Efesios 3:17 - Nuevo Testamento Tzeltal de Amatenango

¹⁷ Y te ya xꞌanin ta awoꞌtanik te Cristo ta skuenta te xchꞌuunel awoꞌtanike. Jich te jaꞌexe junuk awoꞌtanik y toyoluk tsunulex ta skuenta te skꞌuxul awoꞌtanike.

Bible in Tzeltal Bachajón

¹⁷ soc te yacuc xnahin ta awo'tanic te Cristo ta scuenta sch'uhunel awo'tanic, scuenta yu'un, te bin ut'il lop'inemex soc awich'oj awipic tey ta c'uxul-o'tanil,

Bible in Tzeltal de Oxchuc y Tenejapa

¹⁷ soc te ya snainbeyex awo'tanic te Cristoe ta swenta te bit'il ay xch'uunjel awo'tanique. Soc te bit'il ismajemex ta lec soc te ay yip awo'tanic ta swenta te xc'uxul awo'tanique,

Efesios 3:17 ပူးပေါင်းရင်းမြစ်များ

San Mateo 13:6

Te kꞌalal kꞌuxub tal te kꞌajkꞌale, chikꞌot yuꞌun, porke ma ismajemuk lek. Jicha takej.

San Lucas 6:48

Jich kꞌoem te tutꞌil jtul winik te la spas snae. Toyol a sjokꞌbe koel te xchꞌenale, jaꞌ to te la sta te limlim tone. Teꞌ stsꞌun tal moel a te yipajib snae. Kꞌalal tal te nojel jaꞌe, te xwilawet kꞌaxel a te ba snae, ma nijk yuꞌun, yuꞌun ipajem lek sok te limlim tone.

San Juan 14:17

jaꞌ bi jaꞌ te Espíritu te ya yakꞌ ta naꞌbeyel sluwaril te tut batsꞌi jiche. Te machꞌatik ayik ta skuenta balmilale, ma xjuꞌ ya yikꞌik te Espiritue, porke ma xyilik y ni ma snaꞌbeyik sba. Pero te jaꞌexe ya anaꞌbeyik sba porke sjoyinejex, sok ya me xꞌayin ta awoꞌtanik sil tiempo.

San Juan 14:23

Te Jesuse la sjakꞌbe: —Te machꞌa kꞌuxon ta yoꞌtane, ya yakꞌ ta jkuenta te jkꞌope, y kꞌux ya xꞌaꞌiyot yuꞌun te jTate. Y te jTate sok te joꞌone yax tal joyintik.

San Juan 17:23

Te joꞌone ayon ta yoꞌtanik, y te jaꞌate ayat me ta koꞌtan euk, yuꞌun jich me jun nax ya xkꞌotik. Jich te machꞌatik ayik ta skuenta te balmilale te me ya snaꞌbeyik sluwar a te jaꞌat la atikonon tale, sok te ben kꞌux ta awoꞌtan te machꞌatik xchꞌuunejonixe, jich tutꞌil te kꞌuxon ta awoꞌtane.

San Juan 6:56

Te machꞌa ya sweꞌ te jtiꞌbalule y te ya yuchꞌ te jchꞌichꞌele kuxulix ta jtojol, y te joꞌone jun nax ya xkuxuyinon sok.

Romanos 5:5

Sok makꞌ ya jtatik kꞌexlal yuꞌun te tutꞌil ya jmaliytike, porke Dios aꞌ snojesbotik ta koꞌtantik te slekil yoꞌtan ta skuenta te Chꞌul Espíritu te yakꞌojbotike.

1 Corintios 3:6

Te joꞌone la kaw, y te Apolose la yaꞌbe yaꞌlel. Pero Dios jaꞌ a yakꞌ chꞌiuk tal te tutiꞌ yichꞌ tsꞌunele.

1 Corintios 8:1

Te ora to jaꞌ ya kalbeyex te tutꞌil ay skꞌoplal te weꞌeliletik te ya xꞌakꞌot ta skuenta te lotil diosetike. Batsꞌi jich te tut ya xꞌalote te jpisiltik pꞌijubenotik. Pero ay ya jtoy jbajtik yuꞌun te pꞌijiltike. Yan teme ay slekil koꞌtantike jaꞌ ya yakꞌ lekubotik ta skuenta Espíritu.

2 Corintios 13:5

Aꞌiya me abaik jaꞌex mismo, yuꞌun jich me ya xchiknaj a teme batsꞌi ay te xchꞌuunel awoꞌtanike. Pasa abaik ta prewa. ¿Me ma anaꞌojikuk te ayix ta awoꞌtanik te Jesucristoe?, teme ma lomuk nax awaloj te achꞌuunejike.

2 Corintios 6:16

Ma spas teme komon ay te templo yuꞌun Dios sok te lotil diosetike. Porke joꞌotik templootik yuꞌun te kuxul Diose, jich tutꞌil a yal jilel stukele: “Ya me xnainon ta yolilik, teꞌ ya me xbeenon a. Joꞌon Dioson yuꞌunik y jaꞌ jtejklum kuꞌunlan”, xchi me.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

Colosenses 2:7

Tsꞌunulukex me lek ta skuenta stukel, jmel nax junuk awoꞌtanik yuꞌun ta skuenta te xchꞌuunel awoꞌtanik, jich tutꞌil te la awichꞌik nojpesele. Y sil tiempo albeyaik kola yal Dios.

1 Juan 4:16

Jich a jnaꞌtikix sok jchꞌuunejtik te kꞌuxotik ta yoꞌtan te Diose. Ay xkꞌuxul yoꞌtan te Diose, y te machꞌa batsꞌi ay skꞌuxul yoꞌtane kuxulix ta stojol Dios y Dios ay ta yoꞌtane.

1 Juan 4:4

Kuntikil, te jaꞌexe jaꞌ yuꞌunex te Diose, y la atsalikix te jloꞌlawanejetik abi. Porke te machꞌa ay ta atojolike, jaꞌ mas bayal spoder ke ta machꞌatik ayik ta skuenta te balmilale.

Apocalipsis 3:20

Ila awil, joꞌon ayon ta kꞌop ta tiꞌ puerta. Teme ay machꞌa ya yaꞌibon te jkꞌope y ya sjeꞌ te tiꞌpuertae, ya xꞌochon ta sna y jun nax ya xweꞌon sok.