose.

Colosenses 1:29

Jaꞌ yuꞌun te yipalon ta aꞌtel sok spisil te jpuersa ya yaꞌbon te Cristoe.

1 Timoteo 1:14

Jich te Kajwaltike la yaꞌbon bayal te slekil yoꞌtan ta jtojol, y la yaꞌbon xchꞌuunel-oꞌtanil y sok te skꞌuxul-oꞌtanil te kichꞌojtik ta skuenta te jun nax ayotik sok te Cristo Jesuse.

Hebreos 11:19

Yuꞌun te jꞌAbrahame la snaꞌ te ay spoder te Diose asta ya xjuꞌ yuꞌun ya xchaꞌ kuses tal te machꞌatik chamenike. Y jaꞌ yuꞌun te jꞌAbrahame la xchaꞌikꞌon sujtel te xnichꞌane, y jich seña kꞌot te chaꞌkuxele.

Hebreos 7:25

Jaꞌ yuꞌun ya xjuꞌ ya xkoltawan sbajtel kꞌinal yuꞌun te machꞌatik ya xtijilajik ta stojol Dios ta skuentae. Yuꞌun kuxul sbajtel kꞌinal, yuꞌun ya skꞌanulanbe Dios ta skuentaik.

Santiago 4:12

Jaꞌ nax Dios te yakꞌoj te mantaliletike, y mismo tiempo a jaꞌ ya yichꞌ jkuenta. Y stukel ya xjuꞌ ya xkoltawan o ya xꞌakꞌawan bael ta chꞌayel. Te jaꞌate, ¿machꞌa ya akuy aba a te ya awichꞌ jkuenta te ajoy ta genteile?

2 Pedro 1:11

Jich me jamal ya sjeꞌbelex te puertaetik te ba ay ta ajwalil sbajtel kꞌinal te Kajwaltik Jesucristo, te jKoltawanej kuꞌuntike.

Judas 1:24

Te úniko Dios te jKoltawanej kuꞌuntike ta skuenta te Kajwaltik Jesucristoe, ay spoder yuꞌun te ya skꞌanantayex te jaꞌexe, makꞌ yakꞌ xyalex ta mulil ae, yuꞌun jich me ya yikꞌex ochel te ba aye. Ben jun awoꞌtanik te maꞌyuk amulik te ya xkꞌoex ta stojol te ba ay te slekilale. Te stukele ay slekilal, sok ben mukꞌ, sok ay spoder, sok yichꞌoj yaꞌtel, jaꞌ to ta slijkibal to, y te ora to, y ta sbajtel kꞌinal. Jichuk.